Matapos nilang kumain ay nagkantahan muna sila sa videoke na nasa loob ng cottage. Parang may sariling concert si Joe dahil halos ito na ang nagpi-perform sa gitna. Tawa lang sila nang tawa. Maya-maya pa ay nagkanya-kanya na sila ng ayos ng tent. Magkasama sa isang tent sina Eunice at Katrina. Si Joe at Nick naman ang sa isa pa. Nagpaalam na rin sila ni Brent dahil doon nga sila magsi-set up sa puno na malayo sa tent ng mga kaibigan. Kanina pa nya napapansin na hindi masyadong umiimik si Brent kaya't naninibago siya.
Bitbit nito ang tent nila at siya naman ang may bitbit ng iba pa nilang gamit habang naglalakad papunta sa puno.
" Lasing ka na ba, Brent?" tanong niya.
Narinig niya ang mahinang pagtawa nito.
" Kung lasing na ako baka kanina pa ako humilata," natawa ito sa tanong niya.
" Ang tahimik mo kasi," dugtong niya.
Tumingin ito sa kanya habang patuloy pa rin sila sa paglalakad.
" Ayaw mo nu'n? Makakatulog ka nang mahimbing ngayong gabi dahil hindi ako masyadong madaldal?" pabirong tanong nito.
Kibit-balikat lang ang isinagot niya dito. Tumigil na sila sa may malaking puno. Agad na ibinaba ni Brent ang bitbit at inayos ang tent nila. Tamang-tama lang ang laki nu'n sa kanilang dalawa.
Nang maitayo na iyon ay mabilis na pumasok siya sa loob dala ang gamit nila. May isang flashlight silang dala. Inayos niya ang loob. Pumasok na rin si Brent. Nilagay niya ang bag sa ulunan para maging unan niya. Humiga na siya. Nakita niya nang isara na ni Brent ang zipper ng tent. Nilagay niya ang bag nito sa tabi ng ulo niya para maging unan naman ng kaibigan.
Tumingin ito sa kanya saka humiga na rin. Medyo manipis ang bag niya dahil wala iyong masyadong laman. Naiwan niya sa cottage ang ibang damit na laman nu'n kaya't pilit na inaayos niya ang bag para medyo kumapal. Napalingon si Brent sa kanya. Nakita yata nito na hindi siya kuntento sa bag bilang unan niya.
" Come here," sabi nito saka inangat bahagya ang ulo niya at pinaunan sa kanya ang isang braso nito.
Lumingon siya sa lalaki.
" Baka mangalay ka," sabi niya pero hindi naman inaalis ang ulo sa braso nito.
" Sa laki ng muscles ko diyan, mangangalay pa?" itinaas pa nito ang isang braso para pa OA na ipakita ang muscles du'n. Alam niyang binibiro lang siya nito.
Naka-sando lang kasi ito kaya't kitang-kita nga ang muscles ng kaibigan.
" Yabang talaga," pairap na sagot niya.
Tumawa naman ito. Muli ay tumahimik na sila. Maya-maya ay nagsalita ito.
" May iba ka bang gustong makasama dito sa loob ng tent?" tanong nito pero hindi naman tumitingin sa kanya.
Nagulat siya sa tanong ng kaibigan. Tumagilid siya para tingnan ang mukha nito.
" Oo," diretsong sagot niya.
Tumagilid na rin si Brent para humarap din sa kanya.
" Sino?" nakita niya ang parang nanghihinakit na mukha nito.
Tinititigan niya ang kagwapuhan nito bago sumagot.
" Si Jacob Elordi, iyong bidang lalaki sa kissing booth," nakangiting sagot niya.
Naalala niyang sabay nilang pinanood iyon ng kaibigan minsan nang tumambay ito uli sa bahay nila. At saksi ang lalaki sa malalakas na tili niya dahil sa kilig sa bidang lalaki du'n.
