TWENTY-TWO

Pagkatapos mag-asikaso sa presinto, bumalik si Hanz sa bahay nina Yeisha.

Mabuti na lang at naisipan niyang bumalik sa mga ito kanina. Kung nagkataon baka kung ano nang nangyari sa mag-ina. At hindi niya mapapatawad ang sarili kung nangyari iyon.

He closed the front door before leaving and going to the precinct. Maayos namang sumama sa mga pulis si Dereck kanina kaya walang masyadong naging problema. At sisiguruhin niyang hindi na nito malalapitan pa sina Yeisha.

Sandali siyang nanatili sa labas niyon at ilang beses na huminga nang malalim, bago nakuhang kumatok. Wala siyang naririnig na kahit anong kaluskos mula sa loob, kaya naiisip niyang baka tulog na ang mga ito. Hatinggabi na rin naman at alam niyang dahil sa pangyayari kanina ay napagod nang husto ang pag-iisip ng dalawa. Both of them were mentally tortured and he knew na hindi talaga iyon maiiwasan.

Tumalikod na siya at tinungo nang muli ang elevator. Subalit eksaktong pagbukas niyon ay sumilip ang ulo ni Yeisha sa p