ER-ER

“Naku naman, bakit hindi ka nagpasabi na pupunta ka rito?” tanong ng kaniyang Lola Gloria nang kumawala ito sa pagkakayakap kay Skyler.

Pinaglipat-lipat niya ang tingin sa mga ito. “Er-Er?” tanong niya na sa kaniyang lola nakatingin.

“Mhia, hija, nagkakilala na pala kayo nitong si Er-Er. Siya iyong sinasabi ko sa iyo na apo ng aking yumaong kaibigan. Iyong may-ari ng lote sa kabilang bahagi ng farm. Iyong may malaking puno ng acacia. Tanda mo pa ba?” Halata ang excitement sa tinig nito habang sinasabi iyon.

Muli niyang nilingon si Skyler na nakatingin din sa kaniya. Hindi niya mabasa kung anong iniisip nito, but there was recognition in his eyes.

“Halika nga ritong bata ka,” anang kaniyang Lola Gloria. Hinila pa nito sa kamay si Skyler. “Bakit hindi ka man lang nagpasabi na dadalaw ka rito? Kararating mo lang ba?” sunod-sunod na tanong nito sa nagpapaubuyang lalaki. Naupo ang mga ito sa harap ng dinig table.

“I didn’t know. . .” Iyon ang namutawi sa mga labi nito nang lingunin ang kan