Chapter 28

CHAPTER 28

NAPAGDESISYUNAN ni Jony na ipagbukas na lang niya ang pagpunta sa bahay ni Frances. Sa gagawin niyang ito, makakatulong iyon para mapag-isa muna ito.

Wala ngayon si Jony sa bago niyang nililipatang bahay. Bumalik muna siya sa dating bahay para kunin ang iilan pang gamit na maaari niyang ibigay kay Frances. Ang totoo niyan, mga dating gamit ito ni Frances. Ibibigay niya ulit ang mga iyon na nagbabasakali siyang ma-recognize nito ang mga iyon.

Mula sa kuwarto nilang dalawa ay kinuha niya ang mga dress nito, ang photo album, at journal. Ilan lang iyan sa mga mahahalagang gamit ni Frances na maraming taon na niyang itinago dahil alam niyang dadating ang araw na muli silang magtatagpo. At ito na iyon. Alam niyang ito na ang tamang panahon.

Bago niya inilagay ang mga iyon sa box, kinuha muna niya ang photo album. Umupo siya sa paanan ng kama. Sinimulan na niyang buksan ito. Sa unang page nito, litrato nilang dalawa ni Jony at Frances ang naroon. Their first picture as a couple.