FINALE: HE LOVES ME (I DO!)

Linggo.

Umaga pa lang ay nasa inuupahan na ng pinsan niya si Joe. Para itong hindi mapakali na ewan. Mabuti na lang din at may damit ang pinsan niya na may pagka-gold kaya't hindi na ito bumili pa ng maisusuot. Ang sa mga lalaki naman daw ay black and white lang.

Hapon pa lang ay pinabihis na siya ni Joe. Magaling itong mag-ayos ng buhok at mag-make up dahil sa trabaho nito kaya't ito na ang nag-ayos sa kanya. Itinali nito ang buhok niya paitaas at nag-iwan lang ng mumunting hibla. May inipit itong hair pin na malaki na korteng bulaklak na kulay gold din. Napangiti siya nang tingnan ang sarili sa salamin.

" Baka naman matalbugan ko pa si Katrina nito," pabirong sabi niya.

" Ay, hayaan mo na. Wala naman iyong paki dahil secured na ang lovelife nu'n," nakatawang sabi ni Joe habang inaayos pa ang buhok niya.

Nawala ang ngiti niya dahil naalala niya si Brent.

" Oh, bakit ka naman nalungkot bigla? Sigurado ako sa ganda mong iyan, magiging secured na rin ang lovelife mo ngayong gabi," saka