III. THE STRANGER'S CALL

"Sofia, we're so happy for you! Makakasama mo na si Tita Serenity pati na rin ang mga kapatid mo," masayang sabi ni Macey.

Nandito kami ngayon sa cafeteria.

Ngumiti si Sofia. "Ako rin. I can't wait to see them."

"Bukas na daw mag-uumpisa ang preparation for the homecoming?" tanong ni Jayson.

"Yeah. Busy ang mga tao ni dad ngayon tapos sumabay pa 'yung nangyari kahapon," sagot ni Sofia.

Ngumiti ako at hinawakan ang kamay niya. "If you need some help for the preparation, just tell us. We're gonna help you." Tinignan ko ang ibang kaibigan namin at tumango naman sila.

"Actually, aayain ko nga sana kayo mamaya sa Belle's Cafe para mapag-usapan sana natin nang maayos 'yung preparation. Gusto ko rin kasi tumulong kila dad," aniya.

"Sige ba!" saad ni Brix.

"Thank you, guys!"

Tumango ako at nginitian siya.

Belle's Cafe

Pagdating namin sa coffee shop ay agad kaming sinalubong ng may-ari nito na si Ms. Belle.

"Good afternoon po, Ms. Belle," bati namin.

"Good afternoon. Anong gusto niyo?" nakangiting tanong niya.

"Libre po ba?" tanong ni Jayson. Natawa naman si Ms. Belle.

"Naku! Ikaw talaga, Jayson, puro libre gusto mo." Natatawang saad ni Ms. Belle.

"Joke lang po!"

"Sige na, maupo na kayo."

Naupo kami sa favorite spot namin, malapit sa bintana. Buti na lang din ay walang masyadong tao. Nag order na rin kami ng drinks namin at ng makakain.

Pagkadating ng order namin ay nag start na kami sa pag-uusap tungkol sa preparation.

"Jayson, kumakanta ka pa rin naman hanggang ngayon diba? Pwede ka bang mag-perform sa event?" tanong ni Sofia.

"Why not? Pero pwede ko bang isama si Brix?" saad ni Jayson na ikinagulat ng katabi ko.

"Bro, kaya mo ng mag-isa 'yan," wika ni Brix.

"Pero kailangan ko ng gitarista. Sa ating lima, ikaw lang ang marunong gumamit ng gitara."

"Please, Brix. Pumayag ka na," saad naman ni Sofia. Tinignan ko si Brix na pilit ang ngiti.

"Demi, hiwalayan mo na nga 'to!" Pang-aasar ni Macey.

"Hindi pa nga sila, eh," pang-aasar din ni Jayson at tumawa pa.

"Shut up, guys! Sige, payag na ako," seryosong saad ni Brix.

"'Yon naman pala, eh!"

"Thank you, Brix!"

Nagpatuloy kami sa pag-uusap. Ang sabi ni Sofia ay kami raw ang tutulong sa pag de-design ng stage.

"Kami na lang ni Demi ang bahala sa decorations," sabi ni Brix.

"Ayos lang ba, Dems?" tanong ni Sofia.

"Oo naman," sagot ko.

Biglang tumunog ang cellphone ko dahil sa isang tawag.

"Oh my God! Is that Kuya Derrick?!" masayang tanong ni Macey nang silipin niya kung sino ang tumatawag. Tumango naman ako bago sagutin 'yung tawag.

"Hi, kuya!" nakangiting bati ko. Kumaway pa kami sa kaniya.

"Hey, lil sis! How are you?" tanong niya.

"Ayos lang naman," sagot ko.

"Hi, Kuya Derrick!" sigaw nila Macey at Sofia. Kinawayan naman sila ni Kuya.

"Wait, si Brix ba 'yang nasa tabi mo?" kunot-noong tanong niya.

"Uh...oo." Umayos ako ng upo para makita silang lahat.

