Kabanata 2: Playing with Gun!

Xiana’s POV

“A-ano ba Gunter,” nauutal na sabi ko sa kanya, hindi parin ako maka move on sa ginawa niyang paghalik sa akin kanina sa ilalim ng treehouse. Ngayon naman ay hinihila niya ako pabalik sa loob ng bahay namin.

“Bitiwan mo ako! Ang desisyon ko ay final na, ayaw kong magpakasal sa 'yo,” sabi ko sa kanya. Napahinto naman siya at lumingon sa akin, bakas sa mukha niya na malapit na siyang mairita. Malakas kong hinila ang kamay ko, at sa wakas, nakawala rin ako sa kanya.

“You responded to my kiss, Xiana, and that’s final. Wala ka nang magagawa kundi sumunod sa gusto ng mga magulang mo,” sabi ni Gunter sa akin habang patuloy niyang hinihila ang kamay ko. Gusto kong kumawala, pero malas ko dahil napakahigpit ng pagkakahawak niya sa akin.

“Why don’t you marry Analize, Gunter? Hindi ba siya ang kasintahan mo! Huwag mo akong idamay sa gulong ito. Ayaw ko pang magpakasal at matali sa 'yo,” sabi ko sa kanya, dahilan upang mapatigil siya.

“Yeah, she is… pero matagal na kaming hiwalay,” malumanay niyang sabi sa akin habang nakatingin sa mga mata ko. Hindi ko mabasa kung ano ang iniisip niya ngayon. Siguro ako ang dahilan kung bakit sila naghiwalay ni Analize.

Ipinagpatuloy na lang niya ang paglalakad. Hindi na ako umangal dahil alam kong, ayaw ko man o hindi, mangyayari pa rin ang kasalang iyon.

‘Gusto kita, Gunter, kaya masaya ako na ikakasal tayo. Sana ikaw rin, kahit kaunting saya, mayroon,’ sabi ko sa aking isipan habang tinatahak namin ang daan patungo sa hapag, kung saan naroon sina Kuya at ang aking mga magulang.

“Anak, Xiana, I’m sorry. Hindi ko nasabi sa'yo nang mas maaga. Matagal na ang kasunduang ito na ginawa namin ni Jostavo Jones, ang ama ni Gunter. I’m sorry, princess,” malungkot na sabi sa akin ni Dad. Lumapit na lang ako sa kanya at niyakap siya.

“It’s okay, Dad. Nag-usap na rin kami ni Gunter tungkol doon, at pumapayag na po ako,” sabi ko sa kanya at ngumiti. Hindi naman halata sa ngiti ko na sobrang saya ko. Napatingin na lang ako kay Gunter, na kasalukuyang kausap si Kuya.

“Alagaan mo yang kapatid ko, Jones, kung hindi, alam mo na ang mangyayari,” sabi ni Kuya kay Gunter. Alam ko naman na kahit nag-aaway kami ni Kuya minsan, may care pa rin siya.

“Xiana, congrats sa nalalapit na kasal mo,” malambing na sabi ni Ate Leonora sa akin at niyakap ako. Sila lang ni Kuya ang nandoon ngayon, wala ang kambal at ang nag-iisa nilang prinsesa.

“Thank you, Ate. Bakit hindi ninyo sinama ang mga pamangkin ko?” sabi ko sa kanya at may pa-simangot pa. Napatawa naman siya sa sinabi ko. Siyempre, close ako sa mga pamangkin ko kaya gusto ko silang andito.

“Nagpa-iwan kasi, gusto daw bantayan ang baby girl nila, hahaha. Alam mo naman yung dalawa na ‘yon, hindi maiwan-iwan ang kapatid na babae,” sabi ni Ate Leonora sa akin. Habang nag-uusap kami, nararamdaman ko na may nakatingin sa akin, kaya nilingon ko iyon.

Nakita ko si Gunter na nakatingin sa akin, kaya napaiwas ako agad dahil sa mga titig niya na iyon, natutunaw ako. May nakakalokong ngiti si Ate nang mapansin niya na namumula ang pisngi ko. “Alam mo, ganyan ako sa kuya mo noon,” sabi pa niya sa akin.

