KABANATA 45

"Nikki, bakit ako? Hindi ako sanay sa ganyan," pagtanggi ko.

Hindi ko kayang isuot ang ganoong kaseksing gown. Isa pa, sa sobrang sexy noong gown baka magwala pa roon si West.

"Please, Ate. Si Sir West at Ate Mila ang dalawa sa judges, so sure win tayo," masiglang pahayag ni Mae. Kumuha pa ulit ito ng Mushroom Chicharon.

I shook my head. That's a very ill idea. Delikado na nga na si West ang judge tapos mas delikado pa na judge din si Mila. Baka hindi pa ako nakakaakyat sa stage, talo na ako.

"I don't think so. Pakiramdam ko pag-akyat ko pa lang sa stage ay talo na tayo."

Knowing West? He won't agree. Idagdag pang mukhang masama ang loob ni Mila sa akin. Panigurado, zero lahat ng score ko sa kanya. I don't want to judge her credentials as one of the judges, but I'm just thinking ahead of time.

"Hindi. Kahit hindi na manalo, Ate. Basta ma-present lang ang gown ko," pakiusap pa nito.

Nakagat ko ang labi at hindi alam paano pa tatanggi.