Chapter Ten

NAG-ANGAT ng tingin si Jonathan sa nakababata niyang kapatid nang inilapag nito ang credit card sa lamesa niya.

"Nagawa ko na ang mga inutos mo, Kuya," nakangiting sabi ni Cali sa kanya.

"Good. Thank you."

Inilahad nito ang palad sa harapan niya pagkuway ngumisi. "Ang napag-usapan..."

Nangingiting nailing siya. Dinukot niya ang wallet mula sa bulsa ng slacks niya at kumuha roon ng libuhing pera tulad ng napag-usapan nila tsaka ibinigay dito.

"Yiiieh! Thank you, Kuya!" anito na niyakap pa siya ng mahigpit.

Inalis niya ang tingin dito at itinuon sa binabasa niyang report. "Did she enjoy shopping?"

"Yep! Pero nagrereklamo siya sa bawat gamit na binibili namin sa kanya kesyo masyado raw mahal. 'Yung cellphone nga na pinabili mo muntikan na niyang hindi tanggapin," anito na tila nagsusumbong sa magulang.

"but I like her more than Francesca," sabi pa nito na ikinatigil niya.

Hindi niya itatanggi iyon dahil malayong malayo ang ugali ni Jayelle kay Francesca. Pero hindi rin naman masisisi ni