CHAPTER 8

RHEA's

NAGTITIIS sa sakit na bumangon ako sa kama habang sapu-sapo ang puson ko. Mabilis na lumipad ang mata ko papunta sa kinalalagyan ng kalendaryo. Shocks, pangatlong linggo na pala ngayon ng buwan, kaya naman pala. Patay ako nito, masyadong wrong timing iyong period ko aalis pa naman kami ni Baks. Iba pa naman ako kapag may dalaw, parang naghihilab iyong puson ko sa sakit.

Dahan-dahan kong kinalkal ang bag ko at hinanap ang ekstrang sanitary pad at underwear na talagang tinabi ko para sa mga ganitong biglaang sitwasyon. Pagkaraan ay pumasok ako sa banyo para gawin iyong ritwal ko tuwing umaga.

Nang matapos ako ay lumabas na ako sa banyo habang nagpupunas ng buhok. Inda-inda ang sakit na dumiretso ako sa kusina para maghanda ng almusal. Hindi ko kasi ugaling mahiga lang kapag may dalaw ako kasi mas lalong napupunta ang atensyon ko sa sakit. Ma