CHAPTER FIVE

Peachee

"Mag-a-apply ho ako sa iba, Nay... wag niyo lang ho akong ipasok sa beer house o kahit club, pwede sana kung waiter—"

"Ay hindi! Mas malaki ang kita kapag nag-GRO ka, doble, o mas triple kapag nakatiyempo ka ng galanteng mapera!"

Magkadaop ang dalawang kamay ko na nilalamukos sa labis na pagkatarantang nararamdaman ko.

Matapos ko nang naging pag-uusap namin ni Austin, pag-uwi ko ng dapit hapon giniit ni Nanay na papunta na rito ang kaibigan niya para sunduin ako at tamang-tama raw dahil kailangan nila ng bagong babae sa beer house na mina-manage nito.

Kaya alumpihit ako sa pagmamakaawang wag, baka pwedeng ibang trabaho na lang katulad ng waitress pero hindi talaga ito pumayag.

"Kaya wag ka nang mag-inarte pa, Peachee at masasanay ka rin, papunta na si Mareng Windy dito at napag-usapan na nga namin na personal ka niya susunduin, at dadalhin sa club niya para ipakilala sa mga bagong customers niya, kaya galingan mo," may pagalit pa niyang sinabi kaya biglang napaluhod na ako na ikinabigla niya.

Hinawakan ko ang kamay niya at nakikiusap na tiningala siya. "Nay... wag niyo naman ito gawin sa akin... anak niyo ho ako..." umiiyak kong pagmamakaawa kaya sandali siyang natigilan habang nakababa ang tingin sa akin.

"Wag niyo ako pilitin gawin ang hindi ko kayang gawin, parang awa niyo na ho!" Yumuko ako at nagiiyak.

Pero wala, baliwala.

"Tumayo ka diyan, hindi mo ako madadaan sa ganyan," matigas niyang sinabi sabay hila niya sa akin sa braso at itinayo ako buhat ng nanlalambot kong mga balikat at mga binti.

"Magtatrabaho ka sa paraang gusto namin, pinagbigyan ka na namin na pumasok sa pangangatulong, pero ikaw pa naging mapili, kaya doon ka sa beerhouse!" pambubulyaw pa niya.

Napatulala na lang ako sa kawalan at nanghihinang napaiyak sa kawalan ko ng lakas, wala akong mga taong mapag-isuran.

Ayaw ko sumama kay Austin dahil wala rin naman ako magiging buhay dito at ayoko iasa ang kinabukasan ko rito.

Gustuhin ko man bumalik sa mansion ni Mr. Castellano ngunit mapipilitan din ako gawin ang gusto niya, pagkatapos ng isang linggo at kapag nagsawa na siya sa akin wala na ako ulit trabaho.

At ngayon naman na sana gusto ko sumubok ulit ng paghahanap ng mas disente, ngunit ayaw naman na ng mga magulang ko at pilit na nga talaga nilang ipinagagawa sa akin ang hindi ko kayang sikmurain.

Kaya saan ba ako nito?

Hindi ko na alam...

"Ito ang bago niyong makakatrabaho si Peachee," pakilala sa akin ni Tita Windy, kabigan ni Nanay na Manager nitong beerhouse matapos ako dalhin dito.

Halos mangiyak ko silang pinagmamasdan isa-isa, ang mga babaeng nasa harapan ko ngayon na mukang sanay na sanay na at mga beterana na sa mga lalaki.

Ang iba nakangisi sa akin na tila sinasabi ng tingin na hindi ako bagay dito... na alam ko rin naman sa sarili ko at hindi ko rin gusto nandidito ako.

Ang kakapal ng kanilang mga lipstick, ganoon din ang mga pundasyon sa mukha pero masasabi kong magaganda naman sila, ganoon din ang mga katawan nilang balingkinitan.

Hindi pwedeng hindi quality ang mga babae nila rito at hindi basta-bastang beerhouse ito dahil madalas mayayaman lang ang nandito hindi para sa mga ordinaryong manginginom lang.

"Mommy Windy, sure ka ba diyan sa bagong bata mo? Parang may gatas pa sa labi iyan," pabirong tanong ng isa na ikinatawa ng lahat na nandidito sa wardrobe.

