CHAPTER SIX: CONFRONTATION

Umuwi si Maica na inis na inis sa nangyari. Hindi niya inakala na papatulan siya ni Agatha ngayong naghiwalay na silang dalawa ni Daniel. Ang buong akala niya ay tulad pa rin ng dati ang ugali nito na hindi siya papatulan kahit na ano pa ang kaniyang gawing paninira rito.

“Humanda ka Agatha dahil sisiguraduhin kong mapapahiya ka kay Daniel at ibibigay na niya ang legal separation na ninanais mo,” sabi ni Maica sa kaniyang sarili habang hinahanap sa kaniyang contacts ang number ni Daniel.

Ilang ring ang nakalipas at sinagot ni Daniel ang kaniyang tawag, “Kumusta ang iyong shopping, love?”

Ginamit agad ni Maica ang kaniyang luha upang maalarma si Daniel. Tulad nang kaniyang inaasahan, naging concerned ang boses nito sa kaniya.

“What happened, love?” tanong ni Daniel sa dalaga. “Inaway ka ba ni Papa?”

“No, walang kinalaman si Uncle Gavin sa pag-iyak ko,” sagot ni Maica na mas nilakasan pa ang pag-iyak nang sandaling iyon.

“Then tell me what happened,” sabi agad ni Daniel. “Just calm down at sabihin mo sa akin lahat.”

Isang malalim na hininga ang pinakawalan ni Maica bago pa man siya nagsalita, “Si Agatha.”

“Si Agatha?” tanong ni Daniel sa isang nagtatakang tinig.

Imbes na sumagot ay umiyak muli si Maica. She needs to make sure na mapapaniwala niya si Daniel na inagrabiyado siya ni Agatha.

“Hey, what happened?” tanong agad ni Daniel in a concerned tone. “Ano ang ginawa ni Agatha sa iyo?”

“Sinampal at ipinahiya niya ako sa mall kanina,” sabi ni Maica habang siya ay umiiyak.

“What?!” gulat na tanong ni Daniel kay Maica. “Sinampal at ipinahiya ka niya sa mall?”

“Oo.”

“Sumosobra na talaga ang babaeng iyon!” sabi ni Daniel sa isang galit na tinig. “Pupuntahan ko siya ngayon para kastiguhin!”

“Huwag! Ayaw ko na ng gulo!” sagot ni Maica. “Alam ko naman kung ano ang kasalanan ko sa kaniya.”

“Wala kang kasalanan,” sabi agad ni Daniel sa dalaga. “Kung naniningil man siya ay ako ang dapat niyang singilin dahil ako ang may kasalanan sa kaniya!”

Hindi na nagsalita si Maica at pinahid niya ang luha na ginamit niya laban kay Agatha. Isang ngisi pa ang kaniyang pinakawalan dahil alam niyang naniniwala pa rin si Daniel sa kaniyang akting. Sa ngayon ay magagawa na niyang makaganti kay Agatha sa ginawa nitong pambabara sa kaniya.

“Humanda ka dahil sisiguraduhin kong hinding-hindi mo makakalimutan ang galit ni Daniel sa iyo,” sabi ni Agatha sa kaniyang sarili nang natapos na ang ginawa niyang tawag kay Daniel.

Bakas sa mukha ni Daniel ang galit nang sandaling iyon kay Agatha. Halos wala na siyang naiintindihan sa papeles na nasa kaniyang harapan dahil ang gusto na lang niyang gawin nang sandaling iyon ay komprontahin ang dating asawa sa ginawa nito sa kaniyang first love.

“Sir, are you okay?” pabulong na tanong ng kaniyang secretary nang napansin nitong distracted na siya sa ginagawa.

Isang malalim na hininga ang pinakawalan ni Daniel, “Bukod sa pagpirma ng papeles, ano pa ang kailangan kong gawin sa mga oras na ito?”

Tiningnan ng nasabing tauhan ang hawak na planner nang sandaling iyon, “Sir, sa ngayon ay may haharapin pa kayong kliyente sa mga susunod na oras.”

