Kabanata 4 - Lucky

Elysia Mireille Severino’s Point of View

“‘Yong usapan natin,” paalala nito sa akin na siya namang ikinalingon ko sa kaniya.

Tumigil ang kaniyang sasakyan. Nasa parking lot na kami ng mall ngayon. Hindi pa man kami nakabababa ng kaniyang sasakyan, halata na kaagad sa presensiya namin ang bigat.

Umangat ang sulok ng aking labi. Lumingon siya, at saktong ipinilig ko naman ang aking ulo sa kanan.

“Nakapirma naman na ako, Aeron. Huwag mong sabihing iniisip mong hindi ko ‘yon susundin?”

Tinaasan niya lamang ako ng kilay, at tinanggal ang kaniyang suot na seat belt.

“Stay here,” utos niya, at basta na lamang lumabas ng kaniyang sasakyan.

Nang maisara niya ang p***o ng driver’s seat, saka naman ako natawa nang pagak. Nanginginig ang aking mga kamay, habang sinusundan siya ng tingin. Tinanggal ko na rin ang suot kong seat belt nang buksan niya ang p***o.

“Thank you, honey!” maligaya kong sambit nang alalayan niya akong bumaba.

Nakita ko sa kaniyang mukha ang pagtataka. Nagtama rin kaagad ang aming mga mata, pero ngumiti lang ako nang matamis sa kaniya.

Nakayuko siya nang kaunti, at dahil hindi pa siya nakatatayo nang maayos ay mabilis ko siyang hinalikan ngayon sa kaniyang pisngi.

Hindi siya nakagalaw kaagad. Mukhang hindi niya inaasahan na darating ako sa puntong ‘yon, pero hindi ba ganito naman ang gusto niya? ‘Yong magmukhang mahal ko siya sa harap ng publiko.

“May mga nakatingin. Kilala ka yata nila,” bulong ko sa kaniya matapos ko siyang halikan sa pisngi.

Bigla naman siyang tumayo nang maayos, hanggang sa lumipad ang kaniyang kamay sa aking likuran. Kaya lumawak ang ngisi sa aking labi.

Isinara niya ang p***o, at nagsimula naman kaming maglakad papunta sa elevator.

“Sino ‘yon? Girlfriend niya?”

Humagikgik lamang ako. Tahimik kasi ang parking lot. Kaya kung may magsasalita, maririnig kaagad.

“Wala namang girlfriend si Aeron, hindi ba?”

“Eh, sino ‘yan? Nakita mo namang si Aeron.”

“Ang weird lang, ha? Parang kailan lang nang i-announced nila ang engagement party ni Lucien. Tapos ngayon malalaman kong may karelasyon na rin pala si Aeron? Parang lahat na yata ng mga Vieri ngayon ay nagsisimula ng mag-settle down.”

Natigil lang ang usapan nang makapasok kami ni Aeron sa elevator. Lumayo ako nang kaunti sa kaniya, pero nilingon kaagad niya ako.

Kaya pala familiar ang apelyido niya. Nagkaroon nga pala ng engagement party ang pinsan niya. Nagpunta pa sina Mommy, at Daddy no’n. Nagawa pa nga nila akong pilitin, pero hindi talaga ako pumayag.

“Bakit parang sunod-sunod yata kayong ikakasal ngayon?” tanong ko sa kaniya.

Hindi pa rin natatanggal ang ngisi sa aking labi. Nakasandal din ako ngayon sa dingding ng elevator, habang nakatingala sa kaniya.

Tuluyan naman niya akong hinarap, at nilapitan. Itinukod niya ang kaniyang kaliwang kamay sa dingding ng elevator, at medyo malapit lang ‘yon sa aking ulo.

“It’s none of your business,” malamig niyang wika.

Natawa ako nang mahina. Puno nang pang-aasar, habang mariin ang kaniyang titig sa akin.

