Kabanata 3: Cheated

AMBER'S POV

Paulit-ulit na bumabalik sa isipan ko ang litrato na naka-post sa social media ni Anika. Nasasaktan ako, nagseselos, at natatakot sa posibleng mangyari. Kaya pala sinabi ng sekretarya niya na hindi siya makakauwi, dahil paniguradong kay Anika siya uuwi.

Mahigpit akong napahawak sa dibdib ko habang patuloy na umaagos ang mga luhang hindi ko mapigilang tumulo. Nakailang malalim na akong paghinga, ngunit hindi pa rin napapagod ang mga mata ko sa pag-iyak.

Napahagulgol na ako at hindi ko na talaga mapigilang umiyak nang malakas dahil kung hindi ko ito gagawin ay baka mawalan na ako ng malay dito sa kuwarto. Ayaw ko namang mangyari 'yon. Paano na lang kung mamatay ako, 'di ba? Walang makaka-rescue sa akin...

Tanging pag-iyak lang ang magagawa ko dahil ayaw namang basahin ni Brixton ang mga mensahe ko. Oo, agad akong nag-chat sa kanya nang makita ko ang post ni Anika. Pero hindi naman niya sineen ang chats ko.

"Siguro ang saya nila ngayon... After months of parting ways, ngayon magkasama na sila. Kung alam mo lang, Brix, kung paano ka lokohin ng babaeng kinababaliwan mo."

Kumuha ako ng wine at uminom nang mag-isa sa balkonahe. Suot ko ang nightgown ko. Mag-isa lang ako sa kuwarto dahil magkaiba naman ang kuwarto namin ni Brix. Kasi nga ayaw niya sa akin.

Masaya ako na nakasal ako sa kanya, pero hindi naman ako umaasa na magiging masaya siya sa akin. Kaya gusto kong gawin ang lahat para sa kanya dahil mahal ko siya. Para na akong mababaliw kakaisip sa kanilang dalawa ngayon.

Sinong hindi mababaliw kung ang kasama ng asawa mo ay ang first love niya na kailanman ay hindi niya nakakalimutan? At galit pa siya sa akin.

"Kung makikipaghiwalay siya sa akin, hmm... Kamatayan na lang talaga ang makapaghihiwalay sa atin, Brix." Inubos ko ang dalawang bote ng wine at bumalik na sa loob ng kuwarto ko.

Nakaramdam na ako ng hilo kaya agad na akong humiga sa kama. Akala ko ay makakatulog na ako, pero nakakainis dahil sila na naman ang dalawa sa utak ko.

"Shitttt... Pwede bang lumayas na kayo sa utak ko?" Anas ko at pinagbabato ang mga unan.

"Mahal na mahal lang talaga kita, Brix, kaya ako nasasaktan nang ganito."

Tanging hikbi ko na lang ang ingay na maririnig mula sa kuwarto ko. Mga hikbing kay sakit sa dibdib.

"Kailan mo ba ako mapapansin, Brix?"

____________

KINABUKASAN ay nagising ako dahil sa malakas na katok sa p***o. Nagulat ako kaya napabangon ako mula sa kama, na mapungay pa ang mga mata.

Pagbukas ko ng p***o ay bumungad sa akin ang galit na hitsura ni Brix. Suot pa rin nito ang damit na suot niya kahapon.

So, magkasama nga sila buong gabi.

Nakaramdam agad ako ng kirot at yumuko. Ayaw kong umiyak sa harapan niya.

"Ano ang sinabi mo kay Anika kagabi?" Galit na tanong nito sabay hawak sa braso ko nang kay higpit.

"Aray! Ano ba ang pinagsasabi mo?" Nasasaktan kong sabi.

"You chatted her and called her mistress. Huwag ka ngang magmangmangan, Amber. Halata namang galit ka sa kanya dahil magkasama kami, pero wala kang karapatang tawagin siyang kabit." Mas lalong humigpit ang pagkakahawak niya sa braso ko.

"Bitawan mo nga ako! At pwede ba, paki-check naman nang maayos kung sa akin ba talaga galing ang mensaheng 'yon? O gawa-gawa na naman niya para magmukha na naman siyang kaawa-awa?" Mahaba kong sabi sabay bawi sa braso ko at itinulak siya.

Namumula ang braso ko, at nang makita niya 'yon ay biglang nawala ang galit sa mukha niya, pero agad din itong bumalik sa dati. Switch mode lang.

"Stop lying." Sabay turo niya sa akin.

Tumalikod ako upang kunin ang cellphone ko.

"Where are you going?" Pigil niya sa akin at hinawakan ulit ang braso ko.

"Pwede ba, bitawan mo muna ako? Kukunin ko lang ang cellphone ko para ipakita sa'yo kung ano ang sinasabi mong loko ka!" Nag-iinit na rin ang dugo ko sa kanya.

Pumasok ako sa loob at hinanap ang cellphone ko. Nang makita ko 'yon ay agad kong binuksan sa harapan niya mismo.

"Tingnan mo nang maayos kung maayos pa 'yang mga mata mong kupal ka. Basahin mo kung ano ang mensahe ko sa kanya. Hindi naman ako nag-chat sa kanya kagabi dahil ikaw ang chinat ko, hayop ka!"

Natigilan siya at palipat-lipat ng tingin sa akin at sa cellphone ko. Ang sarap na sana ng tulog ko, at inaantok pa ako, pero gigisingin ka lang dahil sa gagang Anika na 'yon.

Weakness ko si Brix. Mahal ko, oo, pero gago, hindi ako kupal. Tanga lang ako sa pag-ibig, pero kung gaguhin ako at gagawan ng kuwento... Ay, lintik lang ang walang ganti.

"Ano? May sinabi ba ako sa kanya? Wala naman, ah. Aminin kong nakita ko ang post niya, pero hindi ako nag-react o nag-comment, at hinding-hindi ako nag-message sa kanya."

Nakatingin lang ako sa kanya habang nagsasalita.

Huminga siya nang malalim at saka ibinalik sa akin ang cellphone ko. Akala ko ay okay na at maniniwala siya sa akin na hindi ako ang nagsabi no'n kay Anika.

"What if you deleted it last night after you sent it to her?" Natampal ko ang noo ko dahil sa sinabi niya, na ikinagulat niya.

"What the fuck..." gulat niyang sambit.

"I will video call her right now."

"What? Why would you do that?"

"Because I am innocent, Brix. Mahal kita, oo, pero kung gagaguhin n'yo ako at pagbibintangan sa ganitong bagay o ano pa man, pasensyahan na lang tayo." Mukhang natigilan siya at napalunok.

"Fine. Let's stop it here. Don't disturb her," he said and left.

"BRIXTON!" Sigaw ko dahil sa inis. "Kapag talaga nalaman mo kung ano ang ginawa ng Anika mo na 'yan, I am not sure if you will forgive her." I said, not sure if he heard me.

"Your Anika cheated on you back then with your brother.” Isasara ko na sana ang pintuan ng may kamay na pumigil dito.

"What did you just say?”

"Wala naman, Brix. Ano ba sabi ko?” I said, teasing him. Hindi pa oras para malaman mo, Brix.

Kapag nakuha ko na ang share ko, sasabihin ko sa'yo ang lahat-lahat. Kung hindi lang ako tinakot ni Anika tungkol sa share ko sa kayamanan ni Dad, hindi ako magtitiis ng ganito. Pero kung sobra na… Hindi ko alam kung hanggang kailan ako mananahimik.