"Brix, konting distansya naman sa kapatid ko, sobrang lapit mo na." Tinignan ko si Brix at napalunok ito.

Bigla namang tumawa nang malakas si Jayson, "Minsan nga 'di lang ganyan kalapit, eh!" pang-aasar nito kaya mas lalong sumeryoso si kuya.

"Kuya, 'wag kang maniwala d'yan."

"He's a liar!"

Sabay pa kaming nagsalita ni Brix kaya mas lalong natawa ang mga kasama ko.

"By the way, Brix. How's your sister Bianca?" tanong ni kuya kaya ako naman ang napangiti.

Ate Bianca was Kuya Derrick's ex-girlfriend. Three years na pero 'di pa rin pala siya nakaka move-on sa first love niya.

"Ate Bianca's fine. She's busy with her new business," sagot ni Brix. Napangiti naman si kuya.

"Miss mo na? 'Yan kasi pinakawalan mo pa!" Napailing na lang ako sa sinabi ni Jayson. Lagot talaga 'to kay kuya.

"Tumahimik ka, Jayson! Susupalpalin ko 'yang bunganga mo pagbalik ko."

Gulat akong napatingin kay kuya dahil sa sinabi niya.

"Babalik ka na?" tanong ko. He's in US right now. 3 years na nga siyang nandoon, eh.

"Yup! Be ready. Pag-uwi ko mag-uusap kami niyang manliligaw mo, pati na rin ikaw Jayson."

Napapalakpak ako dahil sa tuwa.

"Alam na ba 'to nila mommy?" tanong ko. Umiling naman siya.

"Wag mo munang sabihin. Sige na. I'll call you again later or tomorrow."

"Bye, kuya!"

Pagkatapos magpaalam ay pinatay na ni kuya ang tawag.

"Madami pala ang babalik ngayon!" masayang saad ni Sofia.

"Wait, may sasabihin din pala ako," nakangiting saad ni Jayson.

"What's that, babe?" tanong ni Macey.

"Babalik na ulit si dad! Tapos na ang project niya sa Singapore."

Wow! May instant reunion yata na mangyayari this month. Nakakatuwa!

"I can't wait to see them. Siguradong magiging masaya ang homecoming dahil kumpleto tayo," wika ko.

Biglang tumunog ulit ang cellphone ko.

"Si Kuya Derrick ba ulit 'yan?" tanong ni Sofia.

Tinignan ko ang tumatawag pero isa itong unregistered number.

"Hello."

"How's the preparation, Demi?"

Sino 'to? Tinignan ko ulit 'yung number at wala talaga akong maalala na tumawag na ito sa akin dati. 

"I can't wait to see you and all the people of Greenville. Be ready!"

Kinilabutan ako dahil sa malaking boses niya at nakakatakot na tawa niya.

Magsasalita pa sana ako pero namatay na ang tawag.

Tumingin ako sa mga kaibigan ko.

"Sino 'yon, Demi?" tanong ni Brix.

"Wrong number, I guess." Binalik ko nalang ang phone ko sa bag at ininom ko yung frappe ko. Muntik pa nga itong matapon dahil sa panginginig ng kamay ko. Buti na lang ay agad itong nahawakan ni Brix.

"Are you okay, Dems?" tanong ni Macey, halata ang pag-aalala sa mukha niya. 

Pilit akong ngumiti at tumango.

"Pupunta lang ako sa CR saglit," paalam ko at tumayo.

Pagkapasok ko sa CR ay tumingin ako sa salamin. Ilang segundo ako tumingin sa itsura ko. Napansin ko agad ang pamumutla ko.

Napahilamos na lang ako ng mukha para kahit papaano ay mahimasmasan ako. 

Nakakatakot! Sino naman kaya 'yung tumawag? Paano niya ako nakilala at bakit gano'n ang tono ng boses niya? Ngayon ko lang narinig ang boses na iyon. Parang may halong pagbabanta.