CHAPTER 17: THE CONFESSION

Nalaman niya kay Joli na nasa Manila si Brent at busy daw sa pinapatayo nitong condo at rentpad. Kasama na nitong lumuwas si Hannah nu'ng isang araw pa. Nalungkot siya sa nalaman dahil parang dumaan nga lang uli sa buhay niya si Brent para pukawin lang ang pahilom na niyang sugat.

Ilang araw na din niyang kinakausap si William, ang boss ng pinsan niya sa Dubai. Lagi itong nagvi-video call sa kanya. Mabait naman ang lalaki kaya't binibigyan na niya ito ng pagkakataong mapalapit sa kanya. Hindi naman ito mahirap mahalin dahil kahit nasa malayo ito ay naipaparamdam pa rin nito sa kanya ang interes nito sa kanya. Walang araw na hindi ito tumatawag o nagcha-chat sa kanya. May mga natatanggap pa nga siyang mga bulaklak na pinapa-deliver nito sa kanya. Tuwang-tuwa naman ang Mama niya.

Dalawang linggo na mula nang huli niyang makita si Brent. Tumawag si Joe at sinabing babalik daw silang magbabarkada sa resort na pinuntahan nila dati. Pumayag na raw sina Katrina at Eunice pero hindi makakasa