CHAPTER 9 - PAIN

Dalawang oras na ang nakalipas, tahimik lang na minamasdan ni Rihanna si Dustin, habang ang mga mata nito'y nakapikit lang at waring pinipilit ang sarili na kontrolin ang sariling emosyon. Hindi niya alam kung ano ang tumatakbo sa isipan nito, dahil sa tuwing nagtatanong siya, hindi ito sumasagot. Sa tuwing nagpupumilit siya, mas lalo lamang itong nagagalit. Kaya, minabuti na lang niya na umupo sa isang tabi, at pinigilan ang luha na kanina pa gustong kumawala mula sa sulok ng kanyang mga mata. Kanina pa parang sasabog ang dibdib niya, dahil sa mga nangyayari sa kanila ni Dustin. Hindi niya alam, kung maisakatuparan pa ba ang paghihiganti niya, dahil unti-unti nang nagbabago ang pakikitungo nito sa kanya.

Kasalukuyan silang, nasa tabi ng dagat ngayon, at nakatunghay sa mga hampas ng alon. Ilang sandali pa'y narinig niya itong nagsalita.

"Bakit ba ikaw ang kasama ko ngayon, at hindi si Shane na minahal ko? Siya ang asawa ko, at hindi ikaw."

Nagtataka si Rihanna na sumagot, "Luv, ako a