Chapter 17

Hindi niya ganap na maintindihan ang sarili  sa ginawang desisyon na biglaang pagsagot sa binata. Nalilito pa siya sa nararamdaman kung pagmamahal na nga ba ang nararamdaman niya para rito.  Marahil dahil sa natikmang halik mula sa binata, ganon ba talaga siya karupok?

" Aaminin ko sa'yo, Mico. Hindi ko pa rin alam kung pagmamahal na ba 'tong nararamdaman ko para sa'yo," nahihiya niyang turan dito.

Kasalukuyan silang nasa bakanteng upuan na bahagi ng parke na madalas nilang tambayan. Hindi maalis-alis ang ngiti ni Mico na tila hindi yata nakakaramdam ng pangangalay.

" It's okay, i'm still willing to wait about your feelings. Girlfriend na kita at masaya na ko don."

Napangiti siya sa sinabi nito. Nararamdaman naman niyang masaya talaga siya na kasama 'to dahil pinaparamdam nito na isa siyang espesyal na babae na dapat ituring na prinsesa. Hindi niya akalaing ang tulad ni Mico ang magpapalambot sa matigas niyang puso. Ginagap ng lalaki ang  kamay niya at pinisil iyon saka siya muling niyakap. 

" May isang favor lang ako na gustong hilingin sana." 

" Ano, 'yun? Kahit ano, just tell me," nakangiti pang tugon ng binata.

" Gusto ko sanang ilihim muna ang relasyon natin, i mean pagdating sa school no public display of affection, ganern?" 

" Ba-bakit naman?"tila dismayadong usisa ng binata.

Seryoso itong humarap sa kaniya kaya tila nag alangan siyang ituloy ang sasabihin.

" Paano ko naman maipaparamdam ang pagmamahal ko sa'yo kung hindi ko puwedeng ipakita?"

" Kahit hindi mo ipakita, alam ko naman na, eh. Alam mo naman ang sitwasyon ko 'di ba?" paliwanag niya sa nobyo.

Napabuntung-hininga ito bago sumagot. " Bakit hindi niyo na lang itigil ang pagpapanggap niyo? Hindi ko maiwasan ang hindi magselos," nakasimangot nitong turan.

" Hindi puwede, magtatampo sa akin si Athena. Akala ko ba kahit ano puwede kong hilingin," nagtatampo niyang wika.

Agad na ngumiti ang nobyo at hinawakan ang pisngi niya. 

" Okay, sige na kahit mahirap payag na ko, babe." 

" Babe?" natatawa niyang tanong.

" Oo, Babe. From now on ikaw lang ang baby ko." 

" Hala, ang korni!" nakangiwi niyang tugon dito. Lalo pa silang natawa ng marinig nila ang pagreklamo  ng kaniyang tiyan. Kahayagan na kanina pa siya nagugutom.

" Gutom ka na, Babe?" natatawang tanong ng nobyo.

" Oo nga 'di ba kanina pa?" nahihiya niyang tugon.

Hinawakan siya sa  kamay ng lalaki para lisan ang lugar na iyon at maghanap ng makakainan.

Napakasarap sa pakiramdam ni Camilla na may nagmamahal sa isang tulad niya. Hindi man siya sigurado sa nararamdaman ay alam niya sa sariling masaya siya pag kasama ito. Si Mico lang kasi  ang tanging lalaki na nagparamdam sa kaniya na espesyal siya at karapat-dapat mahalin. Ito ang bumuhay sa kaniyang pagkababae na akala niya noon ay mananatiling bato

Gabi na nang ihatid siya ng nobyo  sa kanila. Bago pa ito nagpaalam ay humingi pa ito ng isang kiss.

" Ikaw,ah! Kasasagot ko lang sa'yo gusto mo na agad ng makarami ng  kiss," pataray niyang turan sa nobyo.

" Gusto ko lang makasiguro na girlfriend na talaga kita. Para kasing hindi pa rin nag-eexist sa isip ko na sinagot mo na ako,eh," natatawang turan naman nito.

" Asus! Palusot ka pa, sige na uwi na!" pagtataboy niya pa rito.

" Isa lang?" pangungulit pa rin ng  binata at itinulis ang nguso.

" Ayoko, amoy sibuyas 'yung bibig ko," tanggi pa rin niya. Nalalasahan pa niya ang sibuyas dahil sa kinaing sisig.

