Chapter 28 (Painful Truth II)

Nagulat si Ashtrid nang mapagbuksan ng pinto si Mrs. Elaine Wayne, ang mommy ni Nich, sa bahay ni Ayesha. Ilang araw na siyang nag-mumokmok sa bahay ni Ayesha, tuluyan na rin siyang nag-resign o mas tamang sabihin ay tuluyan na siyang tinanggal sa trabaho dahil sa sunod-sunod na absent niya. Wala ang kaibigan niya roon. Maaga itong umalis para pumasok sa trabaho, inihatid ito ni Rio na laging nakabuntot sa kaibigan niya. Minsan nga nagseselos siya sa closeness ng dalawa para kasing na-out of place siya sa ka-sweetan ng mga ito. Kapag tinatanong naman niya kung anong relasyon ng mga ito kanya-kanyang iwasan ang dalawa na halata naman na may something sa isa’t-isa.

Nagtatakang tumingin siya sa ginang na seryoso ang mukha. Naguguluhan man siya at hindi man maganda ang history nila ay nag-aalangang nginitian niya ito at pinapasok sa loob ng bahay. Magkaharap silang umupo sa pang-isahang sofa sa sala. Pasimpleng sinulya