Ang silid ay napapalibutan ng maraming iba't ibang mga klase ng damit na kapag sinuot mo kakapirasong bahagi lang ng katawan mo ang matatakpan sa iyo.

"V*rgin pa, kaya hindi pa sanay! Kaya tulungan niyo siyang makapag-adjust, turuan niyo maging kasing tutuso niyo!" nakatawang sinabi ni Tita Windy kaya nagtawanan ang mga kababaihan.

At inulan pa ako ng tukso.

"V*rgin pa, Mommy? Ay hala! Ang swerte ng makaka-butas! Mahalan mo presyo niyan, Mi! Paldo!" biro pa ng isa na kaya napahalakhak ang ginang na mukang salapi.

Tuwang-tuwa pang nakipag-biruan sa mga alaga niyang siguradong malaki ang angkat ng pera sa kanya pero sa loob-loob ko nahihinatakutan ako.

Ang isipin na ang makakauna sa akin, isang lasing na matanda parang gusto ko na lang tumalon mula sa pinaka-mataas na building.

Pero napansin ko ang isang babaeng hindi nakikitawa sa kanila at nakaupo sa bandang sulok na kaninang tahimik lang na nagaayos sa harap ng salamin.

Masasabi kong siya na ang pinaka-maganda sa lahat ng mga babaeng naririto, ang classy niyang tingnan kaya sa palagay ko... mahal ang halaga niya kumpara sa mga kasama.

Nang bigla rin itong nagsalita matapos maglagay ng pulang lisptick sa hugis puso niyang mga labi na sakto lang din ang kapal.

"Wag niyong pagkatuwaan... parang hindi kayo minsan naging baguhan," saway niya sa mga ito na ikinatahimik nila bigla.

Pinagmasdan ko siyang naka-ekis ang makikinis at mapuputing hita, hindi siya bagay dito... bagay siyang modelo.

"Masyado ka talagang seryoso Reeses," hilaw na sagot nang bumiro sa akin kanina, halata na hindi sila magkaulam.

Tumayo ang babaeng nagngangalang Reeses at mukang lalabas na at may customer na pupuntahan.

Pero nagulat ako nang naglakad siya papunta sa akin kaya napaatras ako sabay napasinghap nang hawakan niya ang baba ko at itinaas ang mukha ko kaya nanlaki ang mga mata ko.

Nginisihan niya ako. "Maganda ka..." puri niya at pinagmasdan pa ang katawan ko lalo ang dibdib ko. "Pati katawan... kaya ingat ka, mga selosa tao rito ayaw nila ng nasasapawan."

Matapos nito iyong sabihin umalis na rin siya sa harapan ko at dire-diretso nang nagtungo sa pinto at lumabas na sabay nagsinghalan ang mga babaeng nandito sa wardrobe.

"Nakaka-irita talaga! Akala mo kung sino! Pare-pareho lang naman tayo p*kpok dito! Baka sarili niya rin ang sinasabihan niyang ayaw masapawan! Ilan babae na ba ang nawawala kapag nakikita niyang mas maganda kaysa sa kanya?"

"Katakot talaga iyang babaeng iyan..." bulong pa ng iilan at humarap sa akin ang isang palaban na mukang malaki ang galit kay Reeses.

"Kaya ikaw, nene! Mag-iingat ka diyan kay Reeses Zaya, muka lang pala-kaibigan iyan pero nasa loob ang kulo niyan wag mo nang subukan makipag-kaibigan kung ayaw mong maging missing person din kagaya ng ibang nauna sa iyo!" warning nito sa akin na ikinatakot ko.

"Ikaw naman, Rivs! Tinatakot mo, hindi naman tayo sigurado kung siya talaga gumagawa no'n o iyung mga naging customers nila na baka ibinahay na!"

Marami pa akong narinig na usap-usapan patungkol doon nang kausapin ako ni Tita Windy.

Hinila ako sa bandang dulo ng wardrobe para kami lang dalawa ang magkarinigan.

"Wag mo pansinin ang mga usaping tsimis na wala namang kabuluhan, ang alalahanin mo paano ka kikita ng malaki para maiuwi sa mga magulang mo," pagpaalala niya sa akin sa sitwasyon ko kaya nanumbalik ang pagkahabag ko.

