Chapter 1 (2) Beauty Queen

Chapter 1 (2) Beauty Queen

(Sera POV)

“The name I am going to announce will be crowned as the Miss Universe 2025.”

Yung suspense ng tunog. At ang kamay na hinahawakan ko ngayon, pareho kaming kinakabahan at nanlalamig. Heto na nga, dalawa na lang talaga kaming nakatayo ngayon. Napapangiti kami sa isa’t-isa. Kung hindi man nga ako ang tawagin, ayos na ata ang maging 1^st runner up diba? Not bad.

Diyos ko po, kinakabahan ako ng sobra. Alam kong kinakabahan din ang pamilya ko habang nanunuod ngayon. Yung nga, sana wala silang operasyon, kundi magagalit ako kapag inuna nilang makita ako kesa sa pasyente nila. Huwag po kayong mag-alala, sabay-sabay natin papanuorin ang sarili ko sa stage na ito. Pero, sorry kung mabingi kaya kapag tumawa na naman ako na parang walang umaga. Ang mas naiirita talaga sa tawa ko, si Wilma. Kung makatawa daw ako, parang hindi ako nangaling sa pamilya namin. Hahaha.

Sorry na Ate Wilma. Parang hindi doktora. Kahit paano laughing is the best medicine, para sa mga walang lovelife o toxic man yung lovelife nila. Nakakaganda kaya ang tumawa.

“And the Miss Universe is…” May mga sumisigaw ng bansang nirerepresenta ko, pareho lang din ng dalagang hawak ko ang kamay niya. Nagkatanguan kaming dalawa. Kung sino man ang papalarin, siguradong maluwag na tatangapin ng bawat isa sa amin.

Hangang sa narinig ko nga ang pangalan ng bansang nirerepresenta ko. Hindi ako makapaniwala. Sobra. Masaya naman nga akong niyakap ng kandidata. Mayroong ngiti sa kanyang labi, at kanyang kinuha ang sash saka bouquet nito.

Masaya din akong nilapitan ng dating Miss Universe at nilagay sa ulo ko ang Korona na minimithi naming lahat. Sa totoo lang, ang akala ko, hindi tutulo ang aking luha, pero tumulo, para nga sa tinatawag na tears of joy.

Sa nanginginig kong katawan, agad kong niyakap ang bouquet ko pagkatapos nga maisuot ang aking sash. Alam kong masayang-masaya nito ang aking pamilya, mga kababayan at higit sa lahat ang pananalig ko nga sa Poong Maykapal na alalayan kaming lahat sa bawat landas na tinatahak namin.

“Take your first walk, Miss Universe 2025.”

(William POV)

Nakatayo na nga sa unahan ang maganda kong anak at isa nitong katungali sa korona. Pagkatapos ng nalaman ko, nawalan ako ng gana manuod. Hindi ko tangap na masasali bigla si Sera sa napakagulong mundo na iniikutan namin.

Patawarin mo ako Sera… Patawad. Sana nga hindi na lang ikaw ang manalo. Kung pipilitin ka nga nilang mag-aral ng medicina, di ako papayag na makapagtapos ka. Akala ko talaga, hindi ka pag-iinitan ng boss namin.

Napabuntong-hininga na lamang ako. Nais kong lumabas sa silid, pero hindi ko dapat ipakita ang pagkontra ko sa kagustuhan ni Cedrick. Kung hindi, isang iglap lang mawawalan ng magagandang bukas ang mga anak ko. O parang ako ang gumawa ng bagay na ikakamatay namin ng buo kong pamilya. bakit kasi naisipan ni Ruth na sabihin kay Cedrick ang tungkol kay Sera. Kailangan ko siya maka-usap, pero hindi kami maaring mag-away sa harapan ni Cedrick.

