Indayog 2: Hot Macho Dancer

“Sayaw… sumayaw kana, Kikay…” bulong ko ulit sa sarili ko.

Ibinaba ko ang baso sa maliit na glass table. Kasabay ng paglapat nito ay ang pag-alingawngaw ng isang mabagal at mapang-akit na musika sa buong kwarto—isang R&B track na may malalim na bass na tila tumitibok kasabay ng kaba sa dibdib ko.

Showtime.

Humakbang ako palapit sa kanya. Bawat bagsak ng takong ng aking sapatos sa makapal na pulang carpet ay may kasamang mabagal at mabigat na indayog ng aking balakang.

Hinayaan kong yakapin ng alak ang aking sistema, ginagawang magaan at malambot ang bawat galaw ng aking katawan.

Inikot ko nang bahagya ang aking mga balikat, hinayaang dumausdos ang manipis na strap ng aking suot pababa sa aking braso, inilalantad ang kinis ng aking balat sa ilalim ng dim, golden lights ng kwarto.

Nakita ko ang mabigat na paglunok ng matanda. Ang kanyang mga mata ay nanlalaki, nagliliyab sa pagnanasa, nakatitig sa bawat kurba ng katawan kong dahan-dahang lumalapit sa kanya.

Ngumiti ako—isang ngiting mapanukso, matamis at nang-aakit.

Akalain mong nasisikmura ko 'to, naisip ko, pero sa labas, kailanganan kong bigyan siya ng serbisyong binayaran niya.

Nang makalapit ako, umikot ako nang dahan-dahan, iniharap ang likuran ko sa kanya bago ko ibinaba ang aking katawan sa isang malalim at maamong body roll.

Naramdaman ko ang init ng hininga niya sa aking batok. Umangat ang mga balahibo ko, hindi sa sarap, kundi sa halo-halong kaba at pag-ayaw—pero kailangan kong magpanggap. Kailangan kong panindigan ito. Ilang minuto lang naman.

Humarap muli ako sa kanya. Ipinatong ko ang isang tuhod sa pagitan ng mga hita niya sa ibabaw ng malambot na velvet sofa. Gumapang ang mga daliri ko mula sa kanyang tiyan paakyat sa kanyang dibdib, dahan-dahang hinaplos ang mga makakapal niyang gintong kwintas.

Malamig ang ginto, pero mainit at basa ng pawis ang balat niya. I trailed my fingernails lightly down his chest, making him gasp heavily.

Hinawakan niya ang baywang ko. Magaspang, malapad, at mabigat ang mga kamay niyang dumampi sa aking balat.

Kinagat ko ang ibabang labi ko at pumikit, kunwari'y dinadama ang hawak niya. Gamit ang alak sa aking dugo, iginiling ko ang aking balakang sa ibabaw ng kanyang kandungan.

Bawat galaw, bawat mariing kiskis ng aking katawan sa kanya ay sinasabayan ko ng malalim na paghinga.

I arched my back, thrusting my chest forward habang ang aking mga kamay ay gumapang sa sarili kong leeg hanggang sa aking buhok, hinahayaan itong bumagsak nang magulo sa aking mga balikat.

Isinandal ko ang mukha ko malapit sa kanyang tainga. Naamoy ko ang matapang niyang pabango na may halong amoy ng sigarilyo at alak. Sumandal ang katawan ko sa kanya, ipinapadama ang bigat at init ng aking dibdib sa kanyang dibdib.

“Gusto mo ba 'to?” bulong ko, ang boses ko'y garalgal, malambing, at puno ng pang-aakit.

Tumango siya, tila na-hipnotismo at halos hindi na makapagsalita, ang mga nanginginig niyang kamay ay mas lalong humigpit sa aking mga hita, dahil doon damang ko ang mabilis na pagkislot ng alaga niyang sisiw.

Isang mapaklang tawa ang umalingawngaw sa isip ko. Anong silbi ng lahat ng gintong nakasabit sa leeg mo kung uhong lang naman pala ang kaya mong ipagmalak, sarkastiko kong naisip. Ni hindi nga siguro tatagos ito.

Pilit kong winaksi ang naisip ko, pero hindi ko mapigilang bahagyang mapangiti.

Dahan-dahan akong tumayo, at habang ginagawa iyon ay idinikit ko ang bawat pulgada ng aking katawan sa kanya, mula sa aking mga binti, pataas sa tiyan, hanggang sa muling maghiwalay ang aming mga balat.

Ang bawat hagod ko sa sarili kong katawan at pagdampi ng mga daliri ko sa kanyang mukha ay puno ng kalkuladong init at landi.

Kitang-kita ko ang nag-aalab na pagnanasa ng matanda sa mga mata niya habang pinapanood ako. Panay ang paglagok niya ng laway.

I did it perfectly hot bilang isang highly paid entertainer. Pero kailangan ko ring maging maingat na huwag akong lumampas sa limitasyon ko, at ipahamak ang sarili ko.

Ipinagpatuloy ko ang mapanukso kong sayaw, ngunit bago pa man ako matapos, biglang nagbago ang ihip ng hangin sa loob ng bar.

Namula ang mga ilaw mula sa labas ng VIP room, napalitan ng isang madilim na anino at malalim na pulang liwanag na tumagos sa malapad na salamin ng aming kwarto—isang pamilyar na kulay na tila nagbabadya ng panganib.

Isang panibagong kanta ang pumailanlang mula sa main floor. Mas mabigat, mas malakas ang bass, at mas mapang-akit.

Dahil sa ingay at hiyawan na umabot hanggang sa kinaroroonan ko, awtomatikong napalingon ako sa gawi ng entablado sa ibaba. At doon, parang biglang tumigil ang pag-ikot ng mundo ko.

Isang lalaki ang umakyat sa stage. Isang bagong macho dancer.

Nanuyo ang lalamunan ko. Ang mga matang kanina'y malamlam dahil sa alak ay biglang luminaw. Pero ang pakiramdam ko?

Mas lalo akong nalasing.

Pamilyar ang bawat hulma ng malapad na balikat niya. Pamilyar ang matalim na panga. Pamilyar ang bawat linya ng katawan… pero mas higit pa ito sa huling alala ko.

Kung dati ay sapat na siya para maglaway ang sinuman, ngayon ay mas naging perpekto at mas maskulado ang katawan niya.

Bawat galaw at pag-alon ng kanyang matigas na dibdib at abs ay kumikinis at nag-aanyaya sa ilalim ng pulang ilaw.

Topless siya, tanging isang itim na bow tie lang ang nakapulupot sa leeg niya.

At ang mga mata niya… seryoso, madilim, at nag-aapoy. Hindi siya nakatingin sa mga babaeng naghihiyawan at nagkakagulo sa ibaba ng entablado. Nakatitig siya nang diretso… sa akin.

Kahit nasa itaas ako, tila tumatagos ang mga mata niya sa silk gold tassel mask na suot ko, hinuhubaran ang buong pagkatao ko.

Gumiling siya, mabagal ngunit punong-puno ng tensyon at pang-aakit, daig niya pa amg mga Chinese male bar dancer na minsang nagshoshow dito. Mas gwapo, kaakit-akit at talagang nakakabasa ang bawat titig niya.

Si Rhamesis! Ang ex ko! Anong ginagawa niya dito sa club? Bakit siya nagsasayaw sa stage?