Kabanata 2

Pagkatapos niyang patayin ang tawag ay sumakay na siya sa kanyang electric scooter at nagtungo sa Civil Affairs Bureau para doon hintayin ang lalaki. Tulala siya habang nakaabang sa harapan ng building. Ni hindi na nga niya namalayan na may sasakyan na palang huminto sa harapan niya. 

Napapitlag nalang siya nang may anino na halos tumabon sa kanya. Dahan-dahan siyang nag-angat ng tingin at agad na sumalubong sa kanya ang isang pares ng itim na mga mata na para bang hihigupin ang sinumang tumitig doon.

Sinipat niya ng tingin ang lalaki. Matangkad ito at matikas, nakasuot ng isang salamin, may matapang na awra na parang hindi marunong  magbiro. Siguro nasa lampas six feet ang tangkad nito. Kahit sa height niyang five four inches, kailangan pa niyang tumingla kung kakausapin niya ito.

"You're the one who called me?" Tanong nito sa baritonong boses.

Ito ba ang lalaking naka-one night stand niya? 

Dahil masyadong magulo ang utak niya ng gabing may nangyari sa kanila, halos hindi na niya matandaan ang detalye ng itsura nito. Basta pagkatapos niyang makuha ang ibinigay nitong calling card ay walang likod-lingon siyang tumakbo palabas ng hotel.

Muli niyang pinasadahan ng tingin ang lalaki. Inihanda na niya ang sarili niya kanina na pakasalan ito kahit pa anuman ang itsura ng estranghero pero ngayong nasa harapan na niya ito, lihim siyang napangiti. Kulang ang salitang gwapo para ilarawan ang lalaki kaya sigurado siyang magiging maganda ang itsura ng magiging anak nila.

Bumaba ang kanyang tingin sa suot nitong three piece suit. Mukha iyong mamahalin. Hindi niya maiwasang ikumpara ang binata sa mga mayamang bidang lalaki na napapanood niya sa Kdràma hanggang sa mapadako ang tingin niya sa kotseng dala nito. Luma na iyon at konting panahon nalang ay masisira na.

Pero sa kabila ng nakita niya ay nakahinga parin siya ng maluwag na pumunta ito at hindi siya binigo. "Hello, Sir. Ako po si Graciella Santiago," aniya at naglahad ng kamay.

Subalit imbes na makipagkamay sa kanya ay tiningnan lang iyon ng lalaki. "You're that woman from that night?" Malamig nitong turan at tiningan  pa siya mula ulo hanggang paa na para bang pinag-aaralan nito ang kabuuan niya.

"Paano ko masisiguro na nagsasabi ka ng totoo?" Nakataas ang isang kilay nitong tanong.

Kinagat niya ang pang-ibaba niyang labi bago dahan-dahang lumapit dito.

Kinunutan naman siya nito ng noo. "What are you doing?" Naniningkit ang mga mata nitong angil.

"Naalala mo ba nung gabing may nangyari sa'tin? Diba panay ang halik mo sa dibdib ko tapos napansin mo yung balat ko sa bandang yun. Akala mo pa nga chikinini din eh. Gusto mo bang makita?" Bulong niya.

Binigyan siya nito ng naeeskandalong tingin.

Tila hindi naman makapaniwala si Drake sa pinagsasabi ng babae. Ito palang ang pangalawa nilang paghaharap pero masyado yatang walang preno ang bibig nito.

"Sigurado ka ba kanina sa sinabi mo na gusto mo akong pakasalan?"

Kinabahan si Graciella nang makita ang madilim na awra ng lalaki. Hindi naman ganun kalakas ang kumpyansa niya pero dahil nasabi na niya kanina ang pakay niya kaya paninindigan niya iyon.

"Sinabi mo sakin noong nakaraan na tawagan kita kapag may kailangan ako kaya yun ang ginawa ko. I called you here para panindigan ako. Don't tell me nagsisinungaling kalang?"

