Chapter 3

Abby's POV

"Hala pinalitan na si Shena??" Bulungan bulungan ng mga kasamahan ko. Si Shena ang babaeng waitress dito na laging inaatasan sa mga VIP. Marami nga'g na-iinggit dito dahil paldo ito lagi sa tip ng mga VIP. Hanggang sa nakita kong galit na galit ang mga matang bumaling si Shena sa gawi ko.

"Sige na! wala ng maraming kuda! magsitrabaho na kayo!" Matapos sabihin iyon ni boss Arbie. Nagsi-alisan na mga kasamahan ko habang ako ay parang napatulala pa. Hindi ako makapaniwala na ako ang magseserve ngayong gabi sa mga VIP. Hanggang sa naramdaman kong siniko ako ng mahina ni Mayeth.

"Huy! Si boss umayos ka!" Sabi nito. Napakurap ako nakitang papalapit sa amin si Boos.

"Abby, halika mag-usap muna tayo" Sabi nito. Sumunod naman ako at nakita kong pumasok ito sa office niya.

"Bakit po boss?" Tanong ko. May binigay itong isang malaking paper bag. Nagtaka naman ako at kumunot ang noong nagtatanong ang tingin sa kanya.

"Change your uniform. Alam mo namang hindi ganyan ang uniform basta VIP ang pagsisilbihan diba?" Nakuha ko ang ibig sabihin nito. Iba naman talaga ang suot suot na uniform ni Shena kaysa amin basta mag seserved ito sa mga VIP. Tumango tanga ako.

"Nag request si Senator Fuentebella na palitan ko daw ang palaging nagseserved sa kanya. Wala akong mapili maliban sayo kaya sana wag mo akong ipahiya sa kanila" Dagdag pa na sabi ni boss. Sa totoo lang kinakabahan naman talaga ako. Kahit isang beses hindi pa ako nakakapagserve sa mga VIP ng club.

"O-opo boss. Hinding hi-hindi ko po kayong ipapahiya" Matapang na sabi ko. Nilakasan ko ang loob ko. Sa sitwasyon ko ngayon. Magandang opportunity na ito para makakita ako ng malaking halaga. Kailangan na kailangan ko iyon para makabili ng maraming gamot ni Paulo.

"Sige na! Magbihis kana. Mamaya darating na sila" Lumabas ako sa office ni boss Arbie na hindi alam kung anong mararamdaman? Naeexcite ako pero at the same time kinakabahan din at baka mapahiya ko ito.

"Para sayo anak! Pagbubutihan ni mama ito" Lakas loob na sabi ko sa utak ko. Mabilis akong bumalik sa locker room. Inilabas ko agad ang damit na binigay ni boss Arbie.

"Diosko! Seryoso ba ito??" Umiling iling tanong ko. Malayong malayo ito sa uniform na suot noon ni Shena. Mabuti pa iyon medyo marami pa ang natatakpan na balat pero itong hawak hawak ko. Sobrang nipis nito at halos kita na ang kaluluwa ko.

"Hay! andito na ito! Hindi naman pwedeng mag back out pa ako." Walang nagawang pinalitan ko nalang ang uniform ko. Matapos kong magpalit parang sinukat talaga ito sa katawan ko. Hulmang hulma ang hubog ng katawan ko. Manipis ang tila pero mabuti nalang hindi kita ang bra at underwear ko.

"Abby! Bilisan mo raw dyan!!" Napaigtad ako sa gulat ng marinig ang boses ni Mayeth.

"Kaloka! Ang ganda mo gurl!" Nanlaki ang mga mata nito ng makita ang suot suot ko. Para pa itong timang na tiningnan ako habang nilalabas niya ang dila niya.

"Baliw!"

"Abby, kapag may nakakita sayo. Hindi talaga iisping may anak kana. Dyoso ka bakla! Ang ganda at hot mo!" Tiling sabi nito. Napayakap tuloy ako sa wala sa oras sa sariling katawan ko. Pakiramdam ko nilalamig na ako sa mga pinagsasabi ni Mayeth.

