Chapter 2

Abby's POV

"Ela, ikaw na ang bahala kay Paulo ha? Aalis na ako" Kasalukuyang nakagayak na ako papuntang trabaho dahil pasado alas otso na ng gabi ito. Dapat alas nuebe ay naka-in na ako. Istrikto si boss Arbie sa oras namin kaya iniiwasan kong malate dito.

"Opo ate, wag kang mag alala gaya ng bilin niyo. Kapag may problema tatawag agad ako doon sa pinagtatrabahoan ninyo" Sagot ng Kapatid ko. Paulit ulit ko na kasing binibilin sa kanya ang tungkol dito. Wala akong cellphone dahil iniiwan ko ito sa kanya. Pwede naman kasi siyang tumawag sa pinagtatranahoan ko, dahil may issue namang cellphone ang night club para sa mga may emergency na empleyado.

"I love you anak, aalis na si mama" Pabulong na sabi ko sa anak ko. Tulog na tulog na ito. Hinalikan ko ng paulit ulit ang pinsgi nito bago napagdesisyonan na umalis na. Kung may ibang choice lang sana. Hindi ko gustong mawalay sa anak ko. Limang taong gulang palang ito at kailangan na kailangan pa sana ang pag-aaruga ko. Pero kahit gustuhin ko, hindi pwede. Kailangan nitong uminom ng gamot araw araw.

"Bye ate ingat ka!" Sigaw ni Ela ng palabas na ako. Isang madilim na eskinita ang laging dinadaanan ko para marating sa labasan. Habang naglalakad ako, hindi talaga pwedeng ma zero ang gabi na walang nag-iinom dito.

"Abby? Papasok ka naman? Sinabi ko na sayo! Aasawahin nalang kita ayaw mo pa" Sigaw ng isang tambay na nag-iinoman sa kanto ng madaanan ko. Ito si Raffy na kilalang certified tambay at basaguliro sa lugar namin.

"Sayang nagpapagod lang! Eh kung sa akin ka nagpapagod ede sana paldo ka!" Dagdag pa sabi nito. Umismid ako at hindi na lang pinansin ito.

"Siraulo! Mamatay nalang ako. Hinding hindi ako papatol sayo!" Sabi ko sa loob loob at nilagpasan ang mga ito. Kaya ko pa namang magsumikap. Hindi pa ako nasisiraan ng ulo para pumatol kay Raffy. Hindi ko nga pinatulan ang alok ni boss Arbie na maging isang talent niya sa night club eh! Kahit matagal na ako nitong pinipilit pero hindi ko talaga tinangka na patulan. Kahit isang dalagang ina ako. Hindi ko ibaba ang repustasyon ko para lang sa walang kwentang trabaho. Magsisikap nalang ako para mabuhay ko ang anak ko sa magandang paraan.

"Oh! Isa nalang oh! Sakay ka ba miss?? Isa nalang larga na tayo!" Untag na tanong ng driver ng jeep. Nasa labasan na ako, agad na umiling iling ako sa driver. Malapit lang naman ang night club na pinagtatranahoan ko kaya lalakarin ko nalang ito. Sobrang liit na nga lang ng sahod ko at ang kalahati nito ay kinukuha pa ni nanay sasakay pa ako? Bawat sakay ko, pandagdag din iyon sa pambili ng gamot ni Paulo. Kaya kahit gabi gabi pa akong maglakad gagawin ko dahil para iyon sa anak ko.

Pagkatapos ng 15 minutes na paglalakad ko. Sa wakas nakikita kona ang ilaw na nagmumula sa night club. Tiningnan ko agad ang lumang pambisig kong relo. Limang minuto nalang alas nuebe na kaya lakad takbo na ang ginagawa ako. Kaltas kasi ang bawat minuto kapag na late ka.

Nang makarating ako sa malaking pintoan ng night club. Nag time in agad ako sa makabagong biometric na nakadikit sa gilid ng pader. "Thanks God! Nakahabol din!" Hingal na hingal na sabi ko. Mabuti at tumakbo ako. Isang minuto nalang sana alas nuebe na. Medyo natagalan kasi ako kanina. Pinatulog ko pa kasi muna si Paulo bago ako gumayak kaya ito muntik ng malate ako.

"Huy! Ngayon ka lang dumating? Hingal na hingal ka ah? Tumakbo ka naman no?" Napalingon ako sa gilid ko ng maramdaman ang mahinang pagsiko sa braso ko. Si Mayeth ang kaibigan ko.