"Kaya mag-bihis ka na, sayang oras! Sakto may mga bagong dating na customers at mas mukang bata kaysa sa madalas na naglalagi rito, tamang-tama ikaw ang ipakikilala ko."

Para akong nanlamig bigla nang hilahin na niya ako patungo sa mga nakasabit na mga damit at ang ipinasuot niya sa akin ay isang pulang backless dress na kumikinang pa at sobrang iksi. .

At nagulat pa ako nang kumuha siya sa drawer ng isang bagong lingerie... hindi basta lingerie kundi isang T-back kaya nalaglag ang panga ko.

"Suotin mo na bilisan mo! Diyan ka na magbihis gayahin mo ang iba puro babae naman kayo, kaya wala na dapat hiya-hiya pa!" Ipinagtulakan na niya sa akin ang damit na napilitan ko nang suotin.

Grabeng hiya ang sumalakay sa akin nang maghubad ako dahil lahat sila napatingin sa katawan ko na tila mga namangha.

"Iba talaga ang katawan kapag bata pa lalo na't v*rgin pa," komento ng isa kaya ngumiti si Tita Windy.

"Kaya mahal ang magiging presyo mo, Peachee, basta sumunod ka lang sa rules, lalo na sa gusto ng customer na afford ang magiging halaga mo," payo nyang labas sa kaliwang tainga ko.

Hindi ko alam hanggang saan ako tatagal.

Lumabas na kami ng wardrobe suot ang sobrang iksi at nipis na damit na isang maling galaw lang, kita na lahat.

Suot din ang isang pares ng pulang takong na hirap kong ilakad dahil hindi naman ako sanay.

"Ayusin mo lakad mo hindi iyang para kang natatae," sita sa akin ng ginang kaya pilit ko namang inayos ang lakad ko sa takot kong paulit-ulit mapagalitan.

Nang paglabas namin mula sa may eskinita, sumalubong sa akin ang iba't ibang kulay ng ilaw, hindi naman sobrang ingay, malamyos ang tugtugin at nanlalaki ang mga mata ko nang makakita ng mga kapwa ko babaeng nagsasayaw sa kanya-kanyang pole at karamihan wala nang saplot ni-isa.

At nakita ko si Reeses...

Nakaupo sa nakapaikot na sofa at ang gitna ay malaking lamesa napapalibutan siya ng mga lalaki.

Hindi lang siya ang babae sa table na iyon may mga kasama rin siya at tumatawa sila na tila ba sanay na sanay sa mga atensyon na ibinibigay sa kanya.

Ang lalaking katabi niya ay kulang na lang ipasok na ang kamay sa ilalim ng palda niya at mismong doon na nila gawin at mukang baliwala na lang sa kanya... at sa mga babaeng naririto...

Namuo ang luha sa magkabilang sulok ng mga mata ko. Hindi ko kaya... sinubukan ko maghanap ng pwedeng labasan na pinto pero wala, lahat ng daanan palabas may bouncer ng club na haharang sa akin.

Hanggang sa narating na namin ang pangalawang palapag kung saan mas tahimik kumpara sa baba, at hindi naman pala lahat ng customers dito ay matatanda na...

Meron din mga nasa early at late 30's...

Dinala ako ni Tita Windy sa dulong lamesa kung saan daw ang pinaka-VIP, mga lalaki na pihikan ayon sa ginang, kaya ako ang dinala rito kaya ang kabog ng dibdib ko abot-abot.

Makakaalis din ako rito.

"Good evening gentlemen," tuwang bati ni Tita sa mga ito, may sampu silang lalaki na nakaupo sa itim na couch ang nakapalibot bilog na lamesa.

Lahat sila mga naka-corporate pa... mukang kgagaling lang ng opisina pero wala nang suot na mga coat, tanging polo dress na lamang at naka-tupi ang mga manggas hanggang siko.

Lahat sila dumako ang tingin sa akin... kaya ganoon na lang ang panlalamig ko. Ngunit hindi lang iyon, bigla rin akong nanigas sa kinatatayuan ko nang makita ang isang pamilyar na makisig na mukha...

A-Anong.... ginagawa niya rito?