CHAPTER FOUR: HER DECISION

Nakikita man ni Agatha ang kaniyang asawa ay nagpasiya siya na huwag itong labasin. Sa ngayon ay alam niyang hindi mababago ng pagpunta nito ang nararamdaman niyang sakit, lalo na sa mga akusasyong ibinato nito sa kaniya. 

“I already sent them away,” sabi ni Darius nang napansin nito ang pagsilip ni Agatha. “They need to respect your decision lalo na ngayong sila ang nasa mali.”

Isang malalim na hininga ang pinakawalan ni Agatha. She already made up her mind about her marriage with Daniel. Sa tingin niya ay hindi naman ito tututol sa kaniyang kagustuhan.

“Dad, gusto ko na pong hiwalayan si Daniel,” sabi ni Agatha sa isang seryosong tinig.

Hindi na nagulat si Darius kung iyon man ang desisyon ng kaniyang anak. Ikinatutuwa pa nga iyon dahil sa wakas ay tuluyan na ring natauhan si Agatha sa tunay na estado ng kasal nito kay Daniel.

“What about the baby?” tanong kaagad ni Darius sa anak. “I hope na hindi mo siya idadamay sa galit mo sa kaniyang ama.”

Isang iling ang ibinigay ni Agatha. Kahit na sabihin pang sapilitan ang naganap sa pagitan nilang dalawa ni Daniel ay walang kasalanan ang bata sa kaniya. Napahaplos na lang siya sa kaniyang sinapupunan nang oras na iyon.

“Dad, I am not that petty,” sabi ni Agatha sa ama. “Magkaiba sila ni Daniel. Hindi ko idadamay ang bata sa isang kasalanang ibang tao ang gumawa. Ang gusto ko lang ngayon ay masigurong magiging healthy ang aking pagbubuntis lalo na at ang sabi ng doktor sa akin ay may chance na mawala siya sa akin kung puro stress ang makukuha ko.”

Isang tango ang ibinigay ni Darius, “As long as you are fit to travel, papayagan kitang pumunta sa bansang gusto mong puntahan. I won’t mind kung sa ibang bansa ka na rin manganganak.”

Niyakap ni Agatha si Darius nang sandaling iyon, “Thanks for understanding the situation, Dad.”

“Walang ibang makakaintindi sa pinagdadaanan mo ngayon bukod sa akin na magulang mo,” sagot ni Darius. “What about the house? I gave it to you as a wedding gift at siniguro ko na bahagi rin iyon ng pre-nuptial agreement na pinirmahan ninyo noon dahil nakapangalan iyon sa iyo.”

“Huwag po muna natin iyong pakialaman,” sabi ni Agatha sa ama. “Titingnan ko kung ano ang gagawin ni Daniel ngayong umalis na ako sa bahay ko.”

Hindi napigilan ni Darius ang pagsilay ng isang ngiti sa kaniyang labi. Alam niya sa kaniyang sarili na nakikita na niya ang decisive Agatha na sa tingin niya ay matagal-tagal ding nawala buhat nang ito ay nag-asawa. Kilala niya si Agatha at sigurado siya na may naiisip na itong plano sa bahay na sa ngayon ay iniwanan nito.

“Sa ngayon ay susundin ko po muna ang payo ng doktor sa akin,” sabi ni Agatha sa ama. “Kapag nasiguro kong stable na ang aking pagbubuntis at naipanganak ko nang maayos ang aking anak ay babalikan ko ang kaniyang ama upang singilin sa kasalanan niya. Sa ngayon ay hahayaan ko po muna si Daniel na mag-enjoy sa aking pagkawala.”

Isang tango ang muling ibinigay ni Darius sa anak. Tiningnan niya ang kaniyang suot na relo bago pa man siya nagpaalam sa kaniyang anak.

“Mukhang nakinig naman sina Gavin sa akin kaya sa tingin ko ay hindi ka nila kakausapin nang personal sa mga oras na ito,” sabi ni Darius sa anak. “However, hindi ko masisiguro ang phone mo kaya mas makabubuti kung papatayin mo muna iyan para walang istorbo.”

“Iyon na nga po ang balak kong gawin,” sagot ni Agatha sa ama. “Kung sakaling tatanungin man po nila kayo ay sabihin ninyo na lang na sumusunod lang ako sa bilin ng doktor.”

Ilang araw pa lang ang nakalilipas buhat nang umalis si Agatha sa bahay nang dalhin ni Daniel ang first love niyang si Maica sa bahay na iniwan ng kaniyang asawa. Bakas sa mukha ng babae ang pagkamangha nang nakita niya ang loob nito.

“Ang ganda at laki naman ng bahay na ito,” sabi ni Maica sa lalaki. “Sigurado ka ba na walang magagalit sa atin kung sakaling malalaman nila na patutuluyin mo ako rito?” tanong pa niya in a sweet but sickening tone.

Isang ngiti ang isinagot ni Daniel nang sandaling iyon, “Walang magagalit dahil hiwalay naman na kami ni Agatha. Iniwan na rin naman niya ang bahay na ito and since this is a conjugal property, wala siyang magagawa kung sino man ang gusto kong patirahin dito.”

Isang matamis na ngiti ang ibinigay ni Maica sa lalaki bago pa man niya ito niyakap. Ngayon ay sigurado na siyang wala nang makakahadlang pa sa magandang buhay na pinapangarap niya dahil wala na si Agatha sa pagitan nilang dalawa ni Daniel.

“Kung sakali bang magiging legal na ang paghihiwalay ninyong dalawa ni Agatha ay magpapakasal na tayo?” tanong agad ni Maica na ikinabigla ni Daniel.

