WAKAS

NAKAKUNOT ang noo ni Chel na hinandaan ng meryenda ang mister niya na kasalukuyang nasa likurang bahagi ng bahay nila at nadatnan niya itong sinusukat ang buong bahay gamit ang mga daliri. May hawak din itong sketch pad, kung kaya't kinuha ni Chel ang atensyon nito.

"Ano iyang ginagawa mo mahal?"

"Mahal," saka ito nakangiting bumaling ulit sa kabuuan ng bahay bago lumapit sa kanya. Sa kanilang pwesto ni Dwight ngayon, nasulyapan niya ang hawak nitong sketch pad at nakita ang sa tingin niya'y plano para sa pagpapagawa ng bahay. Kaya mas lalong gumatla ang pangungunot ng noo niya.

"Para saan iyang sketch pad mo?"

"Ah, ito ba?" Kinuha muna nito ang baso na may lamang juice at ininom iyon bago muling inilapag sa lamesita sa kanilang harap. Ngumunguya na rin si Dwight ngayon ng tinapay habang nakangiting tinatanaw ang kabuuan. "I have decided to make our house a two to three storey. Papayag ka naman di'ba? Our family has gotten so much bigger ngayong buntis ka na naman sa ikalawang anak n