CHAPTER 1: Virgin No More

Janina Marie

Isang mabining amoy ang nanunuot sa aking ilong. Male scent iyon na para akong idinuduyan para muling pumikit. Dinadala ako noon sa aking pantasya na magising na nakakulong sa bisig ng isang guwapo at maskuladong lalaki. Isang lalaki na hinahabol ng mga kababaihan dahil sa pamatay nitong karisma. Whoo! Ang sarap sigurong maranasan ang kilig na nararamdaman ng mga bidang babae sa mga Korean na palabas na pinapanood ko kapag aksidenteng nagigising sila na yakap ng kanilang mga oppa. 

Pero teka… nasaan ako? 

Kukurap-kurap ako sa dilim nang magising ako sa isang hindi familiar na silid. Mabigat ang aking ulo kaya bahagya kong hinilot ang aking sentido. Ang natatandaan ko ay nasa isang resort kami sa Naic Cavite upang i-celebrate namin ng mga kaibigan ko ang aming biggest achievement. Dahil doon ay marami ang nainom kong alak kagabi. Deserve ko ang magwala kahit isang gabi lang dahil sa wakas ay graduate na ako ng Business Management. Maiaangat ko nang muli ang buhay namin ni lolo. 

Ngunit bigla akong kinabahan nang mabatid kong wala akong suot na damit. Hindi ordinary na makatulog akong n*******d kaya alam ko agad na may mali. Tanging kumot lang kasi ang nakatakip sa aking katawan at sa tabi ko ay may isang lalaki. Dama ko ang malambot na balat ng likod niya na hindi sinasadyang nakadikit sa aking mga braso.

Tumayo lahat ng balahibo ko sa batok. Bigla akong nag-panic. Seriously? Ibinigay ko ba talaga ang sarili ko sa isang taong hindi ko kilala? Hindi ko akalain na dahil sa bote ng alak ay masisira ang buhay ko.

"Diyos ko, ano'ng ginawa ko?" bulong ng isip ko. Blangko ang utak ko katulad nang wala akong makita sa dilim ng paligid. Nangangatal ang mga labi ko dahil sa sobrang takot. 

Dali-dali kong binalot ang aking sarili ng mga nakapa kong damit. Mabilis akong lumabas sa silid na iyon at hinanap ko ang villa kung saan naroon ang aking mga kaklase. Habang naglalakad ay dama ko ang kirot ng aking female s*x organ. Parang nasugat iyon at may hinala na ako kung bakit.

Daig ko pa ang magnanakaw pagpasok ko sa pintuan. Sumilip muna ako para tiyakin na tulog lahat ang mga kasama ko. 

"God, hindi ko alam kung bakit ako napasok sa isang sitwasyon na hindi ko napaghandaan. Taliwas ito sa aking mga plano," bulong ng isip ko habang dahan-dahan akong pumapasok sa silid na nakalaan sa akin at sa dalawa kong kaklase. 

Mabilis akong kumuha ng damit sa backpack ko at dumiretso sa banyo. Doon ko pinakawalan ang luhang kanina ko pa pinipigilan. Kinuskos ko ang aking katawan ng sponge na nakasabit sa wall ng bathroom. Wala akong pakialam kung mahapdi na ang aking balat. Tuloy lang ako sa paglinis ng aking katawan na para bang kayang burahin noon ang aking kagagahan. 

Para magising ako, I smacked my head against the wall. Perhaps I'm just having a bad dream. Subalit kahit nagkaroon na ako ng malaking bukol sa noo ay hindi pa rin nawawala ang bangungot ko. Doon ko napagtanto na ang lahat ay totoo at kailangan kong harapin. 

"JM, ano'ng ginagawa mo riyan?" tanong ni Althea. Isa siya sa mga classmates ko. Marahil ay nagising siya sa nilikha kong ingay.

Tinanggal ko ang bara sa aking lalamunan bago ko ibinuka ang aking bibig ngunit wala akong masabi. Ilang beses akong tumikhim. Ilang beses ko rin na itinapat ang aking mukha sa shower. Ayaw kong malaman ng mga kaklase ko ang nangyari sa akin. 

"Jannina Marie, ayos ka lang ba?" tanong ulit ni Althea sabay bayo ng pinto. 

