Chapter 6

Kinabukasan nag-punta ako ng kompanya na may bitbit na mabigat sa aking loob. Parang mayroong bagaheng nakapatong sa dalawang balikat ko na naging dahilan ng bagal ko sa paglakad.

Pagkatapos kong maihatid si Alessandro kagabi sa bahay niya, nagpahatid na rin ako ng driver niya patungong condo ko. Pagkatapos nun, magdamag akong gising dahil sa bilis ng pangyayari kagabi.

Contract marriage.

Madali lang sabihin at isipin pero ngayong naglalakad na ako patungong opisina ni Alessandro ay para akong iniipit sa pagitan ng langit at lupa. Ayoko muna siyang makita. Sa tingin ko kada oras ako bangungutin sa naging desisyon ko eh.

Bumuntong hininga na lamang ako at pinasadahan ng tingin ang oras sa relo ko. 2 hours from now mayroong board meeting na magaganap. Pagkatapos ng anunsyo ng mga lolo namin kagabi, agad nagpatawag ng emergency meeting ang Chairman ng La Monte para sa new project nila sa China ng lolo ko.

Dapat alas sais pa lang naghanda na ako bilang secretary ni Alessandro pero eto ako ngayon amg bagal ng bawat kilos. Malapit na rin akong ma late eh dahil malapit na mag alas otso. Mabuti nalang tinawagan ko ang Financial and Planning Department kanina na maghanda para sa meeting kaya parang pabaya na ako dito.

Tumunog ang elevator kaya lumabas na ako at naglakad sa hallway. Ang busy ng mga tao dahil sa biglaang announcement ng Chairman. Nag bow naman ang iilang mga nakasalubong ko sa hallway para magbigay pugay saglit kahit nagmamadali na ang mga ito.

Pagkarating ko sa labas ng opisina ni Alessandro, malakas na boses niya ang umalingawngaw sa loob. May pinagalitan na naman ang gung-gong. Ang aga-aga galit na naman siya. Sino na naman ba ang maswerteng nakatanggap ng almusal mula sa CEO nila.

Kakatok na sana ako ng biglang bumukas ang pinto. Iniluwa nito ang isang kasapi ng board of directors na si Lovely Russiana at isang staff ng isang department na nakayuko lamang ang ulo na sa tingin ko siya ang sumalo lahat ng galit ni Alessandro.

Masungit na tinaasan ako ng kilay ni Ms. Lovely sa akin habang nakatingin sa bitbit kong bag.

"Ms. Sanuevoz, you're late. Nakaya mo pa talagang matulog nang matagal gayong ang Chairman ay alas tres pa lang ng umaga nag announce na ng emergency meeting para ngayon?" she chuckled sarcastically. "Anong klaseng secretary ka?" Hinagod niya ako ng tingin mula ulo hanggang paa.

"Mabuti sa siguro itong supervisor ng finance and planning department maaga pa, gayon nga lang lampa." Isang marahas at puno ng pagkainis ang hanging lumabas sa bibig niya at sinamaan ng tingin ang staff. "Hay ang tanga talaga."

Hindi ako kumibo. Pinasadahan ko lang ng tingin ang babaeng nakayuko na tila takot na makasalubong ng tingin sa mga tao.

"Ms. Russiana, it's good that you're always punctual when it concerns about the meetings. At kada bago mag start ang meeting ay lagi kitang naaabutan sa opisina ng CEO na may dalang issue na tila takot kang mapag-usapan sa meeting." Ngumiti ako ng matamis sa kaniya. "Ano na naman ba ito ngayon Ms. Russiana, hm? At ibang department na naman ba ang naging biktima mo?"

Gumuhit ang inis sa mukha niya dahil sa sinabi ko. "What are you talking about bitch?"

Nagkibit balikat lamang ako. "Wala lang. Curious lang kasi ako bakit sa tuwing mayroong major meeting, lagi kang present sa opisina at may dalang bomba." Tumango ako at napahawak ako sa aking baba na tila nag-iisip. "Hmm, huwag kang mag-alala kapag hindi na ako busy bigyan ko ng oras para i check ang files mo, okay?" Ngiti ko sa kaniya at saka lalagpasan na sana siya nang bigla niyang hinablot ang braso ko.

Nawala ang ngiti sa labi ko at seryosong napabaling sa kaniya.

"Are you threatening me, Ms. Sanuevoz? Hindi porket ka apilyedo mo ang chairman ng Sanuevoz ay may lakas ka ng magsalita sa akin ng ganiyan. Tandaan mo, isa ka lang hamak na secretary na sa isang tawag ko lang sa Daddy ko matatanggal ka." Nanlisik ang mata niyang nakatingin sa akin.

Tumaas ang kilay ko sa sinabi niya. Oh really.

"Let go of me." Pagbabala ko. "I was always silent about your behavior, Ms. Russiana. Now you dare to mention connections in front of the person who checked all of your assets? Baka nakalimutan mong may pending case ka pa sa finance department? Should I hold all of your accounts, including your father so you can be put to your place, hm?"

Nagtiim bagang siya. Humigpit ang hawak niya sa braso ko habang pinandilatan ako. "You ugly nerd. Just so you wait, matatanggal ka rin sa trabaho mo," aniya at marahas akong binitawan bago nag walk out. Naiwan ang isang staff sa aking tabi na halatang binabalot ng kaba at pag-alinlangan.

"You can go," sabi ko na agad niyang sinunod.

Nakatitig lamang ako sa likod ni Lovely Russiana na halatang galit dahil hindi niya man lang tinignan ang mga taong bumati sa kaniya.

Tss, Russiana, huh? As far as I know, ama niya si Santiago Russiana, isang shareholder at major board of directors ng kompanya. Oo nga't mataas ang posisyon ng ama niya kaya lagi siyang nakakatakas sa mga minor issues na kinakaharap niya ngayon. Kahit mga investigations patungkol sa kaniya ay hindi natuloy dahil brother-in-law ng papa niya ang isa sa mga associate justice ng first division ng court of appeals.

At higit sa lahat, kaya siya galit na galit o laging naiinis sa akin ay sa kadahilanang matagal na siyang may gusto kay Alessandro. Edi sana lumuhod siya sa papa niya para gawin siyang secretary nang sa ganoon makawala ako sa kadenang ito. Akala niya siguro iiyak ako ng dugo sa oras na matanggal ako dito. Ha! Sa sobrang saya ko, regalohan ko pa siya.

Napabuntong hininga na lang ako at kumatok na sa office ng pinto ni Alessandro. Para na naman akong binagsakan ng bato sa balikat dahil sa panlumo ko. Hay. Kahapon boss ko pa siya, ngayon magiging asawa ko na.

"Come in," aniya kaya pumasok ako.