MAKALIPAS ang isang linggo ay nakalabas na rin ng hospital ang ama ni Tracy at nagpapagaling na muna ito. Nang hapong iyon ay maaga siyang umuwi ng kanilang bahay. Kahit paano ay maayos ang pakikitungo ng ina sa kanya dahil sa ginawa niyang pagbabayad sa gastusin ng ama sa pagpapagamot. Bukal naman sa kalooban niya ang ginawa at marunong pa rin siyang tumanaw sa mga ito. Kinalimutan muna niya saglit ang mga gumugulo sa isip niya nitong mga nagdaang araw.Malaya siyang nakapasok sa loob ng bakuran habang bitbit ang isang basket ng prutas. Pasalubong niya iyon sa ama. May mumunting pagkasabik siyang nadarama habang papalapit siya sa bahay ng kanilang pamilya. Sumapit na nga siya sa harap ng pinto.“Alam mo Ma at Pa, nagtataka lang ako,” sabi ni Lyra. “Magkakapareho tayo ng blood type pero bakit si Ate Tracy ay hindi. Iniisip ko nga kung totoong kapatid ko ba siya?”“Huwag kang mag-isip ng kung ano,” may pananaway na boses ni Hernando. “Kahit paano ay kapatid mo pa rin siya. Salamat na
“T-Tracy, ikaw ba ‘yan?” naniniguradong tanong ng isang tinig ng lalaki.Kaagad siyang nag-angat ng tingin sa driver ng nasakyan niyang kotse na bigla niyang pinara. Tumambad sa kanya ang mukha ng isang lalaki. Sa una ay inarkohan niya ito ng kilay pero nanlaki ang mga mata niya, pagkakilala dito. “F-Frank?!”Bigla itong ngumiti saka pinisil ang baba niya. “Sabi ko na nga ba at ikaw ‘yan, Tracy. Kaya nga tinigilan kita kanina kasi pamilyar. What happened?”Ibinalik nito ang atensyon sa pagmamaneho. Nasa daan ang konsentrasyon nito pero nakabukas ang tainga para pakinggan siya.Saka lang niya naramdaman ang pagkawala ng kalasingan niya dahil sa ginawa niyang pagtakbo. Swerte niya na ang long-lost bestfriend niyang guy ang nasakyan niya. Kung nagkataon ay baka napahamak na siya nang tuluyan. Inabutan siya nito malinis na towel para ipampahid niya sa pawisang mukha. Inikwento niya sa binata ang nangyaring rebelasyon at katatapos na nangyari. “Masyado kasi akong nasaktan sa mga nalaman k
“AYOS ka na ba dito, Tracy?” tanong ni Frank sa kanya matapos nitong buhatin ang isang malaking bag na kinalalagyan ng mga damit at gamit niya. Naroon sila sa loob ng apartment na siyang magiging bagong tirahan niya.Parang nanghihina siyang napaupo sa isang silya na naroon. “Huwag ka mag-alala Frank, magiging maayos naman ako dito. Maraming salamat huh sa pagtulong mo sa akin at talagang pinatunayan mo na kaibigan nga kita.”Ngumiti ang binatang kaibigan. “Sabi na eh, may purpose talaga ang pagbabalik ko dito sa Sta. Maria. Mga bata pa lang tayo ay magkaibigan na tayong dalawa. At alam mo na basta kaya ko, handa kitang tulungan.”Kaninang pinalayas siya ni Consuelo niya sa kanilang bahay, si Frank ang unang sumagi sa isip niya para lapitan. Palibhasa ay kapit-bahay lang nila ito, kung kaya ay napuntahan niya ito kaagad. Gamit ang kotse nito, sinamahan siya nito sa paghahanap ng matutuluyan niya dito sa kabayanan.“Maraming salamat huh,” nagpipigil na mapaiyak na sabi niya. “Sa’yo ko
“ANO, okay ka na ba?” tanong ni Frank kay Tracy at inabutan siya nito ng bottled water. Muli itong bumalik sa kinauupuan nito kanina. Umalis na rin ang Papa niya at binilinan siya nito na patuloy na mag-ingat.Tinanggap niya mula sa binata ang mineral water, binuksan niya ang bote at ininom niya ang tubig. Nang matapos sa pag-inom ay binalingan niya itong muli. “Bakit ba masyadong ma-drama ang araw na ito para sa akin Frank?”“Oo nga, parang teleserye eh.” Napatawa ito nang mahina para pagaanin ang kalooban niya.“Maraming salamat huh, dahil palagi kang nariyan para sa akin,” bukal sa loob na sabi niya dito pagkainom niya. “Mapalad ako na bestfriend kita at lagi kong karamay sa mga nangyayari sa buhay ko.”Kahit binasted niya ito noong college pa sila ay hindi nabago ang friendship nilang dalawa ni Frank. Nanatili itong nasa tabi niya at madalas na dito niya nasasabi ang hinanakit at sama ng loob niya sa buhay. Sobrang lungkot niya noong magtrabaho na ito sa Manila dahil nasanay na siy
