Chapter 8

Anika's POV

"Mama!"

Mabilis akong umalis sa ibabaw ni Daryl at kinakabahang lumapit sa tabi ni Mama. Wala naman akong ginagawang masama kaya hindi ko kailangan matakot, pero naabutan pa rin kami nito sa ganoong posisyon kaya hindi ako mapalagay.

Walang reaksyon sa mukha ni Mama nang tingnan ako nito. Pero nanlilisik ang mga mata niya nang balingan si Daryl. At ang loko, parang wala lang na nakangiti na tila ba nag-e-enjoy habang nakatingin sa amin.

Hinawakan ako sa braso ni Mama at mataman na tinitigan. "Anong ginagawa mo dito?"

Sasagot sana ako pero naunahan ako ni Daryl.

"Nag-uusap lang kami."

"Nag-uusap pero sa loob ng kuwarto at sa ganoong posisyon?"

"Ma, mali ka ng iniisip." Inis kong binawi ang braso ko.

"Masama bang kausapin ang bago kong kapatid sa loob ng kuwarto ko?"

Napatingin kami kay Daryl dahil sa tono ng pananalita nito. Nang-iinis na may halong galit.

"Bakit? Iniisip mo bang may ginagawa kami?"

"Daryl, puwede ba!" Inirapan ko ito at tinuon ang atensyon kay mama. "Lumab