" Kahit na!" 

Natatawa niyang nilapitan ang nobyo at tinampal  ang nakatulis nitong nguso. Ngunit para matigil na ay dinampian niya na lang ito ng halik sa pisngi na ikinatuwa naman ng binata.

" Uwi na!"

" Sa susunod na date natin, hindi na kita pakakainin ng ulam na may sibuyas. Ayaw mong magpa kiss,eh," biro pa ng lalaki.

" Ang kulit mo, uwi na nga!" pagtataboy niya pa rin dito.

" Si Mommy gusto ko munang magpaalam sa kaniya," hirit pa rin ng binata.

" Tulog na iyon, bukas na, ang kulit mo,Babe!"

" I love you," bulong pa nito.

Naglakad na ito ngunit palingon-lingon pa rin ito sa kaniya. Kamuntikan pa itong matalisod sa isang bato dahil sa kakatingin sa kaniya.

Agad siyang sinalubong ni Athena na may ngiti sa labi.

" Nakita ko 'yun,ah? Kayo na ba, Bes?" excited na tanong nito.

Napatango lang siya at kiming ngumiti.

" Okay lang ba? Kasi 'di ba kami ni Damon-?"

" No problem, Bes, ano ka ba? Karapatan mo ring sumaya, 'no? Tingin ko naman, it's  enough na nalaman na ni Mommy  na may relasyon kayo ni Damon." 

Muli siyang napangiti ng malapad sa sinabing iyon ng kaibigan.

" 'Wag ka mag-alala, no  public  display of affection kami ni Mico hindi tayo mabubuko ni Tita," nangingiti niyang turan.

" Sorry,Bes,ah! Feeling ko tuloy nagiging hadlang ako sa happiness mo. Buti pumayag siya? Ang hirap ng ganon,ah!"

" Huwag mo na isipin 'yun.  Siyanga pala may isa pa kong goodnews!" kinikilig niyang wika.

" Talaga,ano 'yun?" 

" Pagkagraduate ko, sigurado na ang pagpunta ko sa ibang bansa! May instant work na agad ako, Bes! At alam mo kung saan? Sa Amerika!" tumitili pa niyang kwento sa kaibigan.

" Talaga? How?"

Bakas sa mukha ni Athena ang kasabikan sa isasagot niya. Napatili na rin ito sa kwento niya.

" Ilalapit ako ni Mico sa family friend  nila na nagmamay-ari ng hotel sa Amerika, di ba ang saya?!"

" Wow, congrats in advance , Bes! I'm really happy for you."

" Alam mo ba sa sobrang saya ko, ayan tuloy bigla ko siyang sinagot!" humahalakhak niyang turan.

" Dahil lang ba talaga don? Nakikita ko naman na happy ka pag kasama mo siya,eh."

" Ang totoo? Hindi talaga ako sigurado kung mahal ko siya,eh. Ano bang pakiramdam 'nun?" curious niyang tanong.

" Kung ano 'yung nararamdaman mo ngayon, that's it! At tsaka, Bes, blooming ka, halatang inlove, uyy," panunukso pa rin ng kaibigan.

" 'Wag ka maingay baka marinig tayo ni Mama," mahinang saway niya sa kaibigan.

" Why? Wala ka bang plano na sabihin sa kaniya?"

" Sasabihin ko pero hindi muna ngayon, tsaka ang usapan naman namin ni Mico ililihim muna namin 'yun. Alam mo naman ang sitwasyon ko 'di ba? Baka mapagkamalan pa akong salawahan nito," humahagikhik niyang turan.

Labag man sa kaniyang kalooban ay ganoon nga ang ginawa nila ni Mico. Pag nasa school sila ay para lang silang ordinaryong magkaibigan. Madalas man nitong kasama si Rochelle ay hindi na siya apektado dahil alam niyang siya ang mahal nito. Hindi na rin ito sumasabay sa kaniya tuwing hapon kapag sinusundo siya ni Damon, nasa likod lang ito at laging nakasunod sa kaniya.

Kaya naman, isang araw ay bigla siya nitong inayang lumabas. 

" Saan ba tayo pupunta?"

" Kung saan pwede kong ipadama sa'yo na mahal kita?" 

Kasalukuyan silang lulan na ng kotse ng binata.  Hawak nito ang kaniyang kamay habang nagdadrive.

