Chapter 7

“Good morning, manang!”

“Sus maryusep naman, iha! Nakakagulat ka naman,” saad nito at napahawak siya ng kaniyang dibdib. Napalingon siya sa akin at nagtataka akong tinitigan.

“Ang aga pa, iha.  Bakit gising ka na?” dagdag na tanong niya sa akin.

“Eh kasi may maganda akong balita sa iyo, manang!” excited na saad ko sa kaniya.

“Ano iyon? Hindi na mapalis ang ngiti mo sa mukha ah,” saad niya sa akin na ikinangiti ko pa ng malapad.

“Simula po ngayon ako na ang mag-aasikaso sa asawa ko hindi na si Nurse Kyla. Kaya naman ay maaga akong nagising ngayon para paghandaan siya ng almusal,” masiglang wika ko sa kaniya.

“Mabuti naman, nagkaayos na ba kayo ng asawa mo?” tanong niya.

“Hmm. Malapit na po kunting lambing lang ay magiging maayos na rin kami manang,” sagot ko sa tanong niya.

“Maigi iyan, iha. Masaya ako para sa inyong mag-as