Chapter Eight

TINITIGAN ni Jayelle ang sarili niya mula sa salamin. Isang dress na bulaklakin ang suot niya na paborito niyang suotin noon sa tuwing nagpupunta sila ni Joshua sa bayan ng Alta TIerra para magsimba at mamasyal. Tinernuhan naman niya iyon ng kulay puting doll shoes na ibinili rin sa kanya noon ni Joshua. itinali lang niya ang kulot at mahaba niyang buhok bago niya iyon nilagyan ng malaking kulay puting ribbon. Nang matapos ay lumabas na siya ng kwarto para sa sala na lang hintayin si Jonathan.

"Hi, Nay Dorie," bati niya sa mayordoma ng makasalubong niya ito.

"Oh, Hija, may lakad ka?"

Tumango siya. "Oho. Inaya po ako ni Jonathan na kumain ho sa labas."

Sinuri nito ang kabuohan niya. "Na ganyan ang suot mo, Hija?"

Takang tiningnan niya ang sarili. Meron bang mali sa suot niya?

"May problema ho ba sa suot ko, Nay?"

"Hindi naman sa kinukwestiyon ko ang paraan ng pananamit mo, kaya lang kasi-"

Sabay silang napatingin ng mayordoma sa pinto nang napansin nila ang pagdating ni Jonathan. Pans