CHAPTER 54

Wala nang bakas na pagtataka sa mukha ni Reedz nang mapanood niya sa balita ang tungkol sa Tita Divina niya; na ito pala si Mr. Russel na pinagbentahan ng mga traydor na shareholders ng stocks nila. Alam na niya iyon dahil bago mangyari ang paglalantad nito sa media at national TV ay nakausap na niya ang isang taong totoong may malasakit din sa Regal Empire.

Iyon ay walang iba kundi si Meredith!

…….“Kuya Reedz…” Mangiyak-ngiyak kahapon si Meredith nang magkita sila. Ito pala ang nag-email sa kanya.

“What does this mean, Dith?! What are you doing here?!” Salubong ang mga kilay niyang umupo sa malambot na couch katapat nito.

Nasa isang exclusive café sila. Si Meredith mismo ang pumili. Nakatayo ang café sa three-story building sa isang commercial compound. Medyo tago pero mukhang sadyang pinupuntahan pa rin ng mga parokyano dahil sa kakaibang ambiance. Perfect spot sa gustong magbawas ng stress. May mga puno at landscape kasi na puwedeng pagmasdan that will make you feel like you’re