PAG-LUBOG NG BARKO NG BARON

Naka-sulyap si Estacie sa kalangitan bago muling tumingin sa labas ng gate. May ilan sa mga ito ang umiiyak habang ang ilan ay naka-tulala habang nakasalampak sa lupa. Natatakot ang mga ito sa maaring gawin ng kapatid ng kanyang bagong ina-inahan. Alam ni Estacie na hideout lang ni Clewin ang bahay na tinitirhan nila ni Vista sa ngayon, kaya nga malayo ito sa kabayanan. Kundi ba naman kasi sa Duke, malamang ay hindi malalaman ni Lucy ang bahay.

Tungkol nga pala sa Duke na nakatayo sa harapan ni Estacie, kanina pa niya ito hindi pinapansin dahil nga masyado pang magulo ang isip niya. Galit din siya dahil nga, hindi naman mangyayari ang gulo kanina kung hindi dinala ng lalake si Lucy doon. Tapos medyo napapa-isip pa si Estacie tungkol sa Saint's healing power na meron daw siya, ayun sa doktok ng Dukedom.

"Kung gusto mong makausap si Uncle Clewin, hintayin mo siya, My Lord. Tutal naman, kailangan mong magpaliwanag sa kanya kung paano nalaman ng anak ni Barones Somyls ang lugar na ito."