"Hay naku! Sinabi ko sayo! Sumakay ka. Ang layo layo din kaya ng sa inyo" Dagdag pa na sabi nito at inakbayan ako. Kasalukayang papasok na sa locker room namin para magpalit ng uniform.

"Alam mo namang nagtitipid ako Mayeth diba?" Kibit balikat na sagot ko. Walang nangyayari sa buhay ko na hindi alam ni Mayeth kaya biglang lumungkot ang hitsura nito.

"Hay! Kasi naman iyang nanay mong bruha eh! Gipit ka na nga! Gigipitin kapa!" Galit na galit na sabi nito. Kitang kita ko ang inis sa hitsura nito pero kaulanan nawala din at biglang tumayo saka lumapit sa akin.

"Pero ngayong gabi sure akong papaldo tayo! May pupunta daw na mga bigating politiko ngayon gabi dito sa night club. Siguradong malalaki ang tip na ibibigay ng mg iyon. Humanda ka at ayusin mo pagserve mo ha! Para naman malaki ang maiipon mong tip kasi kung malaki din sa akin hahatian kita" Sabi nito. Napatingin naman ako sa kanya sabay umiling iling.

"Mayeth wag na! Alam kong kailangan mo rin ng pera. Wag mo na akong intindihin!" Tangging sabi ko. Alam kong may pinapaaral na Kapatid ito. Ayoko namang gawin iyon dahil sa private school nag-aaral ang Kapatid niya.

"Ano ka ba! Okay lang kapag malaki bakit hindi?"

"Pero Mayeth hin-"

"Basta yon na yon! sige na magbihis kana dyan! Baka hinahanap na tayo ni boss Arbie" Putol na sabi nito sasabihin ko. Walang nagawang tinikum ko nalang ang bibig ko. Medyo matagal na din kasi kami dito sa locker room kaya kailangan na naming lumabas. Kulay itim ang uniform namin dito. Dress ito at hindi umaabot sa tuhod pero formal naman dahil wala namang makikitang maseselan na parte ng katawan namin. Maliban sa konting hita hanggang sa paa. Wala na talagang makikita pa.

"Kayong dalawa ang bagal niyo! Halina nga kayo!!" Sigaw ni Boss Arbie ng makalabas kami ni Mayeth. Kasalukayang nakalinya na ang mga kasamahan namin sa harap ni boss. Mabilis akong naglakad at pumuwesto sa linya kung saan lagi akong nakapwesto. Bago kasi mag start ang operation sa night club. May briefing pang sinasabi si boss Arbie.

"May mga bigating bisita tayo na darating. Gusto ko ayusin ninyo ang mga trabaho nyo!" Panimulang sabi nito. Medyo baklain itong si boss Arbie kaya bawat salita ang hinhin ng pagkakabigkas.

"Si Senator Fuentebella at senator Aragon ay ang mga bigating bisita na sinasabi ko sa inyo ngayon. May mga kasamahan din silang iba pang politiko. Siguro naman wala namang hindi nakakakilala sa kanila diba??" Dagdag pa na tanong ni Boss Arbie. Si Senator Fuentebella ay minsang nakita ko na. Nakapunta na iyon dito dati. Pero si Senator Aragon ay hindi pa. Naririnig ko sa mga balita, na ito daw ang pinakabatang senator ngayon sa bansa.

"Huy! Finally makikita ko na rin si poging senator" Tiling bulong ni Mayeth sa akin. Parang kiti-kiti itong lumingkis sa braso ko.

"Alam mo ang gwapo at ang hot non saka ang yaman yaman pa!" Daig pa nito ang inasinan na bulati. Kung kanina mahina lang ang tili nito ngayon halos mga kasamahan namin ay napapalingon sa kanya.

"Tumigil ka nga Mayeth! Maririnig ka ni boss oh!" Saway na sabi ko, habang nanatiling nakatingin kay boss Arbie na nagsasalita. Walang tigil pa rin si Mayeth sa kakatili sa gilid ko.

"Totoo ang sinasabi ko Abby, nakita ko na si Senator isang beses. God! Grabe ang hotness nito. Alam mong pantasya siya ngayon ng lahat ng kakabaihan! Ang kaso nga lang married na daw si senator eh" Hindi ko maintindihan ang babaeng ito. Kaninang parang wala na itong bukas kong makangiti. Ngayon parang sinakluban na naman ng langit at lupa ang hitsura!

"Ikaw Abby, Ikaw ang gusto kong mag serve kila Senator Fuentebella at senator Aragon." Napatigil ako at nanlaki rin ang mga mata ko. Ano daw ako? Bakit ako? Hindi naman ako ang laging nagseserve sa mga VIP simula't sapol na nagtrabaho ako dito?