Kabanata 3

Flashback 2.0

"What?! How can Chandrea be my bride?!"

Nayanig ang buong sala sa marahas na angil ni Devon. Halos lumuwa ang kaniyang mga mata habang palipat-lipat ang tingin sa mga taong nakaupo sa paligid. Gulat na gulat ito sa mga nangyayari na para bang hindi niya maproseso ang takbo ng mga pangyayari.

"Ito lang ang solusyon para mabura ang iskandalong ginawa ng panganay mong anak, Eduardo," malamig ngunit mariing deklara ni Ginoong Argon, ang padre de pamilya ng mga Villa Fuerte.

Naglalaro ang tensyon sa pagitan ng dalawang pamilya na nagtipon-tipon sa tapat ng magarbong sofa. Nag-iwan ng malaking problema si Samantha nang bigla itong maglayas tatlong araw bago ang kasal nila ni Devon. Isang desisyong hindi kayang tanggapin ng parehas na partido... lalo na sa panig ng mga Oyagrab na siyang naiwang dehado at nagmamakaawa para sa kanilang reputasyon.

"Sa ngayon... pag-uusapan muna namin ng bunso ko ang planong ito," mabigat ang boses na awat ng ama ni Chandrea, habang marahang pinipiga ang sariling mga palad.

"Okay lang sa akin, Dad," mabilis na sang-ayon ni Chandrea, walang bakas ng pag-aalinlangan sa kaniyang mukha. Hindi niya mawari kung bakit, ngunit sa isang kurap ay biglang umaliwalas ang mukha ni Ginang Marietta Villa Fuerte sa kaniyang narinig.

Humarap ang ama ni Chandrea sa kaniya ay bakas din ang labis na pag-aalala sa namumugto nitong mga mata. "Chandrean, anak, are you sure? "

Sinalubong ni Chandrea ang tingin ng ama bago umayos ng pagkaka-upo. "This matter actually has nothing to do with me. But to lessen problems, yes, I want to do this. Kasal man o hindi, kumalat na sa ibang partido ng pamilya sa Mariveles, Bataan ang iskandalong ito. Ilan sa mga investors natin ay nararating na rin ng balita. Paano sila magtitiwala sa kumpanya kung simpleng gulo lang ay hindi natin maayos at magawan ng tamang paraan?"

Inilagay niya ang isang binti sa ibabaw ng isa pa at pinagsalikop ang kaniyang mga daliri sa ibabaw ng tuhod. Kitang-kita niya kung paano siya titigan nang seryoso ng mag-asawang Villa Fuerte mula sa katapat na upuan. Sa kaniyang tabi, nanatiling nakanga-nga ang kaniyang ama, tila hindi makapaniwala sa nagibg desisyon niya .

"No! Bakit mo ipagpipilitan ang sarili mo?!" asik ni Devon, lalong nagdidilim ang mukha nito nang hindi kaagad sumagot si Chandrea.

Hindi naman napigilan ni Chandrea ang mag-irap sa hangin. Sa isip-isip ni Chandrea ay nag-iinarte pa ito siya na nga ang binibigyan ng pabor. Ngunit bukod doon ay talagang natutuwa ito sa usaping kasal.

Pinangarap niya iyon, with Devon. Super crush niya ang lalaki mula highschool sila at hindi naman iyon nawala hanggang ngayon.

"Then fix your problem," hamon niya kay Devon habang direktang nakatitig sa mga mata nito. Wala na siyang pakialam kung magmukha man siyang bastos o walang modo sa harap ng pamilya nito.

"Me?!" Duro ni Devon sa sariling dibdib, halos mapatayo sa upuan. "Sino ba ang may gawa ng lahat ng ito?! Hindi ba si Samantha?! Pamilya niyo ang may dahilan kung bakit may eskandalong meron ngayon! Kayo ang gumawa ng problema, hindi ang pamilya namin!"

"Exactly! Kaya nga gumagawa ng paraan, 'di ba?" swabe ngunit matalim na balik ni Chandrea. "Kung isisisi mo lang ang lahat sa kapatid ko, pagkatapos ay hindi ka naman kikilos, then call her and continue the wedding!"

Namula sa matinding inis si Devon, habang ang kaniyang panga ay halos mag-vibrate sa galit.

Hindi na siya pinansin ni Chandrea. Humarap ito sa mag-asawang Villa Fuerte. "It's a win-win situation, Sir. If you don't mind, I can tell you the plan."

Isang pilit at sarkastikong tawa ang pinakawalan ni Devon ngunit nang itinaas ni Ginoong Argon ang kaniyang kamay para patahimikin ang anak ang sumunod ito "Let me hear your plan."

"What? Dad, are you serious? Si Samantha ang gusto kong pakasalan!" Sigaw ni Devon.

"I said, shut up, Devon!" Ang ama naman nito ang sumagot rito.