Hindi alam ni Daniel kung paano niya sasagutin ang tanong na iyon ni Maica. Hindi iyon pumasok sa kaniyang isipan lalo na at sa ngayon ay alam niyang kasal pa rin siya kay Agatha. Hindi pa rin mababago ang status niya sa ngayon. Nagulat na lang siya nang bigla siya niyakap ni Maica.

“Alam kong mahirap sa ngayon ang aking hinihingi,” sabi ni Maica sa lalaki. “At sa ngayon ay kailangan ko munang makuntento sa kung ano ang mayroon tayo. Ang mahalaga lang naman ay magkasama na tayong dalawa at hindi na tayo maghihiwalay. Hindi mo naman siguro pipiliin si Agathang muli, hindi ba?”

Hinarap ni Daniel si Maica, “Oo naman, hinding-hindi ko na hahayaan pa si Dad na paghiwalayin tayong muli para sa Agatha na iyon. You once saved my life at ang tanging paraan para makabawi ako sa iyo ay mahalin ka nang buong-buo.”

Muling niyakap ni Maica si Daniel. Ngayon ay sigurado na siyang wala nang magagawa pa si Agatha dahil kaniya na ang asawa nito. Hindi na siya makapapayag pa na muli siyang maagawan ng nasabing babae dahil kaniya lang si Daniel. Wala siyang pakialam kung may maapakan man siya na ibang tao. Ang mahalaga lang sa kaniya ay ang masiguro na hindi siya iiwan ni Daniel.

Alam ni Maica na mawawala si Daniel sa kaniya kung hindi niya gagalingan ang kaniyang acting kaya nang nasiguro niyang nahuhulog na naman sa malalim na pag-iisip ang lalaki ay isang halik sa labi ang kusa niyang ibinigay iyon sa lalaki. She started slow para ipaalam kay Daniel na inosente pa rin siya.

“Hindi mo pa nga alam kung paano ako halikan kahit na ilang beses na kitang inangkin noon,” sabi ni Daniel sa dalaga bago pa man niya tuluyang inangkin ang labi nito.

“Make me yours then, body and soul,” sagot ni Maica sa lalaki.

Isang ngiti ang ibinigay ni Daniel kay Maica bago pa man niya ito hinalikan sa labi. Aminado siya na na-miss niya ang mga halik ng dalaga lalo na at ilang beses na rin naman niya pinangarap na muli itong angkinin. Iyon nga lang, nang nagsimula na siyang haplusin ang katawan nito ay biglang lumitaw sa kaniyang isipan ang mukha ni Agatha na para bang walang kamalay-malay na inaakit siya nito. Napahinto siya kaagad sa kaniyang ginagawa nang sandaling iyon dahil bigla siyang naguluhan.

“Daniel?” takang tanong ni Maica nang napatigil ang lalaki sa paghalik sa kaniya.

“I guess we are both tired tonight,” sabi agad ni Daniel sa dalaga. “Ipinahanda ko na ang guest room na tutulugan mo. Good night,” sambit pa niya bago halikan sa noo si Maica.

Pagkatalikod na pagkatalikod ni Daniel ay nawala rin ang inosenteng imahe na ipinapakita ni Maica kapag nasa paligid ang lalaki. Naiinis siya dahil kahit na iniuwi na siya ni Daniel sa bahay ay ipinaramdam pa rin nito sa kaniya na isa siyang kabit. Wala man siyang nakikitang pictures ni Agatha ay ramdam niyang ang nasabing babae pa rin ang kinikilala nito bilang asawa ni Daniel.

“Nabalitaan kong iniuwi na ni Daniel ang babae niya sa bahay mo,” balita ni Darius kay Agatha na kasama niya sa dinner nang sandaling iyon.

Isang ngiti lang ang pinasilay ni Agatha, “Sa ngayon ay wala na akong pakialam kung ano ang pa ang kaniyang gagawin. Ang hinihintay ko na lang ay ang legal separation papers namin na sigurado akong pipirmahan niya kaagad.”

Isang malalim na hininga ang pinakawalan ni Darius, “Bakit hindi pa annulment ang ibigay mo sa kaniya? I mean, mas mainam kung maikakasal ka sa iba at hindi ka matatali sa kaniya.”

“Dad, kapag ginawa ko ang bagay na iyon ay mas hahaba pa ang proseso, baka tumagal pa ng taon bago maibaba ang pasya ng korte,” sagot ni Agatha.

“Kunsabagay, madali na lang din ang hatian sa assets ninyo lalo na at mayroon kayong prenuptial agreement na pinirmahan noon,” sagot ni Darius. “But still, hindi ko kayang sikmurain ang kababuyang ginagawa ni Daniel sa sarili mong pamamahay. Hindi ka na niya iginalang even in separation.”

Umangat ang kilay ni Agatha, “Ano ang magagawa ko? Ilang beses na rin niyang ipinamukha sa akin na hindi niya ako kayang mahalin. This baby na nabubuhay sa loob ko ngayon, hindi rin niya tinatanggap na kaniya kahit na alam niyang birhen ako nang gabing ginalaw niya ako.”

Akmang magsasalita si Darius nang biglang tumunog ang phone. Sasabihan sana niya ang kaniyang anak na huwag muna iyong sagutin nang nagsalita si Agatha.

“It’s from our lawyer, at sa tingin ko ay may maganda siyang sasabihin sa atin ngayong araw,” sabi ni Agatha in a calm tone. “Sagutin ko po muna ito.”

“Sige, let’s just hope na legal separation papers na iyang sasabihin niya sa iyo,” sagot ni Darius.

“Sana nga po ay ito na iyon,” saad ni Agatha.