CHAPTER ONE HUNDRED TWENTY SIX

JOLO POV

PAGKAALIS namin ng ospital ay agad na kaming dumiretso pauwi ni Lawrence sa bahay. Inabutan pa nga namin na umiiyak si nanay Leoning habang si tatay Ruben naman at Angelo ay walang tigil sa pagpapatahan sa kanya. Marahil ay natakot ito buhat sa nangyari sa kanilang mag-asawa kanina. Humingi ako ng dispensa sa dalawang matanda at nangakong hindi na ulit mangyayari iyon. 

Nagpunta lang kami sa bahay ko upang kunin ang ebidensya na sinasabi ni Lawrence. Kumunot pa nga ang noo ko nang makitang isang flash drive ang pinakita niya sa akin na kinuha niya sa isang bag ni Shella. Hindi ko na tinanong pa kung bakit at paano napunta ang bagay na iyon sa bag ng dalaga at basta na lamang niyakag itong muli upang umalis. 

Bago namin iwan sila tatay Ruben sa bahay ay nagrequest na ako ng mga private security guard para magbantay hindi lang sa bahay ko kung hindi para na rin sa mga taong maiiwan doon na sila nanay Leo