"O-oo. Mamaya lang ako lalabas. Gusto ko lang mawala ang hangover ko," sagot ko kay Althea.

Waring naiintindihan naman ako ng aking kaklase. Tumigil siya sa pagkatok sa pinto at bumalik na sa pagtulog. Inayos ko ang aking sarili. Dahan-dahan akong nagbihis. 

When I picked-up the longsleeve of the man na sumira ng dangal ko ay may nalaglag mula roon. Isang kwintas na my pendant na cross. Pinulot ko iyon at mahigpit na hinawakan. Halos bumaon ang cross noon sa aking palad. 

Tumalim ang mga mata ko. Nagmamadali na inihagis ko sa basurahan ang damit ng lalaki pati na rin ang kwintas. Ngunit biglang nagbago ang isip ko. Muli kong kinuha ang kwintas at sinuri iyon. Sa likod ng cross ay may nakasulat na J.A.

Wala akong pinagsabihan ng mga naganap. Wala rin nakahalata sa mga kaklase ko na may pinagdadaanan ako. Palagi pa rin kasi akong naka-smile sa buong maghapon na nasa resort pa rin kami. 

"JM, nakita mo ba ang mga guwapong lalaking kausap ng pulis?" tanong ni Althea sa akin. 

"Ano'ng connect ng tanong mong iyan sa celebration nating ito?" tanong ko rin sa kaklase ko.

Althea smirked. Kinikilig na hinampas n'ya ako sa braso. Para siyang buntis na hindi mapaanak sa harapan ko. 

"Hinahanapan kasi kita ng mapapangasawa mo para bago pa kayo magkita ng lalaking gusto ng lolo mo para sa iyo ay kasal ka na at wala na silang magagawa pa," sagot ni Althea. 

"No way! Baliw ka talaga. Hindi ko pwedeng suwayin si lolo. His words are special. Hindi man iyon utos ay susundin ko pa rin dahil mahal ko si lolo," malungkot kong turan. "Ikakasal ako sa apo ng kaibigan n'ya at hindi pwedeng tutulan ko iyon. Matanda na si lolo at ayaw ko nang bigyan pa siya ng stress." 

Habang kausap ko si Althea ay parang multo na bumabalik sa isip ko ang mainit na halik ng lalaki kagabi. Ang nakaliliyo na sensasyon na naramdaman ko habang magkiniig kami ay dahilan ng pansamantalang pagkalimot ko. Bigla akong napahawak sa tapat ng dibdib ko. Gusto kong malaman ang identity ng lalaking pangahas.

Umisip ako ng paraan kung paano ko makikilala ang lalaking nagsamantala sa aking kahinaan kagabi. Unti-unti na kasing bumabalik sa isip ko ang alaala ng mga naganap at hindi ko alam kung bakit tila mayroong kakaiba akong nadarama. I want him to claim my lips again. I want him to touch and adore me like he did last night. Teka, hindi ba dapat galit ako? Bakit ganito ang nararamdaman ko?

Lakas loob akong pumunta sa information desk ng resort. Gusto ko kasi talagang makilala ang lalaking naka-one-night stand ko. Tinanong ko ang babae roon kung pwede ko bang malaman kung sino ang nag-check-in sa villa na nasa dulo ng resort.

"I'm sorry, ma'am. Confidential po ang profile ng guests namin," sagot ng babae sa akin. 

"Sige na, miss. Kahit name n'ya lang. Gusto ko talaga siyang makilala," pakiusap ko sa babae.

"Naku, ma'am, hindi lang ikaw ang pumunta rito para itanong ang pangalan n'ya. Hindi kita masisisi kasi talaga namang guwapo siya at parang Hollywood actor. Subalit may rules kami na dapat sundin," paliwanag ng babae. 

I sighed in disappointment. Alam kong kahit magwala ako ay wala akong makukuhang information mula sa babae. I walked slowly towards my classmates, who were all waiting for me. No choice na ako kun'di tanggapin na sa resort na iyon ay nagpakagago ako at nasira ang dangal ko dahil sa isang lalaking mapagsamantala ng babae. Wait, sa resort din na iyon ay naranasan kong maging babae kahit sandali lang. Nakarating ako sa langit kahit hindi pa ako patay. 

