CHAPTER 55

“Saan ka pupunta, Calynn?” tanong sa kanya ni Misis Angela nang makita siyang palabas sa villa.

“Maglalakad-lakad lang po sana, Tita,” sagot niya na may ngiti sa kanyang mga labi.

“Mainam kung gano’n. But can I talk to you for a moment? Actually, kanina pa kita hinihintay na magising.”

Tumango si Calynn. Maaga pa naman. Alas-sais pa lang ng umaga kaya kahit isang oras siyang maantala sa binabalak niyang pagwa-walking ay okay lang. Maganda raw kasi sa buntis ang pag-i-ehersisyo. At gusto niyang umpisahan sa paglalakad muna.

Nasa first trimester pa lang ang pagbubuntis niya kaya mild na exercise muna ang napili niyang gawin. Kailangan niya munang maging maingat sa kilos niya dahil sensitive pa ang kanyang baby.

Buo na ang kanyang loob. Itutuloy niya ang kanyang pagbubuntis kahit lihim. Bubuhayin niya ang kanyang anak kahit walang kaalam-alam ang ama nito. At kapag tapos na ang issue ng Regal Empire, balak niya na aalis silang tahimik na mag-ina sa lugar na iyon.

Bahala na. Pero kun