Kabanata 17

"KUYA Thorin, kumusta ang pakiramdam mo?"

Buhat sa pagbabasa ng nobela mula sa favorite author niyang si John Grisham ay ibinaling ni Thorin ang tingin sa kanyang kapatid nang pumasok ito sa kanyang silid. Mababakas sa mukha nito ang pag-aalala habang naglalakad papalapit sa kan'ya at umupo sa tabi niya.

"Don't worry, sis. I'm okay. Nakainom na ako ng gamot," nakangiti niyang sagot sa nakababatang kapatid saka ibinaba ang librong hawak at umakbay rito.

"Bakit kasi 'di ka tumawag na sa kubo pala kayo matutulog ni Malaya? E, 'di sana, nadalhan ka ng maintenance meds mo," nakasimangot na sermon ni Thyon sa kan'ya. "Alam mo namang sumasakit ang chest mo 'pag hindi ka nakakainom, 'di ba?"

Hindi maitago ni Thorin ang ngiti habang nakatingin sa kanyang kapatid. Para kasing mas matanda pa sa kaniya ito kung umasta ng mga sandaling iyon. Hindi tuloy niya maiwasang maalala ang kanil