Sera anak, hindi pala maganda ang dala ng koronang yan para sayo. Sana nanatili ka na lang sa bahay, at wala ngang ipinapakitang katangian na ikaka-ayon ni Cedrick. Kapag nanalo ka, ipagkakasundo ka sa binatang walang ikinalayo sa kanyang ama. Si Cedrick mismo ang pumatay sa sarili niyang asawa at ayokong mangyari yun sa anak ko. Ayoko.

Anong ginawa mo Ruth?

Usap-usapan ang paggawa ng paraan ni Nathaniel upang maka-iwas siya sa pagpapakasal. Para sa kanya pangulo lang ang mga babae. Para sa kanya, negosyo ang asawa nito. Sa anim na babaing itinakda sa kanya, dalawa dito ay namatay sa Car accident, at si Nathaniel ang nasa likuran ng lahat ng yun.

Diyos ko po… Sana wag niyong ibigay ang korona para sa anak ko. Napakabigat ng pasanin ang naghihintay sa kanya kapag tinangap nga niya ito. Ayokong may mangyaring masama sa anak ko. Diyos ko po…

Ngunit napapikit ako ng aking mga mata ng, si Sera ang nakasungkit nga ng korona. Masaya namang napalundag si Ruth sa kanyang kinaka-upuan saka napapalakpak si Cedrick. Narinig ko ang tawa nila na parang halakhak ng demonyo. Kailangan na ipaliwanag ito sa akin ng asawa ko. Dapat hindi niya ito ginawa.

“Now the deal is set and sealed. Nanalo ang anak niyo, so, arrange marriage between my son and your daughter, William.”

“Maraming salamat Cedrick.” Si Ruth. Ako, napatango na lang.

“What is that face for William?” Nahuli ako. Ngunit kaagad kong inayos ang sarili ko. “Hindi lang ako makapaniwala Cedrick na nanalo ang anak ko, at mapapangasawa niya ang nag-iisa mong anak.”

“Ganito talaga yang si William. Sa katunayan nagagalak talaga siya ng sobra.” Salo sa akin ni Ruth. “Dahil napakakisig at matalinong binatilyo si Nathaniel. Napakapalad ni Sera ang anak namin para siya ang mapangasawa.”

“Ipaparating ko kaagad sa anak ko ang kasunduan na ito.”

“Cedrick.” Walang kating tawag ko sa kanya. “Sa tingin ko mas makakabuti na pag-uwi na lang ni Sera sabihin niyo sa kanya.”

“Why?” Nanghahamon ang tanong niya sa akin. Kilala niya ang sarili niyang anak. Maari nitong ipapatay si Sera kahit pumayag ito sa kasunduan. Gagawin ni Nathaniel ang lahat, hindi lang siya matali sa bagay na hindi naman talaga nito nais.

“May balak din akong sabihin kay Sera kapag umuwi siya. Mas personal mas mainam.”  

“May chansa bang tumangi ang anak mo? Tss. Wag kang tanga William. Meron ba?”

“Cedrick…” Kuha ni Ruth ng attention nito. “Hindi tatangi si Sera. Sa katunayan nga may lihim na pagtingin si Sera sa anak niyo.” Hindi ako makapaniwala sa narinig ko kay Ruth, na ikinatawa ni Cedrick.

“Ganoon ba? O bakit ayaw niyo kaagad sa kanya sabihin.”

“Inaalala ng asawa ko, walang mas hihigit pang magandang i-aahin kay Sera sa pag-uwi niya bukod na sabihin dito na ikakasal nga siya kay Nathaniel.”

Ruth… Hinding-hindi magugustuhan ni Sera ang tungkol sa bagay na ito. Alam mo yan.

“Ahhh. Sige, sasabihin ko lang sa anak ko na meron na naman nga akong ipagkakasundong babae para sa kanya. Di ko sasabihin ang pangalan, at mas maganda siguro, iset-up natin sila na magcross ang landas. Bilang regalo ko na din sa anak ninyong matagal na palang pinagpapantasyahan ang anak ko. Sinabi mo sana ng maaga sa akin Ruth.”

@DeathWish