Chapter 7

“GANYAN ka ba talaga kalupit Sir Adriatico?” nakapameywang na tanong niya sa bagong boss. Isang pambihirang lakas ng loob ang sumanib sa kanya. Hangga’t maaari ay ayaw niyang may naagrabyadong maliliit na tao lalo at katrabaho niya. Alam niya ang pakiramdam ng mga nagprotestang empleyado ng resort. Masakit para sa mga ito ang mawalan ng trabaho.

Hinarap siya ni Lukas, hindi na kinabakasan ng pagkagulat ang mukha nito. isang nang-uuyam na ngisi ang kumintal sa labi nito. “Ibang klase ka talaga aking secretary. Kanino ba ang loyalty mo huh, sa akin na boss mo o sa mga pasaway na empleyadong tinaggal ko?”

Samu’t saring reaksyon ang makikita sa mukha ng buong empleyado na naroroon sa hall. Lalo pang umugong ang bulungan sa paligid. Lahat ay naghihintay sa susunod na mangyayari.

“Wala kang awa Sir, sana inisip mo ang maapektuhang pamilya na pinapakain nila.” Kulang na lang ay magpakawala ng mumunting punyal ang labi niya patungo sa binatang boss. “Palibhasa kasi ay hindi ka lumaki sa hir