Kabanata 17

“Huh? Ako takot na takot?” turo niya ang sarili, nanlaki pa ang mga mata at matagal bago nasara ang bibig. “Ano ka ba, Erica, hindi ako takot, nagulat lang. Bigla ka ba naman kasing nagsalita. Tinataboy ko pa nga ‘yong makulit kong manliligaw na sira-ulo.” Tumitirik ang mga mata ni Myra habang nagsasalita.

“Manliligaw mo ‘yon?” duda kong tanong. Hindi ko pa rin siya nilubayan ng tingin. At kitang-kita ko ang hindi maperme niyang mga mata. Parang pinagmumura niya ‘yong lalaki sa isip niya.

“Ibang klaseng manliligaw pala ‘yon, dinaig pa si Reynald sa kulit. Pati rito sa hospital ay talagang sinundan ka?” sabi ko na parang naniniwala na rin sa sinasabi niya.

“Kaya nga, ang kulit! Nakakainis, ilang ulit ko nang tinangihan at tinaboy, sige pa rin. Nakakainis talaga ang mga lalaki ‘no?” dagdag niya pa.

“Sinabi mo pa. Lahat ng lalaking nakilala ko puro tarantado.” Sandali akong tumahimik. Naalala ko na naman kasi ang kapatid ko.

Pansin ko, nitong mga nagdaang araw, lagi ko nang naaalala a