Chapter 26: Culprit

MABILIS na nakiusap si Stefan sa head nurse para tulungan siya sa pag-alam ng katotohanan. Hindi naman nagdalawang isip ang head nurse at dinala si Stefan kung nasaan ang CCTV room.

“Henry, maaari mo bang tulungan si Mr. Salvatore? Gusto niyang i-check kung may ibang tao pa ba ang pumasok sa ICU bago mamatay si patient Salvatore?” pakiusap ni Vivian, ang head nurse.

Napatingin naman si Henry kay Stefan ngunit matapos ang ilang saglit ay ibinaling nito ang tingin kay Vivian.

“Bakit kailangang tignan ang footage? May nangyari ba?” tanong nito na may kuryosidad.

Akmang magsasalita si Vivian nang biglang sumingit si Stefan sa usapan.

“Do I need an excuse to look at the video, even though I'm the patient's grandson?” mariing tanong ni Stefan.

Tinignan ni Henry si Stefan na animo’y sinusuri ang buong pagkatao nito. At dahil sa mukhang magkakaroon nang tensyon ay agad na hinawakan ni Vivian ang braso ni Hen