Chapter 3

LIMANG araw ang lumipas, tahimik ang biyahe ni Lyka habang nakatingin sa bintana ng kotse. Ang mga gusali, ang mga tao, at ang mga kalsada ay tila ordinaryo.

Ngunit ang puso niya ay hindi mapakali. Kabado siya na makakaharap si Tony. Parang hindi pa rin nagsi-sink in sa utak niya na papasok siya bilang katulong sa bahay ng lalaking kanyang minahal noon.

May lihim siyang pagtingin kay Tony. Alam niyang mali iyon, dahil si Vanna ang gusto ng binata. Pilit niya iyong itinatago. Gusto niyang mahalin si Tony mula sa malayo.

Mahigpit niyang hawak ang maliit na bag na naglalaman ng kanyang mga damit.

Ito na ang kanyang bagong mundo. Iba sa mga nakagisnan niya. Kung noon ay mahirap na ang buhay para sa kanya. Ngayon, ay parang mas naging mahirap pa. Hindi niya alam ang mangyayari sa kanya sa pagpasok niyang muli sa buhay ni Tony.

Hindi nagtagal, bumagal ang sasakyan at tuluyang huminto sa harap ng isang napakalaking bakal na gate. Unti-unting bumukas ang gate.

Simula palang noong una ay malaki na ang agwat ng buhay nila ni Tony. May mga negosyo rin ang kanilang pamilya, ngunit hindi iyon katulad ng narating ni Tony.

Namangha si Lyka nang makita ang mansyon. Napakalaki nito. Mas malaki pa kaysa sa dati nilang bahay. Ang malawak na hardin, ang eleganteng fountain sa gitna, at ang tatlong palapag na mansyon ay tila sumisigaw ng kapangyarihan.

Napalunok si Lyka. Hindi niya maiwasang makaramdam ng kaba.

Bumukas ang pinto ng kotse at bumaba siya.

"Miss Lyka," magalang na bati ng isang matandang lalaki na naka-uniform.

Mukhang siya ang butler.

"Ako po si Manong Felix. Ako ang namamahala dito sa mansion. Inaantay ka na po niya."

Kinabahan lalo si Lyka.

"A-andito po ba siya?" mahina niyang tanong.

Tumango si Manong Felix. "Oo, Miss. Nasa loob si Master."

Biglang bumilis ang tibok ng puso ni Lyka.

Hindi niya alam kung bakit. Parang may kung anong bahagi ng sarili niya ang natatakot.

May bahagi ring sabik.

Tahimik siyang naglakad papasok ng mansion. Bawat hakbang niya ay tila lalong nagpapabigat ng kanyang dibdib.

Pagpasok niya sa loob, bumungad sa kanya ang napakalawak na living room. Mataas ang kisame. Ang sahig ay gawa sa makintab na marmol. Ang hagdan sa gitna ay kurbado, parang sa mga napapanood niya lang dati.

Ngunit hindi iyon ang nagpahinto sa kanya.

May isang maliit na batang lalaki na nakatayo sa gitna ng sala.

Nakatingin ito sa kanya.

Malaki ang mga mata nito. Hindi niya alam kung bakit, ngunit parang may kung anong kumirot sa puso niya nang makita ito.

Unti-unting lumapit ang bata kay Lyka. Pinapanood lang niya ang ekpresyon ng batang lalaki.

"Ikaw ba si Mama?" Parang tumigil ang mundo ni Lyka.

Nanlaki ang mga mata niya. "A-ako?" nanginginig niyang tanong.

Tumango ang bata. "Matagal ka naming hinintay."

Hindi niya alam kung bakit, ngunit biglang namasa ang mga mata niya.

Hindi pa niya kilala ang batang ito in person. Pero madalas niyang makita ang mukha ng anak ni Tony sa newspaper.

Ngunit ang puso niya…

Parang matagal na itong naghihintay sa kanya.

"Bakit ngayon ka lang bumalik?" inosenteng tanong ng bata.

Hindi nakasagot si Lyka. Hindi niya alam ang isasagot. Ayaw niyang masaktan ang inosenteng bata na nasa harapan niya. Ang amo ng mukha nito na parang kay hirap makitang nalulungkot.

Ngunit bago pa siya makapagsalita, may malamig at pamilyar na boses ang nagsalita mula sa likuran niya.

"Hindi siya bumalik."

Unti-unting nanigas ang katawan ni Lyka. Kahit hindi pa siya lumilingon…

Alam niyang siya iyon.

Ang lalaking sisira sa katahimikan ng puso niya.

At marahil, ang lalaking sisira muli sa puso niya. Napahawak siya sa kanyang dibdib.

"Dumating siya dahil iyon ang kailangan niya."

Dahan-dahan siyang lumingon. Doon niya nakita ang lalaking hindi niya maalala. Ngunit tila hindi siya kailanman nakalimutan.

Matangkad ito. Matikas at sobrang lakas ng charisma na mapapatulala ka sa ka-guwapuhan.

Nakasuot ng itim na suit. Ang mga mata nito ay malamig, ngunit puno ng kung anong damdaming hindi niya maipaliwanag.

Nagtagpo ang mga mata nila.

Sa loob ng isang segundo. May kung anong pira-pirasong alaala ang sumilay sa isipan niya.

Lumundo ang dibdib niya. Hindi niya alam kung sa kaba iyon, dahil sa presensiya ng lalaking ngayon lang ulit niya nakita.

"Welcome back, Lyka. It's nice to see you again."

Napaawang ang labi niya. "B-back?"

Bahagyang ngumiti ang lalaki. Ngunit ang ngiting iyon ay walang init.

Para itong ngiti ng isang taong matagal nang nasaktan.

"I'm Ray Tony Bautista," malamig nitong sabi.

Huminto ito sa harapan niya. Sobrang lapit na parang nasasakal si Lyka.

"Sana sa pagkakataong ito… hindi mo na ako iiwan muli."

Nanlaki ang mga mata ni Lyka. Hindi niya maintindihan kung bakit ganoon na lang ang salita ni Tony. Ngunit ang puso niya ay tila durog na durog.

"A-anong sinasabi niyo?" mahina ngunit totoo niyang sagot.

Sa isang iglap, nagbago ang ekspresyon ni Tony.

Parang may kung anong nabasag sa loob nito.

Ngunit mabilis din nitong itinago ang emosyon.

"Talaga?" malamig nitong tugon. Bahagya nitong inangat ang baba ni Lyka gamit ang dalawang daliri,