“Magiging asawa mo ako, hindi ba?” paalala ko sa kaniya. “Kung gusto mong mag-work ‘to. Dapat may ideya ako sa nangyayari lalo na kung ihaharap mo ako sa pamilya mo. Pero kung ang goal mo naman ay malaman nilang may kasunduan lang tayo, ikaw ang bahala.”

Tumunog ang elevator. Tumayo ako nang maayos, habang siya naman ay nanatiling nasa ganoon pa rin na posisyon.

Umalis ako sa kaniyang harapan, at hindi na siya hinintay pang bumalik sa reyalidad. Sumusunod naman ako sa usapan, pero ‘tong lalaking ‘to, mukhang gusto niyang siya palagi ang masusunod. Akala ko ba ay gusto niyang malaman ng lahat na may relasyon kami, pero puno ng pagmamahalan? Kalokohan.

Sumunod naman siya kaagad sa akin nang makailang hakbang na ako. Nagawa pa nga niyang ipulupot ang kaniyang bisig sa aking baywang, at inilapit sa kaniya. Kaya hindi ko maiwasang mapangisi na lamang ulit.

Parang napapadalas ang pagngisi ko sa kaaway kong ‘to, ha? Hindi ko pa nakalilimutan kung ano ang dahilan kung bakit nangyayari ‘to sa isipan ko.

“Good afternoon, sir, ma’am. What can we do po?”

“Saan dito ‘yong for women?” tanong ko.

“This way po, ma’am,” aniya, at nagsimulang maglakad.

Sumunod naman ako kaagad doon, pero hindi ako hinayaan ni Aeron na magpunta roon. Nakabuntot siya sa akin, hanggang sa makarating kami sa women’s section.

Unang nahanap ng mga mata ko ay ang underwear, at bra. Kaya naman nilapitan ko kaagad ‘yon, at hinanap kaagad ang size ko.

“Where’s the 38B cup size?”

Bigla naman akong hindi nakagalaw sa naging tanong ni Aeron. Parang napantig ang tainga ko sa lumabas sa kaniyang bibig, at bahagyang napaisip kung size ko ba ang binanggit niya, o ibang babae?

“Here po,” sagot naman kaagad ng babae.

Lumingon naman ako kay Aeron nang matauhan ako, at napansin na nakatingin pala siya sa akin ngayon.

“Alam mo?” tanong ko sa kaniya.

Hindi ko na inisip pa kung narinig ng saleslady ang tanong ko kay Aeron, ngunit para sa ikatatahimik ng sarili ko, tinanong ko na.

“Yes,” sagot niya kaagad, habang nakatingin sa akin.

Maingay akong napasinghap. Nanlaki pa ang aking mga mata, habang nakatitig sa kaniya na ngayon ay walang emosyong mababasa sa kaniyang mga mata.

“Paanong hindi ko malalaman?”

Gumapang ang init sa aking dibdib pataas sa aking leeg, at mukha. Nanuyo ang aking lalamunan, at napasulyap ngayon sa saleslady na ngayon ay umaaktong parang walang naririnig.

Hinampas ko ang kaniyang dibdib nang mapatingin ulit ako sa kaniya. Ngunit tanging pag-angat lang ng kaniyang kilay ang aking natanggap.

Inabala ko na lang ang sarili ko sa pamimili ng mga gamit ko. Nakasunod din si Aeron sa akin, hanggang sa nakuha ko na lahat ng mga kakailanganin ko.

Siya pa mismo ang mga nagbuhat nito. Kahit papaano ay nagkaroon naman ng silbi ang pagsunod niya sa akin.

Nang nasa cashier na kami, pumulupot ulit ang kaniyang bisig sa aking baywang. Nagawa pa nga niya akong inilapit sa kaniya, habang ang mga cashier, at humahagikgik pa.

“Ang swerte naman ni ma’am kay sir.”

Ipinilig ko ang aking ulo sa kanan nang kaunti. Ngumiti rin ako nang tipid sa kanila.

“Siya ang swerte sa akin,” sagot ko naman, at tiningala si Aeron na ngayon ay nakatitig na pala sa akin. “Right?”