KABANATA 46

"Ate Frey, ngiti ka muna," si Mae na may hawak na camera. Lumang model pero maganda pa naman ang kuha.

"Luh, ganda," natutulalang pahayag ni Lea.

"Ganda ng creation ko 'no?" malawak ang ngiting sambit ni Nikki.

Marahan kong hinagod ang gown at umiwas ng tingin, hindi sanay sa papuri. Nailang din ako at pilit tinataas ang tube na gown. May kabigatan dahil sa mga beads na nakalagay. Lace at malinaw. Puro beads lang. Masyado ring mataas ang slit nito. Halos abot na sa singit.

"Si Ate Frey ang maganda. Hindi naman 'yong damit." Irap dito ni Lea.

Sinimangutan ito ni Nikki na kinangiti ko. Inambaan pa nito ng sabunot, pinigilan ko lang ang kamay niya.

"Thank you, Lea." Ngumiti ako nang bahagya, nabibigatan sa makapal na maroon lipstick sa labi ko.

Light make-up lang at tanging lipstick lang ang makapal. Kumurap-kurap pa ako at sinasanay ang mga mata ko sa abuhing contact lenses.

"Final touch niyo na. Lalabas na sila."

Agad na