Episode 23: The Party

Hindi siya mapakali nang makabalik na ng classroom. Natigilan siya nang pumasok na dahil natuon ang lahat ng tingin sa kanya.

"Your name, please?" nagtatakang tanong ng kanyang prof. "You're late, Miss."

Napangiti siya nang alanganin nang huminto na sa upuan niya. Pa'no ba kasi, wari'y pinag-aaralan ng lahat ang bawat galaw niya at hinihintay din ng mga ito ang pagsagot niya.

"Miss?" muling pukaw ng prof niya.

"M-Maria Bahaghari po."

Nagulat ang matandang lalaki pero kagyat itong napangiti nang muling mapatingin sa hawak nitong attendance sheet, "Maria Bahaghari." Nang i-check nito ang pangalan niya sa papel, muli itong napatitig sa kanya. "I'm not going to ask you but you look great, Ms. Bahaghari. Sit down."

Muling napuno ng ingay ang loob ng classroom nila at siya na ang sentro ng usap-usapan ng mga ito. Nang makaupo, bigla siyang kinalabit ni Moira.

"Ate, sa'n ka ba nanggaling?" anas nito nang iusog nito ang upuan palapit sa kanya.

Napangiti siya nang ipakita ang hawak kay