Space

Nang magising si Jasmine, naramdaman niyang may nakahawak sa kaniyang kamay. Nagmulat siya ng mga mata at ang unang nakita ay si Jarred na nakayukyok ang ulo sa kama at mahimbing na natutulog.

Iginala niya ang paningin sa kabuuan ng silid. Napangiti siya ng makitang magkatabing natutulog ang kaniyang magulang sa sofa. Nakaakbay ang kaniyang ama sa kaniyang ina habang nakasandig naman ito sa dibdib ng kaniyang ama.

Muli bumalik ang tingin niya sa kasintahan, bumalik sa kaniyang balintataw ang mga sinabi nito sa kaniyang ina at ang sobrang pagiging possessive nito at mga bagay na hindi na nakakabuti sa kanilang relasyon. Napatingin siya sa kaniyang tiyan, mariin siyang napapikit dahil muntik ng mawala ang anghel sa kaniyang sinapupunan dahil sa nagpadala siya sa kaniyang emosyon.

Napalunok siya, siguro kailangan muna nila ni Jarred ng space sa isa't-isa. Ito lang ang naiisip niyang solusyon, masyado ng toxic ang relasyon nila. Baka sakali kung hindi muna sila magkikita ng ilang linggo