CHAPTER 13

Hindi mapigilan ni Rose na malungkot sa balitang narinig niya kay Colet. Talaga ngang umalis si Xavion, ganon din si Nikolas, at wala rin silang ideya kung babalik ang mga ito. Naiwan siya sa bahay na iyon kasama ang mga katulong at bodyguards. Wala rin si Donya Evasha na lubos na pinapasalamatan niya dahil hindi siya mai-stress.

Tanghali na nang maisipan niyang pumunta sa sinasabing garden na nasa malapit lang. Hindi na siya nagpaalam pa kela Yanna dahil paniguradong susundan siya ng mga ito. Sinipat niya ang mga nakabantay sa labas na mga tauhan ni Xavion at nilingat niya ang mga ito.

Gusto niyang palakpakan ang sarili dahil nagawa niyang takasan ang mga ito. Hindi rin naman kasi naghigpit si Xavion dahil alam niyang hindi siya aalis ng bahay, pero hindi siya magpapapigil ngayon. Ayaw niyang matengga na lamang sa bahay na iyon.

Hinanap niya ang sinasabi nilang garden pero nalito na siya kaya nagtanong na lang siya sa makita niyang tao.

"Excuse me, saan po ba dito ang Spy Creek Gard