LET’S give them a big round of applause for, Miss Viena De Villa and Mr. Fien Montagne,” muling sabi ng emcee. “On their engagement ceremony.”Mula sa pinto sa gitna ng stage ay lumabas ang dalawang magkapareha. Napakaganda ng dalagang De Villa sa suot evening gown na halatang mamahalin at masasabing designer’s style. Napaawang ang labi ni Tracy nang mamasdan ang binatang Montagne.‘S’ya pala ‘yun,’ hindi makapaniwalang sabi niya. Ang binatang magiging engage sa gabing iyon, walang iba kundi ang lasing na lalaki na kinukop at pinakain niya sa kanyang restaurant. Hinding- hindi niya malilimutan ang itsura nito. Kahit may kapormalan ang mukha nito sa gabing iyon, nagpadagdag lang ‘yun ng appeal sa kagwapuhang taglay.May isang bahagi ng puso niya ang nalungkot sa kaalamang nakatakda na ang lalaki sa iba. ‘Umayos ka Tracy, hindi ka nababagay sa isang Fien Montagne. Isa siyang Montagne!’Naipilig niya ang ulo sa isiping iyon. Namalayan na lang niya na nagkaroon ng drinking of wine ang mga
“Fien Montagne!?”Kanina lang ang mukha nito ay laman ng isip niya. May isang bahagi ng puso niya ang lihim na nagsasaya sa mga sandaling iyon. Sumasabay ang kakaibang tibok ng puso niya sa pagkakapit ng kamay niya sa seradura ng pinto.‘Ano ba kasing mayroon ka at ganito na lang ang epekto mo sa akin huh?’ ang mga tanong na hindi kayang maisatinig ng labi niya. Sinasaway na siya ng isang bahagi ng utak niya pero ang puso niya ay handang ipagkanulo siya.‘Calm down, Tracy!’“Kakain ako, give me the menu,” bossy na utos ni Fien kay Tracy pagka-okupa nito sa isang table. Dumiretso kaagad ito ng pasok sa loob ng restaurant matapos niyang pagbuksan ito ng pinto. Sa hindi malamang dahilan ay nagawa niya itong pagbuksan.Naguguluhang nilapitan niya ang binata. “Pero Mister, nabasa mo naman siguro sa sign ng pinto na close na kami. Saka, mag-aalas diyes na ng gabi.”Isang seryosong tingin ang ibinigay nito sa kanya. Tiningala pa siya nito. “This is how you treat your customer, Miss?”“Miss T
BAGO pa ganap na tawirin ni Fien ang nalalabing pagitan ng mga mukha nila ni Tracy ay biglang nag-angat ang isang kamay nito. Naramdaman ng dalaga ang biglang pagpahid nito sa may gilid ng labi niya gamit ang tissue.“May dumi ka lang sa mukha mo, Miss Alcantara,” walang emosyong sabi nito matapos ilayo ang sarili sa kanya. “Hindi mo lang napansin dahil kahit ikaw ay nasarapan sa sariling luto mo.”Napainom tuloy siya ng tubig ng wala sa oras. “A-Ahm, thank you. Ganito talaga ako, hindi nagiging aware sa sarili ko kapag napasarap ako ng kain.” Napatawa siya ng mahina kasunod ang pagpilig niya ng ulo.Nanatiling seryoso ang badya ng mga chinitong mga mata nito. “No worries, hindi naman kita masisisi dahil sadyang masarap ka magluto.”Parang hinaplos ng malamig na kamay ang puso niya sa papuri nito. Malungkot tuloy niyang naalala ang isang bahagi ng nakaraan niya. Excited siya sa pagdating ng Mama niya noon kahit pagod na pagod siya sa pagluluto.Flashback.“Ma, happy birthday po!” ang
“CONFIRMED nga na kamukha ko ang artista na ‘yan. Akala ko ay nama-malikmata lang ako,” aniya na may hindi maipaliwanag na pakiramdam ang bumalot sa dibdib niya.“Ikaw huh, hindi mo sinabi sa akin na nag-artista ka pala noong 90’s,” nagbibirong sabi nito. Nagawa pa nitong ngumisi sa kabila ng pagkamangha.“Sir ka!” natatawang sabi niya dito. “Hindi pa ako tao ng mga taong ‘yan. Pero bigla akong na-curious sa artistang ‘yan. Siguro s’ya ang tinutukoy ng dalawang babaeng kumain sa restaurant na kamukha ko raw na artista.”“Tingnan nga natin ang pangalan nitong kamukha mo.” Sinipat nito ang cover ng lumang magazine. “Maristela Alonzo.”“Maristela Alonzo, parang narinig ko na nga before ang pangalang ‘yan,” amused niyang sabi. “Hindi ko lang matandaan kung saan.”“Ang mabuti pa ay search natin sa internet at baka may mga existing data siya,” ani Frank na nauna nang nagpunta sa sofa at saka naupo doon. Napasunod na rin siya sa kaibigan.“Oo nga, search natin ang name niya,” naupo siya sa