Chapter 5: Alpha Car Company 

Dahil hapon na, nagpasya na si Charmaine na magtungo sa pharmacy store para bumili ng vitamins na kailangan siya. 

Pinakiusapan rin siya ni Aida na sunduin ang kaniyang pamangkin. Iisa lang ang anak ng Kuya niya at ito ay nasa siyam na taong gulang na. Nag-aaral sa public school. 

Pumayag siyang daanaan ang pamangkin niya dahil wala naman siyang ibang gagawin ngayong hapon. 

Sumakay siya ng traysikel at nagtungo sa pharmacy store. Mabilis lamang siyang nakarating ng pharmacy store, lulan ng traysikel. 

Nasa counter na siya nang biglang dumating ang kapit bahay nila na mukhang bibili rin ng kung ano sa store. 

“Bakit ka nandito?” tanong ng kapit bahay niyang, ka edad niya.  

“Hay nako, Lorena. Hindi ako na inform na kailangan ko pang ipaalam sa ‘yo na pupunta ako dito.” Pabirong sagot ni Charmaine. “Syempre, bibili ako,” dugtong pa niya. 

Napaismid ang nagngangalang Lorena at tinignan siya nito na para bang isa siyang napakababang nilalang. “Hindi ka pa rin nagbabago, Charmaine, masyado pa din mataas ang tingin mo sa sarili mo.” 

Hindi ni Charmaine maiwasang matawa. Kilalang kilala niya kasi ang babaeng nasa harap niya. Ito ang kababata niya. Close sila noong elementary. Ngunit ng tumuntong sila ng High-school, sinimulan na siyang layuan nito. 

Ang laging binibida ni Lorena sa kaniya noon ay mayaman ang parents niya. Sapagkat nasa abroad ang tatay nito.  

Wala namang pakialam si Charmaine kung mas nakakaangat ang babaeng ito. Hindi siya naiinggit. Naiinis siya dahil sa tuwing nagtatagpo ang landas nilang dalawa. Laging may ganap. Laging may asaran at bardagulan kung minsan. 

“Bibili po ba kayo o hindi?” Hindi maiwasang tanong ng tinder sa kanila. “Marami pong nakapila sa likuran niyo. Kung mayroon kayong bibilhin, pwede pong sabihi niyo na?” 

Nahihiyang tumango si Charmaine at hinayaan na lamang niya si Lorena. Wala siyang time para makipagtalo sa babaeng ito.

…

Matapos niyang mabili ang mga vitamins na kailangan niya. Kaagad niyang sinundo sa labas ng gate ang pamangkin niya. Sakto lamang ang oras ng pagdating niya. Dahil kalalabas lamang nito sa klase. 

Kaagad din naman silang umuwi. Sapagkat nakatanggap siya ng tawag mula sa kumpanyang kaniyang pinapasukan. 

Hindi niya mawari kung bakit pinapatawag siya ngayong hapon. Sa pagkakatanda niya, humingi siya ng excuse ngayong araw. 

 Dahil trabaho iyon, hindi na siya nagpaligoy-ligoy pa. Pagkarating nila ng bahay, kaagad siyang nagpalit ng suot at nag-ayos. 

 Nagtatrabaho siya sa Alpha Car Company, sikat na bilihan ng magagarang sasakyan. Magaling siyang manghikayat ng mga customer. Kung kaya naman hindi maiwasan ng mga kasamahan niya sa trabaho ang mainggit. 

Pagkarating niya sa kumpanya, kaagad siyang sinalubong ng katrabaho niya. “Kanina ka pa hinihintay ng customer ko, ikaw ang hinahanap.” Masungit na usal ni Lily.

“Bakit ang ang hinahanap? Eh, customer mo naman pala,” hindi maiwasang tanong ni Charmaine.

Sa rules kasi ng kumpanya, kapag customer mo, customer mo lang. Walang pakialaman, sariling diskarte. Dahil mayroon kasing bonus kapag nakabenta ng sasakyan. 

“Huwag ka ng magtanong pa. Puntahan mo na lang ang customer ko at baka mainip pa.” 

Magsasalita pa sana siya ng hawakan siya ni Lily sa braso at hinila papunta sa mag-asawang customer.  

Saka lamang siya binitawan ng malditang katrabaho.

“Hi, Charmaine. Long time no see!” 

Nagulat si Charmaine ng makilala niya ang mag-asawang customer. Ito ang first customer ni Charmaine 1 Year ago. Mabait ang mag-asawang ito sa kaniya. Napaka-humble. 

Napangiti si Charmaine kalaunan at masaya siyang bumati. “Kamusta po kayo, Ma'am, sir? Bibili ulit kayo ng sasakyan?” 

“Oo. Para sa anak namin. Wedding gift namin, para sa darating na kasal nila ng nobya niya.” Masayang sagot ng ginang. 

“Gano’n po ba. Bakit ako pa po ang gusto niyong mag-asikaso sa inyo? Bakit hindi na lamang po si Lily?” curious na tanong ni Charmaine sa mag-asawa. 

 “Mas gusto namin na ikaw ang mag-asikaso sa amin. Magaling ka kasing mag-asikaso, kaysa sa kasama mo.” Napakamot sa ulo si Charmaine dahil sa sagot ng ginang. Mabuti na lang talaga ay umalis si Lily saglit. Kung hindi, magagalit na naman ito sa kaniya. 

“Sige po, halika po tayo para mailibot ko na kayo at makapamili.” Masiglang aya Ni Charmaine.  

At nagsimula na si Charmaine sa pag-entertain sa customer. 

Samantalang puno ng inggit sa katawang ang katrabaho na nagngangalang Lily. Tanaw tanaw nito si Charmaine ang mag-asawang customer.  

Inggit ito kay Charmaine dahil lahat ata ng customer ay siya ang nais. Sa totoo lang, ma's maraming customer si Charmaine kaysa kaniya at sa iba pang katrabaho.  

Kaya ang sales manager nila ay gustong-gusto si Charmaine. Isa si Charmaine sa nagpapataas ng sales ng kumpanya. Kaya iniingatan ng manager ang dalaga, sapagkat naniniwala sila na ito ang nagbibigay ng swerte sa kumpanya.