" Puro ka talaga ka-kornihan!" pabiro niyang tugon dito.

Ngumiti lang ang lalaki at h******n ang kaniyang kamay.

" Namimis na kita, eh! Feeling ko hindi ko na kakayanin na ilihim pa ang relasyon natin."

" Napag-usapan na natin 'to 'di ba? Akala ko ba, willing to wait ka? Ilang days pa nga lang give-up ka na?" malambing niyang turan dito.

" Sorry na, babe. Mahal na mahal lang kasi kita,eh."

Ngumiti siya at humilig sa balikat ng binata at naramdaman niya ang paghalik nito sa kaniyang ulo. Nakarating sila sa isang beach resort kung saan sila lang ang naroon. Nalaman niyang inupahan iyon ng lalaki na para lang sa kanilang dalawa. May hinanda pa itong lunch para sa kanilang dalawa na kung saan napapalibutan ng flowers ang area. Gusto niyang maiyak sa sorpresang iyon ng binata. Pakiramdam niya siya na ang pinakamaganda at espesyal na babae sa ibabaw ng lupa. Mula sa likuran ay niyakap siya ng lalaki.

" You like it?" tanong nito sa kaniya.

Napatango lang siya na halos hindi nakapagsalita. Sa tanang buhay niya ay ngayon niya lang naranasan ang mabigyan ng importansya. Hinarap siya ng lalaki at masuyong pinagmasdan.

" Ginulat mo ko,ah! Sige ka, baka hanap-hanapin ko na 'to!" 

" Kahit araw-araw pa hinding hindi ako magsasawang gawin 'to," madamdamin nitong turan. 

Very romantic ang place na sinabayan pa ng kantang ' Forevermore' by Side A. Niyakap siya nito sa bewang at masuyong hinalikan sa mga labi na ginantihan niya rin naman. Ramdam niya sa halik nito ang labis na pagmamahal para sa kaniya. Matagal ang halik na iyon na halos ayaw na yatang bumitiw ng lalaki na tila pinanggigilan na yata siya. At dahil matangkad ito ay nangalay na ang mga paa niya sa pagtingkayad. Mukang naramdaman naman iyon ng binata kaya mula sa bewang ay iniangat siya nito sa mesa habang hindi pa rin bumibitiw sa pagkakahalik. Naramdaman niya ang paglalim ng halik nito habang mahigpit na nakayakap sa kaniyang bewang. Nang kapusin na siya sa paghinga ay siya na mismo ang kumalas sa lalaki.

" Hoy, ikaw,ah, pinapapak mo na ako," namumula ang mukha niyang turan.

" Bakit ayaw mo ba?" sagot nito habang namumungay ang mga mata.

" Bakit sinabi ko ba?" pabiro niyang sagot.

" Camilla, will you marry me?"

Nagulat siya sa tanong nito kaya  natampal niya ito sa braso.

" Puro ka kalokohan, alam mong nag-aaral pa tayo,eh!" 

" Pwede naman, 'yun, ah? Tutal after graduation may plano naman na tayo 'di ba? Tsaka doon din naman tayo papunta," nangingiting tugon nito.

" Alam mo gutom lang iyan, kain na tayo?" 

" Pwede bang ikaw na muna ang kainin ko," pabiro nitong turan habang tumatawa.

" Puro ka kalokohan,ah!" Kinurot niya ito sa tagiliran. Binuhat naman siya ng lalaki para makababa at masaya nilang pinagsaluhan ang nakahain sa mesa. 

Nang matapos kumain ay naglakad-lakad sila sa tabing dagat  habang magkahawak kamay. Paminsan-minsan ay nagsasabuyan sila ng tubig. Minsan naman ay hahabulin siya ng lalaki at kapag naabutan naman siya ay tinatangka siya nitong halikan ngunit nagpupumiglas siya kaya muli na naman siyang hahabulin nito. 

Nang makaramdam ng pagod ay pinasya nilang maupo. Nahiga ito sa kaniyang kandungan habang hawak ang kaniyang kamay na tila ba takot itong makawala pa siya. Habang nakapikit ito ay nangingiting pinagmamasdan niya lang ang nobyo. Pakiramdam niya ng mga oras na iyon nasa ulap siya dahil sa kaligayahan. At nang oras ngang iyon ay sigurado na siyang mahal niya na ang binata.