Mataman niya uling pinagmamasdan ito. Nasa may ulunan nila ang flashlight.
" In fairness, may hawig ka du'n, ha!" biglang sabi niya.
Ngumiti ito nang tipid.
" Hmmm... talaga?" hindi naman nagtatanong ang tono nito, parang nangungumpirma lang.
Tumango siya dito. Nakatagilid pa rin silang pareho at nakaharap sa isa't-isa.
" Di ba, patay na patay ka du'n?" dugtong uli nito.
" Oo naman. Ang gwapo kaya nu'n!" nakangiting sabi niya na parang kilig na kilig.
Sumeryoso ito bago nagsalita uli.
" Kung kamukha ko siya, bakit di ka patay na patay sa akin?" seryosong tanong nito na hindi inaalis ang mga mata sa kanya.
Napalis ang ngiti niya. Para kasing may ipinapahiwatig ang klase ng tingin ng kaibigan sa kanya. Napalunok siya.
Hindi siya nakakilos nang hawakan nito ang mukha niya. Hinahaplos nito ang pisngi niya hanggang sa bumaba ang tingin nito sa mga labi niya.
Dahan-dahang inilapit ng lalaki ang mukha sa kanya.
" B-brent..." mahinang sambit niya ng pangalan nito nang sa tingin niya ay hahalikan siya nito.
Gusto niyang pigilan ito sa pagtawag niyang iyon pero parang naging encouragement ang dating ng tunog ng pagkakasabi niya.
Hindi na siya nakaiwas nang tuluyan nitong inilapat ang mga labi sa kanya. Kusang pumikit ang mga mata niya sa pagkakalapit ng mga labi nilang iyon. Lumipat ang kamay nito sa batok niya at hinila na siya papalapit.
Umawang ang bibig nito para sakupin nang tuluyan ang mga labi niya. Hindi niya alam kung ano ang gagawin. Kumibot-kibot lang ang mga labi niya nang s******n nito ang pang-ibabang parte nu'n. Parang may kuryenteng dumaloy sa katawan niya habang hinahalikan siya nito.
Awtomatikong napakapit na rin ang isang kamay niya sa leeg ng kaibigan. Uminit ang pakiramdam niya nang maramdaman ang dila nitong dumuduldol sa nakatikom niyang bibig. Para bang gusto nitong buksan niya ang bibig niya.
Iniawang niya ang mga labi nang bahagya. Agad namang nagsusumiksik ang dila nito sa maliit na butas na bumukas. Binitiwan nito saglit ang bibig niya saka bumulong.
" Open your mouth, Zy," paanas na sabi nito.
" Huh?" wala sa sariling sagot niya.
Inilapit uli nito ang bibig sa kanya at sinamantala ang pagkakabuka ng bibig niya nang magsalita siya. Nagulat na lang siya nang biglang kantiin ng dila nito ang nananahimik niyang dila.
Shit! Ano ba'ng ginagawa nila? Patiling tanong ng utak niya.
Napaungol pa siya nang s******n nito ang dila niya. Hinayaan niya ito. Napapapikit na siya nang mariin at hindi na namamalayan na napapasabunot na siya sa buhok ng lalaki.
" Hmmmm... B-brent..." napapaungol siya habang lumalalim ang halik nito.
Sinubukan niyang gayahin ang galaw ng dila ng lalaki. S******p din niya ang dila nito nang biglang marahas na napaungol ang kaibigan. Tinigilan niya agad ang ginagawa at inilayo ang mukha dito saka tumingin sa lalaki.
" N-nasaktan ba kita?" mahinang tanong niya nang inakala niyang napaungol ito sa sakit.
" Silly," napapangiting sagot nito saka ito na ang kusang naglapit uli ng mga labi sa kanya.
Pakiramdam niya ay mabubuhol na yata ang mga dila nila sa isa't-isa. Saka parang namamaga na ang lower lip niya sa kakasipsip nito. Hindi niya alam kung gaano katagal silang naghahalikan pero parang ayaw din niyang tumigil ito.