Sarkastiko itong tumawa. "You do know who I am, woman, and yet you still dared to ask me for a marriage…"

Pera ang ibig sabihin ni Drake sa mga katagang binitawan nito sa babae noong nakaraang buwan. Isa ang angkan ng mga Yoshida sa pinakamayamang negosyante sa Pilipinas at maging hanggang sa Japan. Mapili siya pagdating sa babae at hindi basta-basta namumulot nalang sa kung saan-saang club.

Pero may naglagay ng droga sa inumin niya noong nakaraan. At sa hindi sinasadya ay may nangyari sa kanila ng babaeng nasa harapan niya ngayon na walang iba kundi si Graciella. Pero pagkatapos ay tumakbo nalang ito bigla. Akala niya ay iba ito sa mga babaeng nakilala niya pero nagkamali pala siya. Mas masahol pa nga at talagang nagdemand pa na pakasalan niya ito!

Pero tila hindi naman naintindihan ni Graciella ang punto ng kausap nito. "Huwag kang mag-alala Sir, kahit na maikasal tayong dalawa, hindi ako manghihingi ng pera sayo. Magtatrabaho parin naman ako," aniya bago napasulyap sa kotse nito.

"Isa pa, base sa kotseng dala mo, mukhang mas malaki ang kinikita ko kaysa sayo kaya wala kang dapat ipag-alala, hindi ako isang mapagsamantala," kaswal niyang wika.

Hindi naman sa pagmamalaki pero nagtatrabaho siya bilang sales agent sa isa sa pinakasikat na car company sa Makati—ang Dynamic Wheels. At dahil sales champion siya halos buwan-buwan, kumikita siya ng halos fifty thousand a month. At kapag may sinwerte sa commission ay higit pa.

Kaya kahit na mukhang mayaman ang lalaking nasa harapan niya, hindi naman siya basta-basta nalang mahihiya dito dahil may ibubuga din naman siya.

Lihim namang napailing si Drake habang pinagmamasdan si Graciella. Ilang saglit pa'y napasulyap siya sa kanyang sasakyan na nasa may kalayuan. Dahil nagmamadali siyang umalis kanina, sasakyan ng tauhan niya ang ginamit niya. Hindi niya inaasahan na aakalain nitong sa kanya ang bulok na kotseng nasa harapan nila.

Mataman na tinitigan ni Drake si Graciella. "Hindi ka natatakot sakin?"

Napanguso naman ang huli. "Bakit naman ako matatakot sayo?"

Karamihan sa mga kalalakihan ngayon ay iresponsable. Kung tutuusin nga ay aksidente lang naman ang nangyari sa kanila noong nakaraang buwan pero pinili parin nitong puntahan siya at pakiharapan kaysa tumakas at balewalain siya dahil nakuha na nito ang puri niya. Sapat na iyon para masasabi niyang responsableng klase ng lalaki ang ama ng anak niya.

Muli na naman siya nitong pinasadahan ng tingin. Hindi naman siya umiwas at nakipagsukatan pa ng titig sa lalaki. 

"Let's go?" Aya niya sa binata.

Tinaasan naman siya nito ng kilay at sinimangutan pa. "Where?"

"To get a marriage certificate. Diba nga tinawag kita dito para pakasalan ako," ani Graciella na para bang isang simpleng bagay lang ang hinihingi nito sa kanya.

Hindi siya basta-basta nagpapatali. Pero nakangako na siya dito na na ibibigay niya anuman ang hilingin nito. Isa pa, something in this woman interest him the most. Hindi niya mawari kung talaga bang hindi siya nito kilala o nag-mamaang-maangan lang ito para paikutin siya sa sarili nitong mga palad.

Pero sa kabilang banda, kung sakali man na niloloko lang siya ng babaeng ito, madali lang sa kanya ang pahirapan ang buhay nito. He's Drake Levine Yoshida after all.

"Okay, let's get married then," sa wakas ang sagot ng lalaki.

Nakahinga naman ng maluwag si Graciella. Agad siyang sumunod dito papasok ng Civil Affair Beauru ng may munting ngiti sa labi.