Doon lang tila natauhan ang lalaki, niluwagan niya ang suot na necktie at pabalang na naubo sa sofa.

"First, we will proceed with the wedding... Engrande ang wedding niyo, hindi ba?" Nikingon niya si Devon. "Okay, but I hope ay wala masyadong media," panimula ni Chandrea. Siniyasat niya ang reaksyon ng lalaki sa kaniyang gilid. "Second... This is a contract marriage."

Gaya ng inaasahan nito, nakita niya ang marahas na pagkunot ng noo ni Devon at ang mahigpit na pagkuyom ng mga kamao nito.

" A what?" Bulalas ni Devon. Pero hindi nag-reactbsi Chandrea rito.

"And third... if nothing conflicts with the investors and the stock shareholders within the timeline, then we can file for a divorce after three years."

Tila ba napipi ang buong tao sa sala sa katahimikan sa sumunod na lang segundo.

"Contract marriage?! Divorce?! Do you hear yourself?!" singhal ni Devon, tila hindi makapaniwala sa narinig na mga banyagang salita mula sa isang simpleng babae.

"What? Do you want me that much, huh? I'm doing you a favor. Can't you see?" mabilis na ganti ni Chandrea, sabay taas ng kaniyang isang kilay.

Napaawang na naman ang labi ni Devon, tuluyang nawalan ng sasabihin sa kaniyang kapangahasan. "In your dreams."

Isang palihim na ngiti naman ang sumilay sa mga labi ni Chandrea nang makita ang palitan ng makahulugang tingin ng mag-asawang Villa Fuerte.

Target locked.

.....

"Congratulations, Chandrea."

Nasa gitna sila ng isang marangyang fine dining restaurant nang basagin ni Ginang Marietta ang katahimikan. Pa-leganteng hinihiwa ng ginang ang kaniyang pagkain steak habang nakangiti sa kaniya. Katatapos lang ng seremonya ng kasal nina Chandrea at Devon nitong tanghali—isang mabilis at tago na mass wedding na dinaluhan lamang ng kanilang mga magulang. Si Eduardo sa panig niya, at sina Marietta at Argon sa kabila.

"Thank you po," magalang na tugon ni Chandrea bago marahang isinubo ang shrimp mula sa kaniyang plato. Magaan ang pakiramdam niya sa mag-asawa, kahit alam niyang sa mata ng corporate world ay kilala ang mga ito bilang mga taong bawal pagkamalian.

"You can call me 'Mommy' now, since you and my son are already married," malambing na wika ng ginang.

"Thank you po, Mommy," pag-uulit ni Chandrea, na sinalubong ng mas lalong matamis na ngiti mula sa biyenan.

"Pagpasensyahan mo na si Devon kung wala siya sa ngayon," hingi ng paumanhin ng ginang habang nakatingin sa bakanteng upuan sa tabi ni Chandrea. Pagkatapos ng seremonya ay bigla na lang naglaho ang lalaki na parang bula.

"Simpleng salo-salo lang naman po ito. Hindi naman po makakaapekto sa amin," sagot ni Chandrea upang pagaanin ang loob ng ginang, bago muling nagpatuloy sa pagkain.

Pero deep inside ay hindi natutuwa si Chandrea sa ginawa nito. It was suppose to be their happy day.

Pagdating ng hapon ay mag-isa siyang dinala ng driver sa tapat ng isang marangyang condominium tower. Hawak ang spare key na ibinigay sa kaniya ni Mommy Marietta, marahan niyang binuksan ang p***o ng unit ni Devon. Agad na sumalubong sa kaniya ang isang pamilyar at mabangong panlalaking scent na bumabalot sa buong kwarto.

Hila-hila ang kaniyang nag-iisang buong maleta, inilibot niya ang paningin sa kabuuan ng bahay. Maaliwalas, malinis, at may iilang sketch frames na nakasabit sa dingding. Na isip niya'y mukhang mga gawa iyon ng Architect niyang asawa.

Dire-diretso siyang naglakad patungo sa master bedroom. Pagkabukas pa lang ng p***o ay palihim na siyang napangiti. "So, it was real," usal niya sa sarili habang pinagmamasdan ang bawat sulok. Naupo siya sa malambot na higaan. Sa isang bahagi ng kwarto ay may mababang bookshelf na abot-tuhod lang ang taas. Sa ibabaw naman ng dingding, nakasabit ang isang 24-inch television na katapat na katapat ng kama.

"Organisado ang loko," natawa siya nang bahagya nang mapansin ang magkakasunod na laki ng mga trophies na maayos na naka-display sa mini-shelf. Humiga siya sa kama, idinilat ang mga mata sa kisame, at ninamnam ang bawat minuto ng tagumpay na maging asawa ng lalaking palihim niyang minamahal.

Hanggang sa makatulog siya.