THIRTY-EIGHTH

AFTER 2 DAYS OF RAJIV IN ICU, ACY'S FINALLY ABLE TO TALK TO JVEO FACE TO FACE.

Hinihintay nya ang sinasabi nitong paliwanag nang nakaraan pang araw pero nagulat pa rin siya nang magpakita itong bigla sa hospital kaninang umaga habang nasa ICU siya.

May kasamang lalaki si Jveo na hindi nya kilala. Sinabi nitong sa coffee shop sila sa malapit mag-usap at walang imik syang sumunod. Si John ay kasama ng lolo at lola nito ngayon. Si Mrs. Belinda kasi ay biglang nagka-mild heart attack nang magkita silang muli noong isang araw. Hindi nya pa nakakausap ang mga ito sa ngayon.

Pagkaupo pa lang, hindi na sya mapakali. Nasa magkatabing upuan sina Jveo at ang kasama nito. Bukod sa naging mas matured tingnan, wala nang nagbago pa sa itsura ni Jveo. Ang kasama naman nitong lalaki ay may brown na bilugang mata, matangos na ilong at mahabang buhok. Kabuuan, maganda itong lalaki at mukhang laging may nang-iinis na ngiti.

Marami syang gustong itanong at sabihin kay Jveo pero hindi nya alam kung saan m