CHAPTER 6

Binigyan ni Donya Elizabeth ng isang linggo si Carie para makapagdesisyon. Hindi naman makapagpasya ang dalaga dahil hindi pa rin nawawala ang takot niya sa halimaw na si Wayne. Dalawang araw na siyang nag-iisip ng tamang gawin pero wala naman siyang maisip dahil batid niyang tanging ang kasal nila ni Wayne Devanadera ang pwede lang makatulong sa kaniya.

Nang ikatlong araw, humingi si Carie ng papel at ballpen. Agad naman siyang binigyan ng katulong kahit nagtataka ito kung saan gagamitin ng dalaga ang hiningi nito.

Pabalik na sana si Carie sa silid niya nang naalala niya si Leon na noon ay lumuwas ng Manila para gawin ang utos ng amo nitong si Donya Elizabeth.

"Manang, dumating na po ba si Leon?" tanong ni Carie sa mayordoma ng mansion.

"Wala pa po, ma'am. Nag-aalala na nga ako dahil baka pinagalitan na naman siya ni Donya Elizabeth."

"Madalas po ba siyang pagalitan?"

"Oo. Matigas din kasi ang ulo ng isang iyon. Palagi na lang dinadalaw ang mga magulang niya kahit hindi si