Habang binabaybay ko ang daan papunta sa sasakyan na naghihintay na sa akin ay narinig ko ang isang malakas na tinig ng lalaki. Nakatayo ang may-ari ng boses na iyon sa gilid ng pathway na daraanan ko. Sumulyap siya sa akin ngunit hindi ko siya pinansin. 

"Yes, dad. Narito na ako ulit sa resort," malumanay na sabi n'ya.

"Sobrang bait naman ng lalaking ito sa parents niya," bulong ko sa sarili ko. Subalit hindi ko inaasahan ang sumunod kong narinig. 

"How many times do I have to tell you daddy, ayaw kong maikasal sa apo ni Winston Villasanta?" Dumadagundong na tanong ng lalaki sa kausap nito sa cellphone. 

Bigla akong napatda sa narinig ko. Napakurap-kurap ako in disbelief. Pinaglalaruan ba ako ng tadhana? Ang guwapo, maputi, at masculine na lalaking nasa harapan ko ay ang future husband ko! Aba, kung ito nga si Xavier Wesley Montefona ay handa akong maging pambayad utang. 

Ngunit biglang naningkit ang mga mata ko. Tiningnan ko siya mula ulo hanggang paa. Nakataas din ang kilay ko habang sinusuri ko siya. Nakipagtitigan ako sa kan'ya. Aba! Hindi n'ya pa nga ako nakikilala, ayaw n'ya na agad sa akin. It's so unfair! Hindi kasi iyon ang nararamdaman ko para sa mapapangasawa ko. 

"Miss, why are you staring at me?" Mataas ang boses ng lalaki habang iritadong nakatingin sa akin. Kulang na lang ay lamunin din ako ng mga tingin n'yang nagpapabilis ng tibok ng puso ko. Gusto ko siyang tanungin kung siya ba talaga si Xavier Wesley Montefona pero naumid ang dila ko. Nakakatakot kasing tumingin sa guwapo niyang mukha. 

"Me, staring at you?" Nauutal kong ulit sa sinabi n'ya. "Sir, sa lakas ng boses mo, kahit sino rito ay mapapatingin sa iyo. Uso po ang hindi magalit at sa halip ay maging mahinahon. Okay?" 

Pagkasabi ko noon ay nilagpasan ko na ang lalaki. Kung siya nga ang apo ng kaibigan ni lolo, mukhang sasakit ang ulo ko sa kan'ya. First time ko siyang nakita sa buong buhay ko ngunit kumukulo na agad ang dugo ko sa kan'ya. Yes, aaminin kong nakuha n'ya ang atensyon ko pero mukhang kailangan ko yatang magdasal sa lahat ng simbahan para magkasundo kami. Mukhang mali yata si lolo sa mga kuwento n'ya.  

"Miss, alam mo…" Tiningnan ko ang mga kamay niyang nakahawak sa braso ko. Para kasi iyong bakal na dinudurog ang buto ko. Nagulat man ako sa paghablot n'ya sa akin, hindi ako nagpatinag.

"Look, hindi kita kilala at hindi mo rin ako kilala. Wala kang karapatan na hawakan ako sa braso at pilipitin ito," matapang kong turan.

"Pardon me, miss." 

Agad niyang tinanggal ang mga kamay n'ya sa braso ko. Humakbang din siya paurong para magkaroon kami ng space sa isa't isa. 

"Sir, how sure are you na gusto ka rin mapangasawa ng babaeng inirereto sa iyo ng kausap mo sa cellphone?" tanong ko sa kan'ya. "Kung makapagtaas ka kasi ng boses ay parang dehadong-dehado ka."

Hindi ko na hinintay ang sagot n'ya. Natigilan kasi siya sa pakikialam ko kaya sinamantala ko iyon upang makalayo sa kan'ya. 

Habang naglalakad pabalik sa mga kasama ko ay lutang ako. Hindi ako makapaniwala na ang bagong dating na iyon sa resort ay posibleng ang future husband ko. Subalit bigla kong naalala ang nangyari kagabi. Paano kung mabuntis ako ni J.A.? Tatanggapin pa kaya ako ng lalaking nakasagutan ko kanina kung ngayon pa nga lang ay parang isinusuka niya na ako?