Minsan ay napapasinghap na siya dahil parang mauubusan na siya ng hangin. Nang sa wakas ay binitiwan na nito ang mga labi niya at parehong habol nila ang paghinga.
Hindi siya makatingin nang diretso sa kaibigan kaya't agad na isinubsob niya ang mukha sa dibdib nito at mariin na pumikit. Dinig na dinig niya ang mabilis na tibok ng puso nito kagaya ng nararamdaman niya pagkatapos ng mainit nilang halikan.
Matagal na walang nagsalita kahit isa sa kanila. Dinadama niya ang parang namamagang labi at binabasa ng laway habang nananatiling nakasubsob sa dibdib ni Brent. Ayaw niya itong harapin. Nahihiya siya sa binata.
Maya-maya ay tinawag nito ang pangalan niya.
" Zy..." paanas na tawag nito.
Hindi siya sumagot at mas lalong ipinikit nang mariin ang mga mata. Hindi na ito nagsalita pang muli. Naramdaman na lang niyang hinalikan nito ang buhok niya saka siya niyakap nang mahigpit.
Parang mangangalay na siya sa posisyon niya dahil natatakot siyang gumalaw. Unti-unti nang bumalik sa normal ang tibok ng puso ng lalaki at naging mabini na rin ang paghinga nito.
Dahan-dahan niyang iniangat ang tingin at nakikita niyang nakapikit na si Brent at mukhang nakatulog na nga. Umayos siya ng higa at sinubukang alisin ang pagkakayakap nito sa kanya pero lalo lang siya nitong hinapit.
Hinayaan na lang din muna niya ito hanggang sa unti-unti na rin siyang dalawin ng antok habang yakap pa rin ng lalaki.
Ibinaon pa niya ang mukha sa mainit na katawan na hinihigaan niya. Ang sarap sa pakiramdam ng katawan nito na parang ginagawa niyang unan. Wait... What?! Katawan? Unan? Bigla siyang napadilat at napatingin sa dibdib na hinihigaan. Saka lang niya naaalala ang nangyari kagabi na tuluyang nagpagising ng kanyang diwa. Parang nanonood ng pelikula na nagri-replay sa utak niya ang halikan nila ni Brent. God! Si Brent ang first kiss niya! At hindi lang basta-basta kiss kundi torrid kiss! Ang matindi pa ay pakiramdam niya ay para na siyang expert sa tindi ng halikan nila ni Brent kagabi. Nag-init agad ang pisngi niya. Paano ba niya haharapin ang kaibigan na parang walang nangyari? Kailangan niyang bumangon na at umalis sa tent bago pa ito magising. Madaling araw pa lang sa tingin niya dahil wala pa namang lumalabas na araw. Dahan-dahang inilayo niya ang mukha sa dibdib ng binata at iniangat ang tingin para tingnan kung natutulog pa ito. Muntik pa siyang mapasigaw sa gulat nang masalubo
Magkatabi pa rin sila ni Brent sa loob ng van nila Nick. Si Eunice ay katabi ni Katrina sa likod. Si Joe ay nasa harap pero nakikita niya ang panaka-nakang tingin nito sa kanilang dalawa ni Brent. Kunyari na lang ay hindi niya iyon napapansin.Maya-maya ay nag-concert na naman ang baklang kaibigan. Agad na nakahinga siya nang maluwag dahil hindi na nito inuubos ang oras sa kakaobserba sa kanila ni Brent.Biglang kinuha ni Brent ang isang kamay niya at hinawakan iyon nang mahigpit. Hindi siya lumingon dito. Sa halip ay ay itinuon niya ang mga mata sa labas ng bintana. Pinipisil-pisil ng lalaki ang kamay niya." Hays, antok na antok pa ako," narinig na lang niyang sabi ni Brent pero hindi niya ito nilingon.Umakbay ito sa kanya at bigla pa siyang nanigas nang sumandal ang ulo nito sa balikat niya. Dati naman nitong ginagawa iyon pero ngayon lang siya parang naiilang kasi pakiramdam niya ay mahahalata ng lahat na may kakaiba sa kanilang dalawa." Relax," bulong ni Brent habang nakasandal
