KABANATA 59

Sky's POV

Hindi man lang siya nakadama ng pagod nang takbuhin niya ang pauwi sa bahay nila galing kina Braille.

Kahit malamig ang panahon ay pasisid pa niyang tinawid ang batis para makarating sa kabila kung saan pag-aari na niya ang lupa.

Matagal na nanatili siya sa labas ng bahay kahit malakas na malakas pa rin ang ulan. Nasa beywang niya ang dalawang kamay habang nakatingala sa nagngangalit na langit.

Sinasalubong ng mukha niya ang pagbuhos ng ulan.

Katulad ng panahon ay walang kapayapaan sa puso niya.

Mula nang makita niyang muli si Braille ay nagulo ang lahat ng mga plano niya sa buhay.

Ang akala niya ay maibibigay niya na rin ang kumpletong pamilya na nararapat kay Ivan. Malapit ang anak niya kay Audrey. Nakikinig ito sa babae.

Handa na siyang pakasalan ito para sa kapakanan ng batang itinuturing na niyang totoong anak. Naisip niyang hindi na siya mahihirapan siguro dahil dati rin naman niyang minahal si Audrey.

Pero bakit nag-aalinlangan ang puso niya nang masilayang muli si B