“Nako, Ate, mainit lang talaga,” pagsisinungaling ko pa sa kanya. Tumawa naman siya, alam niya siguro na nagsisinungaling ako. “Hay nako, Xiana, tatagal, mawawala rin ‘yan, at magiging totoo ka sa nararamdaman mo sa kanya,” sabi niya pa sa akin bago siya umalis dahil may tumatawag sa kanya.

Natapos na ang kwentuhan at dinner, nandito ako ngayon sa labas, nakaupo lang sa bench sa harap ng bahay. Dito rin pala natulog si Gunter sa bahay, sanay na ako. Parang anak na rin nila si Gunter, kaya ganon.

Habang nakatingin ako sa mga ulap, may umupo sa gilid ko. Paglingon ko, si Mom pala. "Hey, princess, bakit hindi ka pa natutulog?" malambing niyang sabi sa akin. Lumapit naman ako sa kanya at yumakap.

"Nothing, Mom. Hindi lang ako makatulog. Alam mo naman ako, pag marami akong iniisip, hindi makatulog," sabi ko sa kanya, habang hinahaplos niya lang ang buhok ko. "Are you okay, anak? Hindi ka ba napipilitan sa kasal ninyo ni Gunter?" aniya sa akin.

"Mom, naguguluhan ako ngayon. May part sa akin na nagustuhan ko, pero may part din na hindi. Siguro dahil matagal ko na siyang gusto, kaya I'm happy," sabi ko sa kanya. Napangiti naman siya sa sinabi ko.

"Alam ko na yan, anak, matagal na. The way you look at him, yun yung look na binibigay ko sa dad mo noon hanggang ngayon. Ang baby ko, dalaga na," sabi niya habang kinikiliti ako sa tagiliran. Wala akong magawa kundi tumawa ng tumawa dahil sa ginagawa niya.

Hindi nagtagal ang pag-uusap namin ni Mom at umakyat na siya sa taas dahil inaatake naraw siya, kaya naiwan nanaman akong mag-isa sa labas. "Kaya mo 'to, Xiana. Paano, pat'long isa kang Secret Agent slash Assassin, hindi ba?" sabi ko na lang.

May bulalakaw na dumaan kaya pumikit ako para humiling. Hindi ko man lang napansin na may tumabi na pala sa akin habang umuupo. Nagulat na lang ako dahil pagmulat ng mata ko, nasa harap ko na si Gunter. Sobrang lapit na ng mukha niya sa akin.

Napa-angat ako ng tingin at nagulat sa sobrang lapit ni Gunter. Ang mga mata niya, malalim, parang may gustong sabihin pero hindi na lang niya sinasabi. "Gunter," nahihirapan kong nasabi, "B-bakit mo ako nilapitan?"

Tinutok niya ang mga mata sa akin, hindi bumibitaw. "Xiana," sabi niya, malalim ang boses, "huwag mong gawing mahirap ang lahat. Alam ko ang nararamdaman mo."

Napakunot ang noo ko. "Anong ibig mong sabihin?" tanong ko, ngunit sa kabila ng kalituhan, may nararamdaman akong hindi ko maintindihan.

Magsasalita na sana si Gunter nang may biglang nagpapotok ng baril. Pagtingin ko, isang sniper iyon na nasa katapat na bahay lang. “G-Gunter, ano ba? Bitawan mo nga ako, kaya ko ang sarili ko,” sabi ko sa kanya.

Nagising si Dad at Mom dahil sa putok na iyon. Sunod-sunod na ang putok sa labas, kaya kinuha ko na ang cellphone ko at tinawagan si Milisa Suan para mag-request ng backup. Samantalang si Dad naman ay sinisiguradong ligtas si Mom.

Tinawagan ko naman si Kuya, at ilang ring lang ay sumagot agad ito. "Kuya, may mga kalaban na umaatake dito sa bahay. Nagre-request ng backup ASAP," sabi ko. Umakyat naman ako sa taas para kunin ang Fedorov Avtomat kong baril.

Nagulat pa nga si Gunter nang makita akong hawak ang baril, siguro nakakalimutan niya na anak ako ng Mafia Big Boss. Nagpalitan kami ng putok sa kalaban, at hindi nagtagal, dumating na rin ang backup namin.