Nasa kusina sila ng bahay nila habang nagluluto si Joe. Favorite tambayan na nila ngayon ang bahay nila dahil lagi namang wala ang Mama niya.Kasama niya sina Eunice at Katrina na nagdadaldalan habang pinapapak nang paunti-unti ang niluluto ni Joe. Natahimik lang sila nang biglang pumasok si Brent na may dalang malaking bouquet ng bulaklak. Nanlaki ang mga mata niya habang nakatingin sa dala nito.Mabibisto pa yata sila nang wala sa oras!" Wow! Ang ganda naman niyan! Para kanino ba iyan? May bago ka bang nililigawan?" excited na tanong ni Katrina.Napalingon si Joe at napatingin din sa hawak ni Brent." Afatay na!" biglang sigaw ng baklang kaibigan at ibinalik na ang atensiyon sa niluluto.Napakamot sa ulo si Brent." Ahm, pinabili ni Zy. Ipapalagay daw niya sa altar ni Tita," pagsisinungaling ni Brent na agad lumapit sa kanya at ibinigay ang bulaklak." Akin na iyong sukli, ha?" dugtong pa nito kunyari.Makahulugan ang palitan nila ng tingin nang kunin niya ang bulaklak na inabot ni
Excited na pinagmamasdan niya ang sarili sa salamin. Hindi siya mahilig magsuot ng dress. Mas sanay siyang naka-shorts or jeans saka blouse or shirt. Special ngayong araw kaya't nakasuot siya ng dress na hanggang tuhod at kulay beige. Nilagyan pa niya ng clip ang buhok sa may gilid ng tenga. Hanggang balikat lang ang haba ng maitim niyang buhok.Naglagay siya ng manipis na lipstick. Susunduin siya ni Brent dahil manonood sila ng sine. Actually, hindi na bago sa kanila ang panonood ng sine na sila lang pero iba ngayon dahil lalabas sila bilang magsiyota.Nang masiyahan sa mukha ay agad na lumabas ng kwarto. Nagulat pa siya nang makita itong nakaupo sa sala at hinihintay siya. Napangiti siya dahil ang gwapo nito sa suot nito na sky blue na polo shirt at maong na pantalon. Maayos pang nakasuklay ang buhok nito. Lumingon ito sa kanya at nakita niya ang pagluwang ng ngiti nito habang tinitingnan ang kabuuan niya.Tumayo si Brent at lumapit sa kanya." Pinaghandaan mo nga 'ata ang date nati
Kinabukasan pagkagising niya ay agad niyang tinawagan si Brent. Akala niya ay hindi nito sasagutin iyon pero nakaisang ring palang ay may sumagot agad." Hello," dinig niya agad ang buong boses nito.Lumunok muna siya." B-brent... I, ah..." magso-sorry na sana siya." I'm sorry. I'm so sorry, Love. Maliligo na sana ako para mapuntahan na kita diyan," biglang singit nito sa sasabihin niya.Love? Sa lahat ng sinabi ng lalaki ay isang salita lang ang tumatak sa utak niya. Hindi pa naman kasi ito nag- I love you sa kanya.Parang gusto niyang maiyak sa tuwa. Kagabi pa kasi niya nasigurado na wala na siyang nararamdaman kay Nick. Si Brent na ang tuluyang umuukopa ng puso niya. Sa katunayan, sa first monthsary nila ay siya mismo ang buong pusong mag-aannounce sa buong barakada ng tungkol sa kanila ni Brent. Surprise gift niya iyon sa boyfriend." Zy?" narinig niya uling tawag ni Brent.Nakalimutan niyang nasa kabilang linya pa pala ito." Na-miss kita," bigla niyang nasabi na parang maiiyak