“Cancel it,” mabilis na sambit ni Daniel sa kaniyang tauhan.

“Sir?”

“I said, cancel it,” sabi ni Daniel in a firm tone. “May gagawin ako sa mga susunod na oras.”

“Sir, baka magalit si Sir Gavin kapag nalaman niya ang gagawin ninyo,” sabi agad ng kaniyang secretary. “Malaking deal ang nakasalalay sa meeting ninyo.”

“I do not care,” sabi agad ni Daniel sa kaniyang secretary. “Just cancel everything.”

Walang nagawa ang secretary ni Daniel nang sandaling iyon kundi kanselahin ang iba pang schedule ng binata. Hindi niya alam kung ano ang nangyari at bigla na lang nitong ipinakansela ang lahat ng schedule nito. Ang tanging sigurado siya ay magagalit ang ama nitong si Gavin kapag nalaman nito ang gustong gawin ng binata.

Halatang nagulat si Agatha nang nakita niya si Daniel sa pintuan. Akmang magsasalita siya nang bigla na lang siya nitong sinampal. Bumiling ang kaniyang mukha nang sandaling iyon at pakiramdam niya ay nalasahan pa niya ang namuong dugo sa gilid ng kaniyang labi.

“Iyan ang napapala ng babaeng namamahiya ng kapwa niya babae sa mall!” galit na sambit ni Daniel sa dating asawa.

Literal na nagulat si Agatha sa sinabi ni Daniel. Hindi niya maintindihan kung bakit bigla na lang siya nitong sinugod upang sampalin.

“Ano ba ang pinagsasabi mo?!” inis na tanong ni Agatha kay Daniel. “Sino ang pinahiya ko?”

“Huwag ka nang magmaang-maangan! Ipinahiya mo si Maica sa mall!” sigaw ni Daniel kay Agatha.

Isang hindi makapaniwalang tingin ang ibinigay ni Agatha kay Daniel. Wala siyang matandaan na ipinahiya niya si Maica.

“Nagkita kami ni Maica sa mall, pero sinisiguro ko sa iyo na wala akong ginawang masama sa babae mo!” sigaw pabalik ni Agatha sa dating asawa.

Dala ng galit ay sinakal ni Daniel si Agatha nang sandaling iyon. Sinubukang magpumiglas ng nasabing babae ngunit mas hinigpitan lang ng lalaki ang pagkakasakal nito sa kaniyang leeg.

“Hindi ako tatawagan ni Maica nang umiiyak kung hindi mo siya pinahiya kanina!” sabi ni Daniel sa gigil na tinig.

Halos mawalan na nang hininga si Agatha nang pinakawalan siya ni Daniel. Hindi lang simpleng pagbitaw ang ginawa ng lalaki sa kaniyang leeg dahil siniguro nito na babagsak siya sa sahig. Ilang malalakas na sipa pa ang ibinigay nito sa kaniyang sikmura at walang nagawa si Agatha kundi protektahan ang batang lumalaki sa kaniyang sinapupunan.

“Now you know na hindi mo puwedeng ipahiya si Maica in public places dahil anak mo naman ang mananagot sa mga kasalanan mo!” sabi ni Daniel sa dating asawa.

Akmang sasagutin ni Agatha ang sinabing iyon ng lalaki nang may naramdaman siyang kirot mula sa kaniyang sinapupunan. Kinabahan siya lalo na nang naramdaman niya na may umaagos na dugo mula sa pagitan ng kaniyang mga hita.

“Hindi, imposible, ang baby ko!” sabi ni Agatha bago pa man siya napasigaw sa sakit.

Nawala ang ngisi sa labi ni Daniel nang nakita niya ang kondisyon ni Agatha. Imbes na magpakalalaki ay tinakbuhan nito ang nasabing babae na para bang may nakakahawa itong sakit.

“Dad, hospital,” iyon ang tanging nasabi ni Agatha sa kaniyang ama nang tinawagan niya ito bago pa man siya nawalan ng malay.