Chapter Nine

INIHATID pa ni Grace sa mismong sasakiyan nito si Tracy Evanz.

"Hindi mo naman kailangan na ihatid ako Ace," wika ng binata.

"Huwag mong bigyan ng malisya ang ginagawa ko. Parte lamang ito ng ating plano," mataray na sambit naman ng dalaga na humalikipkip sa harapan nito.

Dapat magpasalamat ito sa kanya, dahil siya na mismo ang gumagawa ng paraan para hindi mahirapan sa pagpapanggap nila sa harapan ng pamilya niya.

Natigilan naman si Tracy. Mukhang hindi niya gusto ang narinig dito.

"Is that real? Dahil iba iyon sa nakita ko kaninang kumakain tayo. Habang kasama ang family mo, nakita ko kung gaano ka nage-enjoy. Kung hindi ko lang talaga alam na acting lahat mapapaniwala rin ako." Tudyo naman ni Tracy.

Maang naman pinakatitigan ito ni Grace. Mababakas ang kagulumihan sa mukha ng babae. Hanggang sa tila nagliwanag ang mukha niya pagkatapos na ma-gets ang ibig tukuyin ni Tracy.

"Ikaw! Akala mo totoo na ang lahat ng ipinakita ko sa iyo kanina roon. Hoy! FYI iyong pagsubo-subo ng pagkain