Buong araw siyang hindi mapakali. OA na kung OA pero gusto na niyang makita uli si Brent kahit isang araw pa lang naman niya itong hindi nakita. Tumawag ito kanina at babiyahe na nga raw ito at ang Tita nito pauwi sa kanila.Naglinis siya ng bahay. Takang-taka pa nga ang Mama niya kung bakit para siyang kiti-kiting di mapakali. As usual, maaga na namang umalis ang Mama niya dala ang binibenta nito. May sinuswelduhan itong driver para sa pagbibenta kung saan-saan. Sinabi nitong bukas pa ito makakauwi. Sanay naman siya na hindi ito umuuwi minsan lalo't malayo ang pinupuntahan nitong lugar. Dumadayo kasi ito sa lugar na may piyesta dahil maraming tao.Sabi ni Brent ay siguradong gagabihin ang mga ito dahil tanghali na sila bumiyahe. Nagluto siya ng dinner nila. Sinabi niyang doon na kumain ng hapunan.Mag-aalas sais na at kanina pa siya nakapagluto. Naligo siya at kahit nasa bahay lang ay isinuot niya iyong pinakabago niyang blouse saka paldang hanggang tuhod na isang beses pa lang niyan
Mag-aalas sais na ng umaga pero dilat pa rin ang mga mata niya. Hindi na niya mabilang kung ilang messages na ang na-send niya kay Brent pero ni isa ay wala siyang natanggap na reply galing dito. Nagising na ang pinsan ni Brent kaya't nagluto na muna siya para pakainin ito bago ito umuwi sa kanila. Binilinan din niya ito bago umalis na pasabihan si Brent na papuntahin sa kanila.Hindi na niya kinaya ang antok kaya't nakatulog siya bago mag-alas otso ng umaga. Nagising din naman siya agad bago magtanghali at tiningnan niya uli ang phone kung may message galing kay Brent. Wala pa rin siyang natanggap galing dito. Sinubukan niya uling tawagan ang binata pero nakapatay na ang phone nito.Naligo siya at nagbihis dahil napagpasyahan niyang puntahan ito sa kanila. Kanina pa kumakalam ang sikmura niya pero wala siyang ganang kumain. Pagkabihis ay pumunta agad siya sa bahay ng Tita ni Brent kung saan ito nakatira. Si Joli ang nakausap niya. Hindi pa rin daw umuuwi si Brent at ang Kuya Jojo nit
Nakaupo siya sa ilalim ng malaking puno na paboritong tambayan nilang magkakabarkada. Buhay na buhay pa rin ang punong iyon na saksi sa pagkakaibigan nilang anim. Matagal na mula nang huling beses na kumpleto pa silang nakaupo sa ilalim ng punong iyon.Malungkot na napapangiti siyang mag-isa. Siya at si Nick na lang ang naiwan sa lugar nila. Si Eunice ay nakapag-asawa na at may isang anak. Sa Maynila na ito naninirahan dahil tagadu'n ang napangasawa nito. Si Katrina naman ay ikakasal na sa susunod na taon. Nasa Maynila rin ito dahil andu'n ang clinic nito. Isa na itong ganap na dentist. Si Joe ay busy naman sa pagiging photographer. Napapakinabangan na rin nito ang hobby nito. Kabi-kabila ang kliyente nito kaya't kung saan-saan ito napapadpad. Si Nick ay isang DJ sa radio station sa lugar nila at ikakasal na sa Sabado sa anak ng may-ari ng istasyon na pinagtatrabahuan nito. Siya naman ay may sariling printing shop na. Katabi ng pwesto niya ang pwesto ng Mama niya. Tinulungan niya iton