"Ta-tara na nga! Tumigil ka na dyan" Sabi ko at unang lumabas dito. Nang makalabas ako sa locker room. Ang ingay ingay at ang dilim na ng paligid. Marami na ang nag-iinom at nasasayawan sa dance floor.

"Abby! Kanina pa kita hinahanap! Bilisan mo!" Matigas na sabi ni boss Arbie. Mabilis akong sumunod agad dito. Bawat taong nadadaanan ko. Kitang kita kong nakatitig ang lahat ng mga mata nila sa katawan ko.

"Here! Pumasok ka na" Sabi nito. Binigay sakin ni boss ang isang tray na may mamahaling alak. Huminga muna ako ng malalim at taas noong naglakad papalapit sa pinto ng VIP.

"A-ako po ang server tonight sir" Sabi ko sa dalawang taong humarang sa akin. Mga bodyguard siguro ito ng mga politikong iyon.

"Sige pasok!" Sagot nito. Nakahinga naman ako ng maluwag. Akala ko kanina kakapkapan pa nila ako. Mabuti nalang hindi.

"Senator Fuentebella! Business is business!" Kakapasok ko pa lang naririnig ko agad ang baritonong na boses mula sa apat na taong nakaupo sa malaking sofa. Boses palang nito nasisitayoan na ang mga balahibo ko.

Habang dahan dahan akong naglalakad papunta sa table nila. Naagaw ng atensyon ko ang pinakabatang nakaupo sa gitna ng sofa. Ang talim ng tingin nito sa mga mata ko. Kung patuloy kung titingnan, pakiramdam ko matutunaw ang lahat ng lakas ng loob ko kaya umiwas ako ng tingin sa mga mata nito. Nagpatuloy ako sa paglalakad. Napansin kong halos lahat ng mata ay nakatingin sa akin. Kahit ang mga talents ni boss Arbie na nakalingkis sa mga braso ng mga politikong ito ay nakatingin din sa akin.

Nakamaskara ang kalahating mukha ko. Kaya kahit papano naiibsan ang kaba na nararamdaman ko. Yumuko ako at inilagay ang mamahaling alak sa lamesa na nasa harap nila. Isa isang nilagyan ko ng alak ang mga baso nila. Pagkatapos kung lagyan, tumayo na agad ako sa gilid ng mga ito. Ganun lang naman ang trabaho ko. Hindi naman ako talent para tumable sa mga ito.

"You! Come here! Lagyan mo pa ang baso ko" Utos ni senator Fuentebella matapos nitong nilagok lahat ng nilagay ko.

"Yes sir" Nakangiting sabi ko. Nasa utak ko ang sinabi ni Boss Arbie kanina. Hindi ko daw siya papahiya kaya hindi ko bibiguin ito.

"Whats your name??" Biglang tanong ni Senator Fuentebella sa akin. Dahan na dahan na bumaling ako at ngumiti.

"Abby sir! Abby Dela Merced" Confident na sagot ko. Kapag nasa VIP required talaga na sabihin mo ang totoong pangalan mo. Ngunit kapag nasa regular room lang pwedeng pwedeng magsinungaling ka doon kung gusto mo.

"Nice name" Sagot nito at humalakhak ng tawa. Matapos kong lagyan ng alak ang baso nito. May umusog ng baso papalit sa akin. Nakayuko kaya hindi ko makita kung sino?

"Senator Fuentebella, sinong may ari ng night club na ito" Rinig kong tanong ng taong umusog ng baso niya.

"Bakit? ano namang binabalak mo Dominic? Marami ka ng business sa loob at labas ng bansa. Wag mong sabihing interesado ka isang sa night club na ito?" Matapos kong marinig ang binanggit na pangalan ni Senator Fuentebella. Hindi ko maiwasang mapalingon sa taong iyon. Nang makalingon ako sa gawi nito. Nakita kong, ito ang lalaking titig na titig sa akin kanina. Ang talim pa rin ng titig nito sa akin.

"Yes, there's something in this club I intend to make mine" Sagot nito habang nakatuon sa akin ang mabagsik na mga mata nito.